المحتويات
كارت ميزة بيعتبر نوع جديد من الكروت البنكية اللي بتصدرها أغلب بنوك مصر وهي صادرة بالتعاون مع شركة E- Finance، وبتقدم خدمة مميزة بتسهل على المواطنين المعاملات المادية من خلال بطاقة مدفوعة مسبقًا مش بتحتاج فتح حساب بنكي.
تعريف كارت ميزة
- بتعتبر بوابة إكترونية زي Mastercard أو Visa ولكنه كارت محلي بتسهل بيه الحكومة التعاملات المالية أونلاين بدون الحاجة لوجود فلوس كاش (ورقية)
- تسهيل الدفع الإكتروني هيقلل تدخل العامل البشري في المصالح الحكومية وبالتالي هيساعد على تقليل نسب الخطأ وسهولة الرقابة
- بيسهْل دفع فواتير الكهرباء والمياه والتليفون والإنترنت
- تقدر تستقبل المرتب أو المعاش عليه وتسحبه من أقرب مكنة سحب نقدي ATM
الفرق بين كارت ميزة والكروت التانية
- كارت ميزة محلي وبيستخدم في أماكن محدودة داخل نطاق جغرافي محدد (داخل مصر فقط)
- مش هتقدر تشتري من خلاله أي حاجة من مواقع مش مصرية
- مواقع محددة بس بتقبل الدفع عن طريقه (زي سوق دوت كوم وجوميا وكارفور ومواقع الدفع الحكومية)
- الكروت التانية زي Mastercard أو Visa تقدر تشتري منها أي حاجة محتاجها من أي موقع في العالم
- لو سافرت أي دولة بتفعْل نفس الخدمة هيشتغل معاك بشكل طبيعي
طريقة الإصدار
- بتروح أي فرع من فروع البنوك دي:
- البنك الأهلي المصري
- بنك مصر
- البنك التجاري الدولي CIB
- بنك التعمير والإسكان HSBC
- المصرف المتحد United Bank
- بنك الشركة المصرفية العربية الدولية SAIB
- البنك العربي الأفريقي الدولي
- بنك الإمارات دبي الوطني NBD Bank
- بنك قطر الوطني QNB
- خلي معاك معاك صورة من بطاقتك الشخصية عشان تقدمها
- احتفظ بالأصل لأنهم بيطلعوا عليه
- املا استمارة إصدار البطاقة
- ادفع 15 جنيه مصري فقط
- هتستلم البطاقة بعدها بمدة بسيطة (في نفس اليوم)
- بيتبعتلك رسالة على موبايلك في نفس اليوم أو اليوم اللي بعدها إنك تقدر تشغّل الكارت
- بتدخّل الكارت مكنة الإيداع أو السحب لأول مرة وبتكتب الرقم السري الخاص بيك
المميزات
- مدة صلاحية البطاقة 3 سنوات من تاريخ إصدارها
- بتوّفر خدمة الحماية عن طريق الكود الآمن
- تقدر تستقبل عليها تحويلات مالية سواء من داخل أو خارج الدولة
- بيبقى معاك محفظة إلكترونية بتسهّل عليك أي معاملات مالية من خلال الموبايل
- بتصدر من خلال البطاقة فقط ومش بتحتاج أي مستندات أو حساب في البنك
- الرسوم السنوية 15 جنيه ونفس المبلغ وقت استبدال الكارت لأي سبب
- مفيش عمولة وقت سحب الفلوس من بنك البطاقة
- عمولة سحب الفلوس من بنك مختلف عن بنك البطاقة حوالي 5 جنيه
حدود معاملات الكارت
- 15 ألف جنيه هو الحد الأقصى للرصيد والشراء
- 10 آلاف جنيه هو الحد الأقصى للسحب يوميًا
- 50 ألف جنيه هو أقصى حد للتعاملات المالية شهريًا
شحن كارت ميزة
- بتعمل إيداع عن طريق أقرب ماكينة نقدية ATM ليك عن طريق إدخال الفلوس بطريقة محددة والانتظار لمدة بسيطة للتأكد من دخولها لحسابك المربوط بالكارت
- الأحسن بعدها تعمل استعلام عن الرصيد عشان تتأكد إن عملية شحن الكارت نجحت
- تقدر تروح أقرب فرع للبنك اللي طلّعت منه البطاقة واطلب منهم إيداع المبلغ اللي عايزه في الكارت
