إضافات صحية للمياه وتطبيقات تفكرك تشرب باستمرار

المياه من المكونات الأساسية للجسم، لأنها ضرورية لليونة المفاصل وتنشيط وظائف الجسم، وبتساعد في الحفاظ على نضارة البشرة وتعزيز قوة العضلات، وفي طرق مختلفة هتشجعك وتفكرك تنتظم على شربها يوميا.

طرق مختلفة لشرب المياه

المياه مع الريحان

• اخلط معلقتين صغيرين عسل أبيض مع ليمونة
•  ضيف ورقتين ريحان طازة مع مياه فوارة ومكعبات تلج
• قلبهم كويس في وعاء زجاجي

مع الـ(Maple Syrup)

• اخلط معلقتين صغيرين (Maple Syrup) مع ربع معلقة صغيرة فانيليا سايلة
• ضيفهم لكوب مياه كبير وقلبهم كويس وضيف مكعبات التلج قبل التقديم

الكوكتيل

• اخلط 30 مللي عصير رمان مع معلقة صغيرة عسل وشريحة ليمونة وشريحة برتقال
• ضيف كريز (اختياري)
• زود الخليط على 2 كوب مياه
• ضيف مكعبات تلج عند التقديم

المياه مع الخل والجنزبيل

• اخلط معلقتين كبار خل التفاح مع 4 معالق صغيرة من التحلية المناسبة ليك زي السكر/ الـ(Maple Syrup)/ العسل/ الستيفيا
• ضيف معلقة صغيرة جنزبيل طازة أو ربع معلقة صغيرة جنزبيل بودرة على 6 أكواب منها
• زود مكعبات تلج عند التقديم

مع الفاكهة

• اخلط 3 أكواب من فاكهتك المفضلة زي البطيخ أو الكنتالوب أو الفراولة
• ضيف 3 معالق صغيرة عصير ليمون على 3 أكواب مياه
• زود معلقة كبيرة سكر

مياه الليمون

• اخلط شرايح الليمون مع شرايح البرتقال
• زود الفاكهة للمياه أو النوع الفوار
• ضيف التلج عند التقديم

مع النعناع

• اخلط 3 ورقات نعناع مع شرايح أناناس
• ضيف الخليط ليها مع معلقة سكر صغيرة
• زود تلج عند التقديم

المياه المهضمة

• اخلط شرايح الفراولة والليمون والتفاح وورقتين نعناع ورشة قرفة بسيطة
• ضيف الخليط ليها
• زود مكعبات التلج عند التقديم

مع الروزماري

• دراسات قالت إن الروزماري بيساعد في تحسين الهضم والذاكرة والجهاز المناعي
• ضيف ساق روزماري فريش مع ليمونة مقطعة شرايح على نص لتر منها وحطهم في التلاجة لمدة ساعة قبل ما تشربها

تطبيقات تفكرك بشرب المياه

(Drink Water Tracker Reminder)

• تقدر تحدد من خلاله كمية المياه اللي محتاج تشربها
• بتدخل عليه الكمية اللي بتشربها على مدار اليوم
• بيتابع معاك الكمية اللي باقية في اليوم
• بيعمل جداول أسبوعية وشهرية عن درجة التزامك والكمية اللي شربتها

(Hydro Coach)

• بتحدد من خلاله الكمية اللي عايز تشربها
• بيساعدك تحدد الكمية المناسبة ليك بناء على سنك ووزنك
• بيبعت لك نوتيفيكيشن عند معاد الشرب
• ممكن تخصصيه لاحتياجك في حالة الحمل والرضاعة

(Water Drink Reminder)

• بيساعدك تحدد الكمية المناسبة ليك
• بيقدم نصايح لتغيير عادات الشرب الخاطئة
• بتدخل عليه الكمية اللي شربتها وبيبعت نوتيفيكيشن عشان يفكرك بإنجازك
• تقدر تحدد معاد لبداية وانتهاء شربها وبيقدم جداول لشرح إنجازك الأسبوعي

(Aqualert)

• بيبعت نوتيفيكيشن عشان يفكرك تشربها وبيحسب درجة نشاطك اليومي والكمية المناسبة ليه
• فيه خاصية لإلغاء النوتيفيكيشن أثناء الليل 

(My Water and Drink Reminder)

• بيبعت نوتيفيكيشن عشان يفكرك تشربها
• بيحسب الكمية اللي محتاجها بناء على وزنك ودرجة نشاطك
• بيوفر جداول لعرض إنجازاتك أسبوعيا وشهريا