نقل اثاث من مكان للتاني من الأمور الصعبة خصوصًا لو بتقل قطع أثاث حجمها كبير وبالتالي ضروري تعرف الخطوات اللي هتسهل عليك المهمة في أسرع وقت ممكن.
حيل نقل اثاث داخل البيت
- افتكر إنك محتاج على الأقل شخص واحد معاك لنقل القطع الثقيلة وبلاش تحاول تنقلها لوحدك لأنك وقتها هتبقى بتعرض صحتك للخطر وبتزوّد فرص تلف قطعة الأثاث
- شيل أي إضافات على القطعة أو داخلها عشان تنقلها بسهولة وامسك متر القياس عشان تقيس أبعاد القطعة وتقارنها بمساحة الباب
- راعي طول الأرجل لأنها العائق الأكبر أثناء النقل وشيلها لو مصممة بشكل يسمح بفكها وتركيبها
- خليك مرن وانقل القطعة بأي شكل حتى لو هتقلبها على الناحية التانية وخلي معاك حد تاني يساعدك وخليه موجود بره الغرفة عشان تمسكوا القطعة بتوازن
- ميّل القطعة للأمام أو الخلف حسب المسافة بينها وبين حروف الباب واخلع الباب من مكانه لو هيبقى العائق في إخراج القطعة من مكانها
- خلي الجزء المجوّف (مكان الجلوس) في الكنب أو الكراسي جنب حرف الباب مباشرة
- وثبّت عليها قطعة قماش أو سجادة خفيفة أو بطانية قديمة وجرّها على الأرض لو القطعة طولها مناسب لحجم الباب بس تقيلة
- بلّ الأرض بالمياه لو مفيش قطعة قماش مناسبة عشان تسهل نقلها
استعدادات نقل الأثاث من منزل للتاني
- افتكر إنك لازم تستعين بشركة متخصصة بتضم أفراد يساعدوك في نقل الأثاث ولكن خطوات كتير تقدر تعملها مع أفراد أسرتك
- جمْع كل الأوراق الشخصية في شنطة واحدة واعرف مكانها واتعامل معاها زي شنط اللبس وحطها في مكان بعيد عن الأنظار
- امسك ورقة وقلم وقسّم القطع حسب صعوبتها في النقل واعرف إنك بتجهّز القطع الأسهل في البداية
- مع كل قطعة بتفرّغها من أي شيء بيغطيها سواء مفرش أو ترابيزة أو كسوة لو كنبة وبتنضفها بدقة
- فرّغ الدواليب بالكامل في شنط ولمّعه كويس قبل فكّه
- خرّج كل المقتنيات القابلة للكسر من النيش أو من مكانهم الأصلي ولفّهم في فوط ورتّبهم في الكراتين
- الخبراء بيأكدوا إنك الأحسن تنقل كل الأشياء سهلة الحمل في البداية زي الدواليب بعد فكّها والأسرّة والكراسي والكنب
- سيب السفرة خصوصًا لو كبيرة والنيش وقطع الصالون أو الاستقبال الرئيسية للنهاية
- افتكر إن نقل المطبخ محتاج استعدادات خاصة وبالتالي ضروري تبقى متأكد إن مطبخك الجديد هيستوعب مقاسات قطع المطبخ القديم
- بعد الانتهاء من ترتيبات بدء النقل ضروري تحدد الحاجات اللي مش هتسخدمها عشان تتبرّع بيها أو تبيعها
- غلّف الأثاث بقطع البلاستيك المخصصة لتغليف الأجهزة الإلكترونية لأنه بيساعد على امتصاص الصدمات وبيقلل تأثيرها على القطع الخشبية
