المحتويات
كيكة الشوكولاتة من ألذ الحلويات اللي ممكن تاكلها بجانب قهوتك المفضلة، كمان تقدر تستخدمها في إعداد التورتة لأعياد الميلاد لعشاق الشوكولاتة، وتدخل فيها حشوات مختلفة، هنقولك وصفات مختلفة مناسبة للأيام العادية والمناسبات البسيطة في المنزل.
وصفات مختلفة لكيكة الشوكولاتة
كيكة الشوكولاتة التقليدية
المكونات
- كوبايتين دقيق
- 3 معالق كبار كاكاو خام
- كوباية سكر
- 3 بيضات
- باكو بيكنج بودر
- كوباية زيت
- نص ملعقة صغيرة فانيليا
- كوباية لبن حليب
الطريقة
- اخلط اللبن والزيت والكاكاو كويس مع بعض في الخلاط الكهربائي
- افصل مقدار كوباية من الخليط السابق
- اخفق البيض مع الفانيليا والسكر مع باقى خليط الكاكاو لحد ما يبقى خليط متجانس
- ضيف الدقيق والبيكنج بودر
- صب الخليط في صينية مدهونة زبدة ودخلها الفرن على درجة حرارة 180 لمدة 15 دقيقة
- بعد ما الكيك تبرد شوية.. استخدم شوكة أو خلة أسنان، واعمل ثقوب صغيرة على الوجه والجوانب بشكل دائرى
- وزع كوباية خليط الكاكاو على الكيك وسيبها تتشرب
- ممكن تفصل الكيك نصين بعد ما تبرد تماما وتحشيها بكريم شانيته وتزينها بالكريمة مع بشر شوكولاتة
الفادج الساخن
المكونات
- 6 معالق كبار كاكاو غير محلى
- كوباية دقيق
- تلت أربع كوباية سكر
- معلقتين صغيرين بيكنج بودر
- ربع معلقة صغيرة ملح
- معلقة صغيرة فانيليا
- كوباية سكر بني
- معلقتين كبار زيت
- نص كوباية لبن حليب
- 4 كوبايات مياه سخنة
الطريقة
- امزج الدقيق مع السكر ومعلقتين كبار كاكاو وبيكنج باودر والملح
- اخفق اللبن مع الزيت والفانيليا وضيفه لخليط الدقيق والكاكاو
- وزع الخليط في صينية مدهونة كمية قليلة من الزيت والدقيق
- اخلط السكر البني مع باقي الكاكاو ووزع على سطح الصينية
- دخل الصينية الفرن لمدة 40 دقيقة
- قدم الفادج ساخن مع بولة آيس كريم
كيك من غير دقيق
المكونات
- معلقة كبيرة كاكاو
- كوباية زبدة
- 300 جرام شوكولاتة خام مفرومة
- معلقة قهوة سريعة التحضير
- 6 بيضات (افصل البياض عن الصفار)
- كوباية سكر
الطريقة
- في بولة عميقة.. دوب الشوكولاتة مع الزبدة في الميكروويف أو فوق حمام مائي
- دوب القهوة في معلقتين مياه سخنة وضيفها على الشوكولاتة وقلب كويس
- اخفق بياض البيض بالمضرب الكهربائي لحد ما يترفع ولونه يبقى أبيض
- في بولة تانية.. اخفق السكر والفانيليا مع صفار البيض لمدة 5-8 دقائق
- ضيف الكاكاو على خليط صفار البيض واخلط كويس
- وزع الخليط على خليط الشوكولاتة والزبدة
- ضيف بياض البيض وقلب بمعلقة من جوه لبره
- وزع الخليط في صينية متوسطة ودخلها الفرن لمدة ساعة على درجة حرارة 180
- ممكن تضيف الصوص المفضل (توت/ كراميل) على الكيك بعد ما تبرد
