المحتويات
أجنحة الدجاج من الأطعمة المنتشرة بين الناس، وفي وصفات مختلفة تقدر تعملها بيها بطريقة مقلية أو مشوية عشان تكون صحية أكتر.
الأجنحة بصوص البافلو الحراق
المكونات
- كيلو أجنحة متصفية كويس بعد نقعها في مياه وخل لمدة 10 دقايق
- ربع كوب زبدة
- نص كوب دقيق
- نص كوب نشا
- البهارات: ملح/ فلفل/ بودرة بصل/ بودرة توم/ سكر/ بابريكا
- معلقة كبيرة عسل أسود
- معلقة صغيرة شطة
- 3 معالق كبار صلصة
- 3 معالق كبار كاتشب
- معلقة كبيرة صويا صوص
الطريقة
- اقسم الأجنحة نصين وارمي الطرف الخارجي منها
- تبلها بملح وفلفل وقلبها كويس في وعاء كبير
- في وعاء تاني.. اخلط الدقيق والنشا كويس
- نشف الفراخ من فوق بمنديل مطبخ عشان تتخلص من أي سوايل فيها
- حطها في خليط النشا والدقيق وغطيها من كل الجوانب
- اقلي الفراخ في زيت غزير سخن من 15- 20 دقيقة
- حط حلة صغيرة على النار وحط فيها الزبدة/ الصلصة/ الكاتشب/ العسل الأسود/ السكر/ رشة من كل نوع بهارات
- دوب معلقة صغيرة نشا في نص كوب مياه وضيفها للخليط على النار وبعدين حط الملح
- ضيف ربع كوباية خل والصويا الصوص وقلبهم كويس
- حط الفراخ في طاسة على النار وزود عليها الخليط وقلبهم كويس دقيقتين عشان الصوص يتشرب
أجنحة الدجاج في الفرن
المكونات
- كيلو ونص أجنحة متنضفة كويس ومتصفية من أي سوايل
- معلقة صغيرة بودرة توم
- معلقة صغيرة زعتر بري (أوريجانو)
- معلقة كبيرة بابريكا
- معلقة صغيرة شطة (اختياري)
- معلقة صغيرة فلفل أسود
- معلقة صغيرة ريحان مجفف
- معلقة صغيرة شمر (اختياري)
- معلقة صغيرة ملح
- معلقتين خل أو عصير ليمونة كبيرة أو عصير 2 ليمونة صغيرة
- معلقتين كبار صلصة طماطم
- 3 فصوص توم مفرومين
- 3 معالق زيت
- معلقة كبيرة جنزبيل طازة مطحون (اختياري)
- بصل أخضر متقطع صغير
الطريقة
- قلب الفراخ مع البهارات كويس
- اخلط الفراخ المتبلة مع عصير الليمون/ الخل
- ضيف الصلصة والتوم للخليط
- وبعدين ضيف الجنزبيل (اختياري) والبصل الأخضر
- آخر خطوة هي إضافة الزيت وقلبهم كويس
- سيب الفراخ في التتبيلة على الأقل ساعتين
- رص الفراخ في صينية كبيرة فيها ورق زبدة ودخلها فرن سخن على درجة حرارة 180 لمدة نص ساعة
- اتأكد إنها احمرت من كل الجوانب قبل التقديم
أجنحة الدجاج المقلية
المكونات
- أجنحة دجاج
- ملح/ فلفل أسود/ بابريكا/ بهارات فراخ/ عصير ليمون/ بودرة توم/ بودرة بصل
- دقيق
- بيض
- بقسماط
الطريقة
- اخلط أجنحة الدجاج مع البهارات وعصير الليمون وسيبها في التلاجة لمدة ساعتين
- اقطع كل جناح من النص عشان يستوي أسرع
- اخلطها في الدقيق وبعدين البيض والبقسماط
- اقليها في زيت سخن وغزير لحد ما لونها يبقى دهبي
أجنحة الدجاج المشوية
المكونات
- أجنحة دجاج مغسولة ومتصفية كويس
- معلقة صغيرة توم مفروم
- معلقتين صغيرين مستردة
- معلقتين كبار مياه بصل
- معلقة كبيرة عصير ليمون
- بشر قشر ليمونة واحدة
- بابريكا/ جنزبيل طازة/ ملح/ فلفل/ بهارات فراخ
- معلقة كبيرة صلصة طماطم
- معلقتين زبدة سايحة
الطريقة
- اخلط كل المكونات مع الأجنحة وسيبها في التلاجة ساعتين
- افرد الأجنحة على ورق زبدة في صينية ودخلها الفرن سخن على درجة حرارة 170
