المحتويات
الهدية المناسبة بتحتاج تفكير جيد وأفكار مختلفة عشان تختارها صح، والهدية بتختلف حسب المناسبة وطبيعة الشخص، وفي حاجات بسيطة هتساعدك تختارها.
نصائح لشراء هدية مناسبة
- فكر في الهدية المفيدة اللي الشخص ممكن يستخدمها بشكل متكرر لأنها لو هتتركن أو هتستخدم مرة واحدة تبقى غير مفيدة
- لو فكرت في هدية تستخدم مرة واحدة.. لازم تكون تجربة جديدة الشخص هيستمتع بيهل زي جلسة مساج/ جلسة عناية بالوجه/ الـ(Spa)
- لو الشخص قريب منك.. فكر في مشكلة دايما بيواجهها أو حاجة بيحتاجها زي إنه بيستخدم الموبايل بره كتير فالهدية المناسبة هي باور بانك
- عنصر المفاجأة في فكرة الهدية وتوقيتها مهم.. قدم الهدية قبل معادها بيوم واختار حاجة صعب يخمنها
- ممكن تستخدم الهدايا المستمرة مع الأشخاص القريبة منك زي اشتراك سنة في منصة إلكترونية لأن عند التجديد شهريا الشخص هيفتكرك ويفرح
- اختار الجودة الأفضل من أي هدية تختارها مهما كانت بسيطة فحتى لو هتشتري ماج.. اختار نوع جودته كويسة ومتين
- الهدايا العملية مفيدة لكن لو الشخص مميز بالنسبة لك حاول تجمع بين العملية والابتكار زي أدوات المطبخ عليها اسم الشخص
- مش دايما الهدية الأفضل هي الأغلى.. المهم تكون مناسبة لاحتياجات الشخص واهتم بتفاصيل التغليف والتقديم
- التخطيط والتفكير قبلها بوقت كافي خطوة مهمة لتجنب التردد أو شراء أي شيء غير مفيد
- ركز مع الأشياء اللي الشخص التاني بيشتكي منها عشان تقدر تشتري هدية متعلقة بحلها
- لو لأكتر من شخص.. فكر في (Theme) معين للهدايا زي مثلا كتاب لكل شخص حسب اهتماماته
- ممكن تعمل شكل معين للهدايا في المناسبات المختلفة لو بتواجه صعوبة في اختيارها فمثلا ممكن تخلي الهدايا اللي فيها تجربة جديدة لأعياد الميلاد والهدايا الملموسة للكريسماس
- سجل ملاحظات قبلها بفترة لو الشخص بعتلك شنطة عاجباه/ حفلة / تجربة عايز يعملها وراقب حساباته على السوشيال ميديا
- ممكن الهدية يكون فيها جزء من شخصيتك أو حاجة بتحبها وعايز الشخص التاني يجربها
- ركز على الحاجات اللي صعب يشتريها لنفسه بسبب سعرها/ ضيق الوقت/ عدم وجود طاقة للتفكير فيها
- لو واجهت صعوبة في التحديد.. اسأل عيلته وصحابه وممكن تسأله هو بس خليه آخر اختيار
أفكار هدية لمناسبات مختلفة
هدية مناسبة للتخرج
- ساعة رياضية
- كتب لو بيحب القراءة
- سماعة
- ترمس للحفاظ على القهوة
- باور بانك
- اشتراك نتفليكس
- شنطة ضهر
- (Planner)
- ماكينة قهوة
هدايا لشخص مريض
- باسكت العناية بالنفس (لوشن الجسم/ زيوت لتهدئة الأعصاب)
- بيرفيوم
- (Bath Bombs) اللي بتعمل فقاعات أثناء الاستحمام في البانيو
- موزع الزيوت العطرية
- مجموعة لوح لتزيين الغرفة
- كراسة تلوين لتقليل التوتر
- ملابس اليوجا
- زجاجة للحفاظ على برودة المياه
- كتب
- أدوات طبخ جديدة
- نبات
- مجموعة المساج في البيت
- بيجاما وشراب
هدية مناسبة لعيد ميلاد طفل
- كيس ملاكمة رملي وجوانتي
- مجموعة ستايلينج للعرائس
- مجموعة عمل الأساور والسلاسل
- كراسة تلوين
- آلة موسيقية
- خيمة غرفة النوم
- مجموعة الخياطة
- مكعبات ليجو مناسب لسنه
- كاميرا طباعة الصور الفورية
- كتاب ألغاز
- مايك كاريوكي
هدايا عيد ميلاد
- سماعات سبيكر أو (Headset)
- ماكينة قهوة
- مجموعة العناية بالبشرة
- اشتراك شهري لفصول اليوجا
- مجموعة كتب لنفس الكاتب
- سلسلة بوردة شهر الميلاد
- علبة لمجموعة الأعشاب
هدية للزواج
- لوحة رخامية للباب عليها اسم العيلة
- كتاب (أكتر من 120 وصفة لتجديد العلاقة) عشان يستخدموه أسبوعيا
- ماكينة قهوة
- أطباق تقديم المقبلات الرخام
- حلة طبخ (Iron Cast)
- مجموعة شموع مختلفة
- لوحة فيها ذكرى ليها علاقة بيهم
- مجموعة (Coasters) للأكواب الساخنة عليها تاريخ جوازهم
- جهاز تنقية الهواء
- اشتراك في مجموعة قنوات مشفرة أو منصة إلكترونية لكذا شهر
- نباتات
هدايا البيت الجديد
- مجموعة علب تخزين خوص
- شجرة المال
- ألواح تقطيع عليها اسم العيلة
- طقم أطباق تقديم المقبلات الخشب
- موزع الزيت العطري
- النباتات الصغيرة في أوعية سيراميك
- حلة طبخ الأرز
- آير فراير
- مجموعة أطباق (Matte)
- لمبة ملح الهيمالايا
- بلندر العصاير اليدوي
- مجموعة (Coasters) سيراميك
- لوحة تعليق المفاتيح (Customized)
