ضرس العقل هو الضرس الطاحن اللي بيظهر على كل جانب من الفكين ما بين سن 16-21 سنة وهو آخر الأسنان ظهورا، وهنقدملك كل المعلومات اللي محتاج تعرفها عن مشاكله وأعراضها وطرق التعامل معاه.
ما هو ضرس العقل؟
- بعض حالات ظهوره عادة لا يكون في مسافة كافية متبقية في الفم لاستيعابه وده ممكن يسبب انحشاره بمعنى إنه يكون محبوس أسفل نسيج اللثة بسبب ضرس تاني أو العظام، وده بيسبب تورم أو ألم.
- بيظهر بشكل جزئي أو مايل وده بيسبب ألم الأسنان الشديد والشعور بعدم الارتياح وممكن يأثر على الأسنان اللي جنبه
مشاكل ضرس العقل
بتبدأ تظهر بين سن 15-25 سنة وفي معظم الحالات بتسبب خلعه، ومن المشاكل الأكتر انتشارا هي:
- قلة المساحة، لأنه بيظهر بشكل جزئي أو مايل لعدم وجود مكان كافي وده بيسبب نمو أنسجة اللثة حواليه وبالتالي زيادة خطر الإصابة بالتهاب اللثة
- الاتجاه الخاطيء، لأنه في بعض الحالات بيظهر بالمقلوب
- حجم الفك الصغير، وبالتالي قلة المساحة الكافية لظهوره والميل لانغراسه في الفك وعدم قدرته على اختراق اللثة
- ظهوره خلف الفم وده بيسبب صعوبة تنضيفه بالشكل الصحيح
- ظهور أكياس، فممكن تظهر أكياس مترافقة مع ضرس العقل واللي بتسبب ضرر العظام والجذور في المكان
- تسوس الأسنان، فضروس العقل أكتر عرضة ليه وبتعلي خطر إصابة الأسنان المحيطة ليه بالتسوس
- أمراض اللثة، لأن الأنواع المغروسة في اللثة بتسبب آلام شديدة في اللثة نتيجة التهابها
أعراض الإصابة بمشكلة في ضرس العقل
لا تسبب ضروس العقل المدفونة ظهور مشاكل في بعض الحالات، وفي حالة تعرض الضرس للعدوى أو لو سبب مشاكل للضروس التانية أو لو بيعاني من مشاكل معينة بتظهر أعراض زي:
- ألم شديد وتصلب في الفك في المنطقة المحيطة لظهور الضرس تحديدا
- تهيج مصحوب بألم نتيجة ظهوره بطريقة خاطئة
- احمرار اللثة أو تورمها
- رقة اللثة أو نزفها
- طعم كريه في الفم وظهور رائحة الفم الكريهة
- صعوبة في فتح الفم
- انتفاخ وتورم اللثة
- ازدحام الأسنان أو تغير شكلها بسبب عدم وجود مكان كافي لظهوره
- تسوس الأسنان في حالة ظهور ضرس العقل خلف الفم
- خلع ضرس العقل
ضرس العقل قد لا تحتاج لخلعه لو كان:
- صحي
- نمى بالكامل
- موضعه سليم ومنطبق على الضرس المقابل ليه عند العض
- سهولة الوصول لكل جوانبه وتنضيفه
- في حالات معينة بتحتاج للخلع وأعراضها هي:
- لو الضرس كان مغروس بشكل كامل في اللثة
- بروز جزء منه وباقي الضرس مغروس
- في حالة إنه بيزاحم الأسنان اللي جنبه بسبب عدم وجود مساحة كافية لنموه
- الألم المستمر
- تكرار الإصابة بالعدوى في الأنسجة الرخوة
- ظهور أكياس مليئة بسائل
- الأورام
- بعض الأطباء نصحوا بخلعه في سن أصغر قبل اكتمال نمو الجذور والعظام
الوقاية
صعب تمنع نمو الضرس بشكل خاطىء في اللثة، لكن المداومة على زيارة الطبيب كل 6 شهور للتنضيف والفحوصات الطبية هتساعدك تراقب نموه وتلحقه في الوقت الصحيح قبل التأثير على الأسنان التانية