مشاكل صوت الآيفون متعددة ومنها مثلًا اختفاء الصوت وقت المكالمات أو كتمه سواء من التليفون نفسه أو حتى من السماعات، أحيانًا بتبقى بسبب مشكلة فنية في السماعات لازم يحلها فني متخصص، وبعض المشكلات التانية حلها في خطوات بسيطة هنقولك عليها:
- اتأكد من عدم تفعيل زرار الوضع الصامت/ Silent button الموجود في يسار الجهاز
- شيل جراب التليفون وشاشة الحماية عشان تتأكد من دقة فتحة السماعة الداخلية
- افتح الإعدادات/ Settings وبعدها الأصوات والحس اللمسي/ Sounds and Haptics وحرك الدايرة اللي وسط شريط التمرير واتأكد إنك بتسمع صوت والغي تفعيل التغيير بالأزرار/ Change with Buttons عشان تتجنب اختفاء الصوت المفاجئ
- اتأكد إن فيه شبكة واعمل مكالمة من تليفونك لتليفون حد معاك في نفس المكان عشان تقيم جودة الصوت
- اقفل الـ Bluetooth وخاصية عدم الإزعاج/ Do Not Disturb
- نزّل أجدد تحديث للتليفون
- ادخل على الإعدادات/ Settings وبعدها Face ID and Attention واقفل الميزات المتتبعة للانتباه/ Attention-Aware Features
- لو المشكلة مستمرة ادخل على الإعدادات/ Setting ومنها على عام/ General وفعّل إعادة تعيين جمع الإعدادات/Reset All Settings
- نضف مكان السماعة كويس بفرشة أسنان قديمة عشان تتخلص من أي أتربة متراكمة
- استشير فني متخصص أو زور أقرب فرع للتوكيل لو المشكلة لسه موجودة في صوت الآيفون
