شنط الخروج: أنواعها والفروق بينها واستخدامها المناسب

شنط الخروج من القطع الأساسية للسيدات عند الخروج، واختيار الأنسب منها للأماكن المختلفة زي العمل والمناسبات هيساعدك يكون شكلك أحلى وتستخدميها بطريقة عملية أكتر.

أنواع شنط الخروج 

 الشنطة الهوبو (Hobo Bag)

• حجمها كبير 
• بتتشال على الكتف
• ليها شكل شبه الهلال
• شكلها بيختلف حسب الخامة واستخدامها، ففي منها المناسب للخروجات الفورمال لأنها صغيرة والأنواع الكبيرة مناسبة للخروجات الكاجوال

شنط توتي (Tote Bag)

•  تصنع من القماش أو الجلد 
• مستطيلة
• إيديها من نفس الخامة
• عملية للمشاوير السريعة
• ممكن تستخدميها للجيم لو محتاجة شنطة صغيرة أو للبحر

الكلاتش (Clutch)

•  مخصصة للسهرات أو الأفراح 
• حجمها صغير 
• بإيد أو من غير
• في منها أشكال مختلفة زي الجلد والقماش المزين بالخرز
• في شكل منها مناسب للخروجات الكاجوال باللليل وهو أبسط وأقل في التطريز

المينادير (Minaudiere)

 شبه الكلاتش لكن مزينة بالأحجار وملونة أكتر

(Wristlet)

• حجمها صغير وليها حزام عشان تتلبس في الإيد
• في منها أحجام أكبر بسيط وخامتها في الأغلب بتكون جلد

شنطة الشاطئ (Beach Bag)

• بتختلف في شكلها حسب الخامة لكن كل الأنواع ليهم نفس الشكل المربع
• مريحة وكبيرة 
• مقاومة للمياه

ساتشيل (Satchel)

• شكلها مستطيل أو مربع وليها أشرطة
• الحجم الكبير مناسب للشغل
• الصغير مناسب للخروجات
• في الأغلب خامتها بتكون جلد

الباكيت (Bucket)

• مناسبة للخروجات البسيطة اللي احتياجاتك فيها قليلة
• بتليق على الفساتين الكاجوال
• حجمها بيختلف من نوع للتاني لكن في الأغلب بيكون صغير
• شكلها أسطواني (شبه الجردل)

سلوتشي (Slouchy)

• ملمسها ناعم
• حجمها صغير شبه المخدة وفي منها أحجام كبيرة وإيدها أطول
• بتتشال في الإيد أو على الكتف

الهيبي (Hippie)

• إيدها طويلة 
• غالبا بتتصنع من القماش وفيها ألوان كتير وأشكال مختلفة من التطريز
• بتليق مع الأطقم الكاجوال والفساتين السادة

الويست

• حجمها صغير
• بتتربط على الوسط أو ممكن تتربط على الكتف
• ليها أشكال وخامات مختلفة زي الجلد والقماش

الماسنجر (Messenger)

• مناسبة للجنسين لكن الشكل الرجالي بيكون أكبر وفيه جيوب أكتر ومناسبة للعمل
• ليها أحجام مختلفة
•  غالبا تصنع من القماش
• فيها جيوب كتير
• ممكن تلبسيها مع أطقم كاجوال أو أطقم (Semi Formal)

الباكباك (Backpack)

• بتتشال على الضهر 
• مناسبة للشغل أو السفر
• خامتها جلد أو قماش أو خوص
• في منها أحجام وأشكال مختلفة حسب الاحتياج سواء الشغل أو خروجة كاجوال

شنطة الإيد (Hand Bag)

• بتتشال على الكتف 
• بتوصل لمنطقة الوسط
• ليها أشكال وأحجام مختلفة
• مناسبة أكتر للبس الكاجوال لأن حجمها كبير

(Saddle Bag)

• بتتشال على الكتف أو كروس
•  إيدها طويلة 
• في منها شكل أصغر وإيده أقصر

(Drawstring bag)

•  قماش
• ليها إيدين 
• بتشيل حاجات بسيطة

الشنطة الباجيت (Baguette)

•  مربعة وكبيرة
• إيدها قصيرة 
• بتتشال على الكتف

(Barrel Bag)

• طويلة 
• أسطوانية الشكل
• غالبا بتستخدم في الجيم
• في منها أشكال جلد

الباسكت (Basket)

• قعرها مدعم 
• مربعة وحجمها كبير

الكيلي (Kelly)

• مناسبة للخروجات والمقابلات المهمة
• إيدها صغيرة 
• حجمها صغير

المالتي باوتش (Multi Pouch) 

• حجمها صغير
•  معاها شنطة نفس الشكل بحجم أصغر
• بتتلبس على الكتف

الميكرو (Micro)

حجمها صغير جدا يساع مفتاح العربية أو الروج بس