المحتويات
قرض الزواج من الحلول اللي بيلجأ إليها بعض الشباب المقبلين على الزواج سواء لشراء شقة أو لتجهيز الأثاث والأجهزة الكهربائية، وغيرها من التكاليف اللي صعب توفيرها خلال فترة قصيرة.
بنك القاهرة
- الحد الأقصى للقرض من بنك القاهرة 500 ألف جنيه والحد الأدنى للسن هو 21 سنة
- ضروري دخلك الشهري يبقى مش أقل من 3000 جنيه
- مدة السداد بين 6 شهور حتى 120 شهر
- المستندات المطلوبة بتتغير من وقت للتاني بس ضروري يبقى معاك ضامن وصورة من بطاقتك الشخصية وصور شخصية حديثة
- لازم يبقى معاك وصل لأحد المرافق سواء كهرباء أو غاز أو مياه
البنك الأهلي المصري
- بيقدم البنك الأهلي المصري خدمة قروض الزواج سواء كان الشخص موظف في الحكومة أو في القطاع الخاص
- بتتراوح قيمة القرض بين 5 آلاف جنيه حتى 500 ألف جنيه وممكن توصل قيمة القرض لمليون جنيه لو مضيت على تحويل مكافاة نهاية الخدمة للبنك مباشرة
- مش بيشترط البنك ضامن حكومي للمتقدم
- لازم يبقى معاك وصل لأحد المرافق سواء كهرباء أو غاز أو مياه
- ضروري تدفع مقدمًا 2% من قيمة القرض كمصاريف إدارية
- لازم تتعهد إن مرتبك هيتحول تلقائيًا للبنك الأهلي
قرض الزواج من البنك التجاري الدولي
- الحد الأقصى للقرض من بنك CIB هو 350 ألف جنيه والحد الأقصى لسداد القرض هو 5 سنوات
- ولازم يبقى الحد الأدني لمرتبك 2600 جنيه
- تحديد الفائدة في البنك التجاري الدولي أو في أي بنك تاني بناء على دخلك ومدة السداد اللي بتختارها وقيمة القرض ومش نسبة ثابتة
- بيتطلب صور البطاقة الشخصية وصور شخصية حديثة وإيصالات من أحد المرافق سواء كهرباء أو مياه أو غاز
بنك ناصر الاجتماعي
- القرض من بنك ناصر مخصص لمساعدة الأسر الأولى بالرعاية بعد إجراء استعلامات من مكتب الشؤون الاجتماعية لتحديد لو الشخص يستحق الحصول على القرض ولا لأ
- الحد الأقصى لقيمة التمويل 15 ألف جنيه وقيمة المصاريف الإدارية رمزية
- مفيش سن محدد ضمن شروط الحصول على القرض
- الشخص الحاصل على القرض مش بيمتلك أي دخل شهري ثابت ولازم يبقى بيشتغل حر ومش موظف في الحكومة
كيفية حسم قرار التقديم على قرض من البنك
- قيّم حالتك المادية عشان تحدد مدى قدرتك على سداد أقساط القرض شهريًا
- اعرف إذا كنت هتحقق استثمار معيّن بفلوس القرض ولا هتشتري حاجات هتنخفض قيمتها مع الوقت
- بلاش تعتمد على أرباح مستقبلية مش متأكد من توافرها خلال الجدول الزمني للسداد
- اسأل نفسك لو هتقدر تأقلم ظروف معيشتك مع التخلي عن جزء من دخلك لسداد القرض
- راقب استعداداتك للظروف المالية العاجلة
- قارن بين عروض البنوك المختلفة للحصول على أحسن سعر للفايدة
- اسأل عن كل التفاصيل اللي تخص نظام الدفع وضريبة التأخير والقدرة على السداد العاجل للقرض
- اعرف حساب الرسوم الإدارية والمصروفات الخاصة بالقرض
- اطلب الجدول الزمني المخصص لسداد القرض عشان تقدر تخطط صح
- حدد بالظبط المبلغ اللي محتاجه عشان تحقق أكبر استفادة وتقلل قيمة الفوايد اللي هتدفعها
- بلاش تتسرع واستشير المقربين منك أو حد متخصص عشان توصل لقرار صح
