المحتويات
سبترين من أنواع المضادات الحيوية اللي بتستخدم في علاج أي عدوى أو إصابة ناتجة عن بكتيريا خصوصًا عدوى الرئة أو الالتهاب الرئوي اللي بتحصل بسبب بكتيريا نوموسيستيس أو الإصابة بعدوى نتيجة بكتيريا توكسوبلازما.
مكونات سبترين
- بيتكوّن سبترين من مركبات مختلفة وهي سلفا ميثوكسازول وتريمثوبريم وفي بعض الأحيان بتتسمى الأدوية دي الكوتريموكسازول
- وفيها مكونات تانية زي البوفيدون والصوديوم النشا غليكولات وسترات الماغنسيوم ودوكوسات الصوديوم (بالنسبة للأقراص)
- أما الشراب بيحتوي على محلول السوربيتول والجليسرول وافيسيل ار سي وكارميلوز الصوديوم والإيثانول ونكهة الفانيليا ونكهة الموز وبوليسوربات 80 والمياه النقية
الشكل الدوائي
- أقراص (في جزء منها أقراص مضاعفة القوة)
- شراب للأطفال
دواعي الاستعمال
- إصابات المرارة والجهاز البولي
- الالتهاب الرئوي وإصابات الرئة
- إصابات وأمراض الأذن
- أي إصابة أو عدوى في الرئة أو المخ أو البشرة
- بيستخدم لعلاج الالتهاب الرئوي الناتج عن بكتيريا وآلام الحلق
- احمرار وتورم اللوز وظهور ألم في الحلق
- تكوّن بقع بيضان على الحلق أو اللوز
الجرعة المناسبة
- لأقراص سبترين مضاعف القوة 160 ملجم و800 ملجم ضروري قرص صباحًا وقرص مساءًا لمدة مش أقل من 5 أيام وبلاش تستخدم الأقراص بالتركيز ده للأطفال أقل من 12 سنة
- ممكن يوصف الطبيب جرعات مختلفة من نفس التركيز لو حالة المريض تستدعي خصوصًا في حالات إصابات الرئة ببكتيريا أو علاج إصابات الجهاز البولي
- لسبترين الشراب تركيز 40 و200 ملجم فالجرعة حسب سن طفل
- للرضع من 6 أسابيع لـ 5 شهور ممكن ياخدوا معلقة واحدة 2.5 مل الصبح ومعلقة بالليل
- الأطفال من 6 شهور لسن 5 سنوات بياخدوا حوالي معلقة واحدة 5 مل في الصباح ومعلقة بالليل
- فوق سن الـ 5 سنوات لحد سن 12 سنة بيتناول الأطفال معلقتين صغيرين 5 مل في الصباح ومعلقتين بالليل بنفس المقدار
- سبترين أقراص تركيز 80 و400 ملجم مسموح بتناوله للأشخاص فوق سن الـ 12 والجرعة المعتادة منّه قرصين في الصباح وقرصين بالليل
- ممكن الجرعة تزيد لو المريض مصاب ببكتيريا تسكوبلازما أو نوكارديا أو بتعالج أمراض الجهاز البولي أو علاج أمراض الرئة والوقاية من الأمراض الناتجة عن البكتيريا
الأعراض الجانبية
- بعض الأعراض بتحصل نتيجة الإصابة بحساسية من مكونات الدواء (بتحصل في 1 لكل 10 آلاف) وهي:
- صعوبة التنفس
- انتفاخ الفم واللسان واحمرار الحنجرة وصعوبة البلع
- ألم الصدر
- بقع حمراء على البشرة
- تورّم الوجه
- أعراض تانية منتشرة بتظهر لكل 1 من 10 أشخاص بيتناولوا الدواء وهي:
- ارتفاع مستويات البوتاسيوم واضطراب ضربات القلب
- ظهور بعض الفطريات على الفم أو اللسان
- الصداع الشديد
- الإسهال
- الطفح الجلدي
- الدوار الشديد
- الغثيان (بيحس بيه 1 كل 100)
- أعراض تانية بيحس بيها أقل من 1 لكل 10 آلاف وهي:
- ارتفاع الحرارة والحمى الشديدة
- ضيق التنفس
- احمرار الجلد
- طفح جلدي شديد
- مرارة اللسان وتقرحات الفم
- التهاب العيون
- انخفاض الصوديوم في الدم
- الشعور بالتعب والضعف والأنيميا
- مشاكل القلب
- الصفراء
- آلام المعدة وظهور دم في البراز
- التهاب المفاصل
- آلام الصدر أو العضلات أو المفاصل
- مشاكل الكلى
- تصلب في الرقبة
- رنين أو أصوات غير معتادة في الأذن
الحمل والرضاعة
- ضروري تستشيري طبيب متخصص قبل تناوله لو بتخططي للحمل أو إذا كنتي حامل أو مرضعة
- بعض الدراسات بتقول إن تناوله وقت الحمل بيزوّد فرص إصابة الجنين بتشوّهات خطيرة
التداخلات الدوائية
- بيتفاعل سبترين مع بعض الأدوية زي:
- الأقراص المائية اللي بترفع نسبة البول
- سيكلوسبورين اللي بيستخدم بعد زراعة الأعضاء
- أدوية منع تجلّط الدم زي الوارفارين
- فينيتوين المستخدم لعلاج الصرع
- أدوية السكر زي جليبنكلاميد أو تولبوتاميد (مجموعة أدوية السلفونايل يوريا)
- أدوية علاج ضربات القلب زي الديجوكسين وبروكابيناميد
- أمانتادين اللي بيستخدم لعلاج شلل الرعاش ومرض التصلب المتعدد بجانب علاج نزلات البرد
- أدوية علاج نقص مناعة الجسم زي زيدوفودين ولاميفودين
- مكملات البوتاسيوم
- الميثوتركسات المستخدم لعلاج السرطان أو تقوية المناعة
التحذيرات
- ضروري تستشير طبيب متخصص لو سنّك فوق الـ 60 أو عندك الحالات المرضية دي:
- عندك حساسية شديدة أو ربو
- بتعاني من أعراض الطفح الجلدي المزمن
- أو علامات قرح الفم أو الحنجرة أو الأنف أو الأعضاء التناسلية
- مشاكل الدم أو الجهاز العصبي
- انخفاض نسبة حمض الفوليك
- الصفراء
- بتعاني من سوء التغذية أو انخفاض الوزن
بدائل دواء سبترين
- ستريم فورت (Sutrim Forte)
- سوتابريم (Sutaprim)
- سيبتازول (Septazole)
السعر
- العبوة فيها شريط واحد سعره 13.5 جنيه مصري
- زجاجة دواء سبترين شراب سعرها 9 جنيه مصري
