المحتويات
زيادة المرتبات شيء بيحلم بيه كل موظف خصوصًا لو بيشتغل في شركة أو مؤسسة معينة لمدة طويلة، لكن أحيانًا بينتظر لمدة طويلة بدون تحقيق أمله وبيصاب بالإحباط ومش بيعرف الطريقة اللي يطلب بيها الزيادة وبيوصل بيه الموضوع للتفكير إذا كان يستحق الزيادة فعلًا ولا لأ.
زيادة مرتبات العاملين في الدولة من أول يوليو
- اعتمدت الدولة الحد الأدني لأجور الموظفين في الدولة بداية من أول يوليو/ شهر 7 سنة 2021 حسب الدرجات الوظيفية
- الممتازة 8400 جنيه
- العالية 6000 جنيه
- الأولى 4800 جنيه
- التانية 3600 جنيه
- التالتة 3120 جنيه
- الرابعة 2880 جنيه
- الخامسة 2640 جنيه
- السادسة 2400 جنيه
الطريقة الصحيحة لطلب زيادة المرتبات
- اطلب النصيحة من شخص بتثق فيه في مجال شغلك عشان تختار الوقت المناسب
- ادرس ظروف المؤسسة اللي بتشتغل فيها عشان تضمن رد فعل مرضي بالنسبة لك
- مثلًا بلاش تطلب زيادة في وقت إنت متأكد إن المؤسسة مش بتحقق الأرباح المطلوبة للمكسب أو حتى بتغطي التكلفة
- راجع شغلك واكتب بالورقة والقلم الإنجازات اللي حققتها في الشغل وشوف إذا كانت اتحولت لمكسب حقيقي للمؤسسة ولا لأ
- نظّم أفكارك ورتّب كلامك بالطريقة المناسبة اللي شايفها ممكن تبقى مؤثرة وتخليك توصل للنتيجة اللي عايزها
- اسأل نفسك هل هتبقى جاهز لمسؤوليات جديدة ومهام وظيفية أكثر صعوبة وفيها عبء أكبر ولا لأ
- افتكر التضحيات اللي عملتها عشان شغلك واعرف إن وجودك في المنطقة الآمنة ممكن يقلل فرص الموافقة على طلبك
- مثلًا لو بترفض تكمّل شغل تحت ضغط لمجرد التعب والكسل أحيانًا بيبقى سبب قوي لرفض طلبات زيادة المرتب أو الأجازات ليك
- مهم تعرف حقوقك كويس وتدرس العقد اللي بينك وبين المؤسسة أو اللوايح والقوانين اللي بتنظم العلاقة بينك وبينهم
- معرفة حقوقك هتساعدك تختار الطريقة المناسبة بس افتكر إن الطريقة الودية وعدم افتعال المشكلات خطوة رئيسية في الموافقة على طلبك
- الدراسات بتأكد إن طلب الأجازة قبل العطلة الأسبوعية وتحديدًا يوم الخميس بيسهل عملية النقاش وأحيانًا القبول
طريقة معرفة المرتب المناسب للقدرات
- خليك صريح مع نفسك وحدد بدقة مهاراتك وقارنها بالمطلوب في سوق العمل
- ابحث على الإنترنت عن إعلانات لوظايف مناسبة لقدراتك ودرجتك الوظيفية حتى لو في وظيفة ثابتة
- قدّم فيها وابعت سيرتك الذاتية واعرض فيها قدراتك عشان تعرف تقيّم مرتّبك بدقة
- من خلال التواصل معاهم هتقدر تعرف المرتب اللي حددوه مناسب ليك
- اعرف إن أحيانًا بيبقى السعر راجع لميزانية الشركة أو المؤسسة في الوقت الحالي مش سعرك الحقيقي في السوق
- جمّع معلومات عن الشركة أو المؤسسة اللي بتقترح رقم معين عشان تفسر سبب ارتفاعه أو انخفاضه
- دوّر على عروض الوظايف الموجودة على الجروبات المتخصصة في مجال عملك سواء على جروبات الفيس بوك أو على مواقع التوظيف لأن جزء كبير منها مكتوب فيه المرتب
- اطلب النصيحة من شخص أقدم منك في المجال بتثق فيه
- اقرأ كويس المهام الوظيفية وبلاش تكتفي بالمسمى الوظيقي أو الدرجة الوظيفية
