المحتويات
زبدة الفول السوداني ليها فوايد كتير وبيوصفها بعض الأطباء المتخصصين في التغذية للتخسيس بسبب إحساس الشبع اللي بتوفّره لأي شخص بياكلها، لكن الإفراط فيها ممكن يسبب بعض الأضرار وبالتالي لازم تحافظ على كميات مناسبة قبل تناولها ولو بتحاول تخس ضروري تستشير طبيب متخصص عشان يحدد الكمية اللي تناسبك منها.
طريقة عمل زبدة الفول السوداني
المقادير
- كوباية سوداني ني متقشر
- كوباية أو اتنين فستق مقشّر
- نص معلقة صغيرة ملح
- نص معلقة صغيرة زيت السوداني أو أي زيت تاني
- 1-5 معلقة صغيرة عسل أو سكر (حسب الرغبة)
- معلقة أو اتنين زيت فستق وزيت جوز الهند
- نص معلقة صغيرة كاكاو أو قرفة أو شوكولاتة (حسب الرغبة)
طريقة التحضير
- حمّص الفستق والفول السوداني لمدة 10 دقايق أو لحد ما تلاحظ اللون الذهبي اللامع
- افرمّهم مع بعض في الكبّة وبعدها ضيف باقي المكوّنات لحد ما توصل للقوام اللي محتاجه
فوائد زبدة فول السوداني
- مصدر أساسي للبروتين والدهون والنشويات
- كل 100 جرام منها فيهم 588 سعر حراري فيهم 20 جرام نشويات و25 جرام بروتين و50 جرام دهون
- غنية بمعادن زي المنجنيز والنحاس والمغنسيوم والحديد والبوتاسيوم والزنك
- فيها فيتامينات زي حمض الفوليك وفيتامين E وفيتامين B6 وB3 وB5
- بتحتوي على بعض المواد اللي بتساعد على الحماية من الإصابة ببعض الأمراض زي:
- ريسفيراترول اللي بيقلل فرص الإصابة بأمراض القلب والأوعية الدموية
- مضادات الأكسدة اللي بتكافح بعض مسببات السرطان
- الدراسات بتأكد إنها بتحافظ على مستويات سكر منتظمة طالما بياكلها الشخص باعتدال
- بتحسّن صحة القلب وبتقوّيه وبتنشط الدورة الدموية
- بتحمي من حصوات المرارة وبتقلل فرص الإصابة بأمراض الشيخوخة
- بتساعد على بناء العضلات بطريقة صحية وبتقوّي العظام
- بتقلل فرص الإصابة بأمراض الثدي خصوصًا السرطان
أضرار زبدة الفول السوداني
- بتحتوي على كمية سعرات حرارية كبيرة ممكن تزوّد الوزن لو الشخص أفرط في تناولها وده بينعكس على الصحة
- الدهون فيها نسبها عالية وبالتالي ممكن تأثر على القلب عشان كده مهم الالتزام بتناولها على فترات متباعدة
- بتحتوي زبدة الفول السوداني على معادن كتير لكنها غنية بالفوسفور اللي ممكن يأثر على امتصاص الجسم للمعادن دي
- الخطر بيزيد مع الالتزام بنظام غذائي غني بالفوسور وبالتالي مهم تاكلها باعتدال وبلاش تخليها متزامنة مع أكل الفوسفور في وقت متقارب
- ممكن تسبب مشاكل صحية خطيرة لأي حد بيعاني من حساسية تجاه الفول وبالتالي بتأثر على صحته وبتزوْد فرص إصابته بأعراض أنيميا الفول
- عشان تتجنب أضرارها لازم تاكلها على فترات متباعدة وتحت إشراف طبيب لو بتحاول تخس أو مصاب بالسكر أو القلب
سبب استخدامها في أنظمة التخسيس
- زيادة العناصر المغذية فيها
- بتحتوي على حمض أميني اسمه التريبتوفان بيساعد على الشبع وهو نفس الحمض الموجود في الديك الرومي
- بيتحول في الجسم لإنزيم اسمه 5-HTP بيزوّد الرغبة في النوم وبالتالي بتقل الرغبة في الأكل خصوصًا بالليل
- الخبراء بيأكدوا إنها بتساعد على حرق الأكل في الجسم وبتزوّد توليد الطاقة
البديل
- أنواع مختلفة من الزبدة ممكن تبقى بديل لزبدة الفول السوداني زي:
- بذور السمسم
- الفستق
- اللوز
- الكاجو
تأثيرها على الكلاب
- التقارير بتقول إن الكلاب ممكن ياكلوها بكميات معتدلة بس لازم تقرأ مكوناتها الأول لأن بعض الأنواع بتحتوي على مواد سامة للكلاب
- مادة إكسيليتول (Xylitol) ممكن تبقى سامة حتى لو تناولها الكلب بكمية قليلة
- بس مهم تستشير طبيب بيطري متخصص قبل تقديمها لكلبك
