المحتويات
زبدة الشيا من أفيد المكونات للبشرة والشعر، وبتستخرج من جوز شجرة الشيا وليها خصائص علاجية مفيدة للبشرة والشعر لأن فيها زيوت ودهون نباتية، وبتستخدم في كتير من مستحضرات التجميل والكريمات والمرطبات.
فوائد زبدة الشيا
- قليلة البروتين وبالتالي آمنة لمعظم أنواع البشرة ولا تحفز أي ردود أفعال تحسسية
- بتساعد على ترطيب الشعر والبشرة لأنها غنية بالدهون الصحية والأحماض زي حمض اللينوليك والأوليك والبالمتيك
- غنية بحمض اللينوليك والأوليك اللي بيوازنوا بعض وبيساعدوا البشرة على امتصاص فوائد زبدة الشيا بشكل كامل
- عند وضعها على البشرة.. بتبطأ خلايا الالتهاب وبالتالي بتقلل أعراض التهاب أو تهيج البشرة اللي بتسببها عوامل خارجية أو اضطرابات جلدية
- غنية بفيتامين هـ وفيتامين أ وبالتالي فهي مضادة للأكسدة وتلف خلايا الجلد والتجاعيد المبكرة
- مضادة للبكتيريا وبالتالي بتحمي البشرة من الآثار الناتجة عنها زي حبوب الشباب أو التهاب فروة الرأس
- بتساعد على الاحتفاظ بترطيب البشرة وبالتالي توازن مستوى الزيوت فيها والوقاية من حب الشباب
- بتحفز إنتاج الكولاجين في البشرة (ضروري لتأخير ظهور التجاعيد وخطوط التعبير والحفاظ على مظهر البشرة النضر)
- بتساعد على التخلص من خلايا الجلد الميت وتجدد الخلايا في البشرة
- ليها دور في توقف الـKeloid Fibroblasts (الأنسجة المسؤولة عن الندوب) ومنعها من النمو وبتحفز نمو الخلايا الجلدية الصحية مكانها
- استخدامها مع واقي الشمس بيزود حماية البشرة من آثارها المضرة
- بتحمي الشعر من التقصف ومهمة لعلاج القشرة والتخلص من بقايا مستحضرات الشعر على فروة الرأس
- بتساعد على تقليل أعراض الاضطرابات الجلدية زي الإكزيما من خلال تهدئة الجلد وتقليل الرغبة في الحكة لأنها مضادة للالتهاب
- بعض الدراسات بترجح إن الزيوت اللي فيها ممكن تقلل أعراض الحروق الجلدية من الدرجة الأولى زي حروق الشمس
- بتقلل التورم الناتج عن لدغات الحشرات
- بتساعد في تقليل آلام وشد العضلات والمفاصل من خلال تقليل الالتهاب
- مفيدة لعلاج تشققات الشفايف
- بتقلل تجعد وجفاف الشعر
- بترطب البشرة بعد الحلاقة
طرق استخدام زبدة الشيا للوجه
ممكن تستخدمها على البشرة على طول بأصابعك وتسيبها طول الليل وتغسلها الصبح، أو ممكن تعمل وصفات مختلفة بيها زي:
ماسك العسل
- اخلط معلقة كبيرة من العسل
- 3-4 معالق زيت بذور العنب
- معلقة كبيرة من زبدة الشيا
- سيب الماسك على وجهك من 10-12 دقيقة وبعدين اغسله بمياه دافية وقماشة ناعمة
ماسك الأفوكادو
- اخلط نصف معلقة كبيرة زبدة الشيا مع معلقة كبيرة من مهروس الأفوكادو
- سيبه على وجهك نص ساعة وبعدين اغسله بمياه دافية
ماسك زيت الزيتون
- اخلط معلقة كبيرة من زبدة الشيا مع نص معلقة صغيرة من زيت الزيتون
- اغسله بمياه دافية
- انتظم في استخدامها على وجهك بعد الاستحمام لمدة أسبوعين لتفتيح البشرة وتحفيز إنتاج الكولاجين فيها
ماسك زيت اللوز الحلو
- اعمل حمام ساخن لكمية بسيطة من زبدة الشيا لحد ما تدوب وبعدين ضيف معلقة كبيرة من زيت اللوز الحلو
- قلب الخليط لحد ما يتماسك وسيبه على البشرة 15 دقيقة وبعدين اغسله بمياه دافية
طرق استخدام زبدة الشيا للشعر
- لو شعرك كيرلي: استخدمها كبلسم للشعر ووزعها عليه بشكل جيد
- ممكن تستخدم كمية بسيطة منها ككريم leave in
- لو شعرك خفيف أو مقصف: استخدميها على أطراف شعرك وتجنب وضعها على جذور الشعر لأنها ممكن تسبب مظهره الدهني
تخزين زبدة الشيا
الأفضل تخزنها في مكان درجة حرارته أقل من درجة حرارة الغرفة عشان تحافظ على صلابتها
الآثار الجانبية المحتملة لزبدة الشيا
- الاستخدام الموضعي ليها ممكن يسبب آثار جانبية ولكنها نادرة زي:
- الطفح الجلدي مع الحكة
- الغثيان
- حب الشباب
