صحة
رسم القلب: طريقة إجراءه والحالات اللي بتحتاجه والأدوية المؤثرة عليه
إزاي رسم القلب مهم للكشف عن أمراض؟
المحتويات
رسم القلب أو فحص تخطيط القلب الكهربائي هو وسيلة تشخيصية لفهم أداء كهربية القلب وأداء عضلة القلب ومعدل النبض وسرعته، وبيتشخص لبعض المرضى في بعض الحالات وبالتالي اكتشاف أي خلل في أداء القلب ممكن يأثر على حالة الجسم كله.
خطوات إجراء رسم القلب
- اعرف إن رسم القلب فحص مش مؤلم ولكنه أحيانًا بيساعد في تشخيص مشاكل القلب
- الخبراء بيأكدوا إنه مش ضروري تعمل فحص قلب لو مش بتعاني من أي أعراض لكن في حالات مشاكل القلب الوراثية ممكن يطلب منك الطبيب المتخصص الفحص لاكتشاف لو فيه أي خلل في أداء عضلة القلب
- مفيش من رسم القلب أي خطر لأن الأقطاب الكهربية بتسجل النشاط الكهربي في القلب فقط ولكنه مش بتنتج كهرباء
- خلال الاختبار بيتوصل 12 قطب كهربي للقلب والأطراف والأقطاب بتبقى في هيئة أسلاك بتتصل بجهاز العرض
- بتعرض الأسلاك البيانات الناتجة عن الإشارات الكهربائية في القلب وبيسجّل الكومبيوتر البيانات دي في شكل موجات على الشاشة أو بتترسم على ورق معيّن
نتائج طبية ممكن يكتشفها الفحص
- نقص إمداد القلب بالأكسجين والدم أو التشوّهات البنيانية في حجرات القلب وجدرانه
- بيكشف رسم القلب عن أعراض النوبات القلبية أو وجود نوبة قلبية في بدايتها بجانب الكشف عن الجزء اللي اتعرض لضرر في القلب ونسبة الضرر
- بيظهر أي اضطراب في نظم القلب أو مشكلة في بعض أجزاء النظام الكهربائي في القلب
- بيحدد بدقة نبضات القلب إذا كان سريعة أم بطيئة على مدار فترة طويلة
- فحص انسداد شرايين القلب وصماماته
- التأكد من وجود التهابات في القلب
- فحص فاعلية الأدوية اللي بيتناولها مريض القلب
أعراض بتزوّد احتمالية إجراء رسم قلب
- صعوبة التنفس
- ظهور مقدمات أعراض السكتة الدماغية
- التعرض لحالة إعياء أو ضعف شديد
- ألم شديد في الصدر والإحساس بعدم الراحة في البطن أو فوقها
- ألم شديد في القلب أو حوله
تأثير الأدوية على دقة الفحص
- ضروري تقول لطبيبك على كل الأدوية اللي بتتناولها سواء علاجات لأمراض تانية أو فيتامينات ومكملات غذائية
- بعض أدوية اضطرابات عمل القلب زي الديجوكسين (Digoxin) بتسبب تغيرات في النتيجة وبالتالي استشير طبيبك عن الإجراءات اللي تعملها قبل الفحص سواء بالتوقف عن أدوية معينة أو لأ
الوقاية من أمراض القلب
- اهتم بضبط ضغط الدم من خلال الأكل أو الرياضة لأن الضغط العالي بيعلي نسبة الإصابة بيها
- احذر ارتفاع الكوليسترول لأنه بيزود احتمالية الإصابة بالنوبة القلبية أو الترسبات الدهنية في الأوعية الدموية وصعوبة تدفق الدم
- اثبت على الوزن المثالي لأن السمنة مرتبطة بداء السكري وارتفاع الكوليسترول وارتفاع ضغط الدم خاصة سمنة البطن
- اتباع نظام غذائي صحي متوازن وتقليل الدهون المشبعة والصوديوم والسكر المضاف
- ممارسة الرياضة بانتظام هتساعد على تقوية عضلة القلب وتنشيط الدورة الدموية والوصول للوزن المثالي
- التدخين وشرب الكحول بيرفع نسبة الإصابة بيها لأنهم بيسببوا ارتفاع ضغط الدم
- قلل التوتر بطرق مناسبة زي تمارين التأمل والرياضة والرسم والخياطة والألعاب الذهنية
- الإصابة بداء السكري بيعلي نسبة الإصابة بيها الضعف فمهم تتعامل معاه بطريقة صحيحة
- عدم النوم لعدد ساعات كافية وقلة جودة النوم بيعلى نسبة الإصابة خاصة الأشخاص الأكبر سنا
- وبالتالي مهم تنام من 7 لـ 9 ساعات يوميًا
- الانتظام على الممارسة الجنسية بيساعد على تقليل معدل الإصابة بيها وبيساعد في ضبط ضغط الدم
- ركز على الألياف في نظامك الغذائي زي الشوفان والتفاح والكمترى والأفوكادو لأنها بتقلل الكوليسترول الضار
- أكل السمك مرتين أسبوعيا لأنه غني بالأوميجا 3 زي التونة والرنجة والسلمون والسردين
- الدراسات أثبتت إن ممارسة تمارين الضحك بتقلل التوتر والتهاب الأوعية الدموية وزيادة الكوليسترول الجيد في الجسم
- الجلوس على الكنبة لفترات طويلة بيقصر العمر وليه تأثيرات سلبية على معدل الدهون والسكر في الدم طبقًا لمؤسسة القلب الأمريكية
- الانتظام على أكل الشوكولاتة الغامقة بتزود مركب الفلافونويد اللي بيقلل التهاب الجسم وبالتالي معدل الإصابة
- الأعمال المنزلية مهمة لأنها بتحافظ على اللياقة البدنية خاصة لو عملتها مع موسيقى واتعاملت معاها كتمارين رياضية
- انتظم على أكل المكسرات لأن فيها بروتين وألياف ودهون صحية
- استمتع بكل اللحظات وخرج الطفل اللي جواك لأن ده بيحسن الحالة النفسية العامة
- تجنب الأسانسير واطلع على السلم واركن العربية بعيد وامشي مسافة محددة يوميا والعب مع طفلك بدل مشاهدته من بعيد
- الدراسات أثبتت إن البكتيريا اللي بتسبب أمراض اللثة ممكن تعلي خطر الإصابة بيها فاهتم بعمل روتين نضافة للفم والأسنان
