المحتويات
ديسفلاتيل من الأدوية اللي بتخفف آلام المعدة، والانتفاخ اللي بيحصل بسبب تراكم الغازات، وبيساعد على تخلص الجسم منها في أسرع وقت.
مكونات الدواء
- ثاني أكسيد السيليكون ( 2 مجم ): بيساعدك تتخلص من الغازات الموجودة في الجهاز الهضمي
- داي ميثيل بولي سيلوكسان (40 مجم): له تأثير مضاد للانتفاخ والغازات
الشكل الدوائي
- أقراص للمضغ
- نقاط في الفم للرضع ( 40مجم/1ملل )
دواعي استعمال دواء ديسفلاتيل
- الشعور بالامتلاء والضغط داخل البطن
- اضطرابات الهضم بسبب سوء اختيار الطعام
- تراكم الغازات في الجهاز الهضمي
- الانتفاخ بعد العمليات الجراحية
- آلام القفص الصدري وضيق التنفس بسبب عسر الهضم
- قبل فحص المعدة بالمنظار أو إجراء الأشعة على المعدة والأمعاء والحويصلة المرارية والكليتين
- حالات القولون العصبي وقصور البنكرياس والتهاب الأمعاء المزمن
- القرح الهضمية
- ضعف القولون المرتبط بالإمساك
- النقص والتأثيرات في الكبد والممرات الصفراوية
الجرعة اللازمة لدواء ديسفلاتيل
للبالغين
بيُمضع من قرص لقرصين ديسفلاتيل بعد الوجبات أو قبل النوم، وبيتم تناولها قبل إجراء أشعة المعدة والأمعاء والحويصلة المرارية والكليتين من يومين لـ 3 أيام
للأطفال
- لو وزن الطفل أقل من 12 كجم تبقى الجرعة 0.3 ملل لكن لو أكتر من 12 كجم هتزيد الجرعة لـ 0.6 ملل
- بتتكرر الجرعات حسب الحاجة سواء بعد الأكل أو قبل النوم، لكن ضروري تستشير طبيب متخصص قبلها
الأعراض الجانبية لدواء ديسفلاتيل
- طفح جلدي
- إسهال
- حرقان واحمرار وتهيّج الجلد
- قشعريرة
- صعوبة التنفس وضيق في الصدر
- تورّم الأطراف والوجه واللسان
الحمل والرضاعة
بعض الدراسات بتصنّفه إنه منخفض المخاطر على السيدات الحوامل أو المرضعات، بس مهم تستشيري طبيب متخصص قبل تناوله
التداخلات الدوائية
- مفيش دراسات أكدت وجود تداخلات دوائية بينه وبين أي دواء تاني بس مهم تفصل ساعتين بينه وبين أي دواء تاني
- بعض الخبراء بيأكدوا على تداخله مع بعض الأدوية زي ليفوثايروكسين (Levothyroxine)، ودواء ليوثيرونين (Liothyronine)، بس الموضوع محتاج دراسات أكتر عشان تأكد أو تنفي تداخله معاهم
تحذيرات من دواء ديسفلاتيل
ابعد عنّه لو عندك حساسية من أي مكون من مكونات الدواء، ولو بتعاني من أي أمراض مزمنة لازم تستشير طبيب متخصص فورًا وتقوله بالتفصيل حالتك والأدوية اللي بتتناولها
بدايل ديسفلاتيل
- فلاتيديل ( Flatidyl )
- ماكسي فلات ( Maxi Flat )
- جاسيوفلاتيكس ( Gaseoflatex )
- سيميثيكون ( Simethicone )
- بيبي ريست ( Baby Rest )
