المحتويات
دوالي الخصية بتعتبر من المسببات الرئيسية لانخفاض عدد الحيوانات المنوية وبتقلل جودتها، ولكن على الرغم من ده مش دايمًا بتأثر عليه، بس عمومًا مهم تعرف سبب الإصابة بيها وطبيعة تشخصيها ومضاعفاتها وطرق علاجها.
تعريف دوالي الخصية
- هي تضخم الأوردة داخل الكيس الجلدي اللي بيحمل الخصيتين وليها نفس شكل الدوالي الوريدية اللي بتشوفها في القدمين أو الساق
- بتطور بمرور الزمن وبتعتبر سهلة التشخيص والموضوع بيرجع للطبيب المعالج لتحديد العلاج المناسب ليها لو محتاجة
- بعض أنواع دوالي الخصية بتأثر على الحيوانات المنوية لكن مش كلها بتأثر على الخصوبة
- الدراسات بتقول إنها بتصيب حوالي 10% من الرجال وأكتر من 30% من الرجال اللي عندهم مشاكل في الخصوبة
- بتسبب آلام شديدة أحيانًا وبتظهر في شكل انتفاخ في جزء الصفن العلوي
الأعراض
- في أغلب حالات الإصابة بدوالي الخصية مش بتظهر أعراض مباشرة لكن أحيانًا بتسبب ألم شديد
- الألم بيبقى متنوع على مدار الوقت (أحيانًا بيبقى شديد أو ضعيف أو حتى متوسط)
- بيستمر الألم وبيتطور مع الوقوف لفترات طويلة أو مع بذل مجهود بدني شاق غير معتاد عليه
- أحيانًا بتضخّم الدوالي وبتلفت الانتباه وبتزوّد الإحساس غير المريح عند الرجل
- بتظهر أحيانًا كأنها كيس من الديدان ومع الوقت بتسبب ورم في الخصية (غالبًا الخصية اليسرى)
الأسباب
- مفيش سبب محدد اكتشفه العلماء بيسبب دوالي الخصية
- لكن الخبراء اكتشفوا إن انسداد بعض الصمامات اللي داخل الحبل المنوي اللي بينقل الدم من وإلى الخصيتين
- مع الوقت بيظهر ضرر كبير على الخصية وبتقل كفائتها
المضاعفات
- انكماش الخصية المصابة بسبب الدوالي اللي ممكن تسد الأنابيب المنتجة للحيوانات المنوية وبالتالي بتقل قدرة الخصية على العمل
- أحيانًا الصمامات المسدودة بتسبب تجمعات دموية في الأوردة وبينتج عنه زيادة الضغط على الخصية وبالتالي بتزيد فرص سموم في الدم ممكن تتلف الخصيتين
تشخيص دوالي الخصية
- عن طريق لمس الطبيب للخصيتين واكتشاف المناطق المؤلمة فيهم ومحاولة استكشاف لو فيه كيس من الديدان
- ممكن يطلب الطبيب منك الوقوف ومحاولة الحزق لاكتشاف أي تضخم في الأوردة
- لو الطبيب مش قادر ياخد قرار حاسم بشأن حالتك هيطلب منّك أشعة على كيس الصفن بالموجات فوق الصوتية لتشخيص أى ألم أو أعراض بتحس بيها
علاج دوالي الخصية
- بعض الحالات مش بتحتاج علاج وبيقدر الرجل التعايش مع الدوالي ومش بتتأثر قدرته على الإنجاب
- أحيانًا بتسبب الدوالي آلام مبرحة أو بداية ضمور في الخصيتين أو عقم ووقتها لازم يحصل تدخل جراحي
- الهدف من أغلب جراحات دوالي الخصية هو إغلاق الوريد المصاب وتحول الدم للأوردة الطبيعية
- بيستخدم الجراح مخدر موضعي أو كامل حسب الحالة وبيعمل شق صغير عند منطقة الأربية (المنطقة اللي بين الفخد والبطن واللي بتحيط بالعانة)
- تقنية جراحات دوالي الخصية تطورت وأصبح بإمكان الجراح تحديد مكان الإصابة بدقة من خلال مجهر (ميكروسكوب دقيق)
- الموضوع مش بياخد وقت وممكن ترجع لحياتك الطبيعية بعد فترة قصيرة أو حتى للأنشطة الطبييعة زي ممارسة الرياضة
- بس الأطباء بينصحوا بضرورة عدم الجماع بعدها لفترة أطول نسبيًا وأغلب التقارير والدراسات بتقول إن الحيونات المنوية بتاخد وقت للتحسن (مش أقل من 3 شهور)
طرق طبيعية لعلاج دوالي الخصية
- الدراسات بتقول إن مضادات الأكسدة الموجودة في الفلفل والخضار الورقي والتوت بتقلل أعراضها
- خليك حريص على تناول الأطعمة الغنية بالسلينوم زي الكبدة والمكسرات والألبان والأسماك
- مكملات زيت كبد الحوت دورها مهم في تخفيف الآلام اللي ممكن تسببها الدوالي
- اختار ملابس داخلية ناعمة وواسعة ومش بتضغط على الخصيتين
- ابعد عن أي بيئة ملوثة وقلل تناولك للأطعمة المصنعة وحافظ على الألياف يوميًا في وجباتك
