درجة حرارة الجسم: أسباب ارتفاعها وانخفاضها والوقاية منهم

درجة حرارة الجسم بتعتبر مؤشر على الحالة الصحية اللي ممكن يبقى ارتفاعها سببه عدوى فيروسية أو بكتيرية وانخفاضها ممكن يبقى من أعراض الإصابة بسكتة دماغية أو بيدل على قصور في الغدة الدرقية، ومشكلات صحية تاني لازم تلحق تعالجها بدري.

متوسط درجة حرارة الجسم حسب العمر

• الخبراء بيقولوا إن درجة حرارة الجسم الطبيعية بتتراوح بين 36.1 لـ 37.2 درجة مئوية
• بتختلف حسب درجة الحركة أو النشاط خلال اليوم أو حسب السن
• الأطفال والرضع بتتراوح بين 36.6 لـ 37.2 درجة مئوية
•  البالغين من 36.1 لـ 37.2 درجة مئوية
• كبار السن (سنهم أكبر من 65 سنة) ممكن تقل درجة حرارتهم عن 36.1 درجة مئوية من 35.8 لـ 36.9

أماكن قياس درجة حرارة الجسم

• الإبط
• الأذنين
• المستقيم (فتحة الشرج)
• الفم  

أسباب ارتفاع درجة حرارة الجسم 

• الإصابة ببكتيريا أو عدوى فيروسية بتنشط خلايا الدم البيضاء وبيوصل التأثير للمخ
• وقتها بتغيّر منطقة ما تحت المهاد في المخ نقط ظبط درجة الحرارة لنقطة أعلى
• بيزيد معاها الإحساس بالبرودة والحاجة للتدفئة سواء من خلال ارتداء ملابس إضافية أو عن طريق الارتجاف لتوليد حرارة تحسسك بالدفيء
• بيحصل بسبب اضطراب الحرارة خلال اليوم رغم ارتفاعها لكن بتضرب لمستويات أقل فجأة وبترتفع تاني وده بيفسر سبب الإحساس بالتعب
• بتحصل أحيانًا بسبب بعض المضادات الحيوية والأدوية اللي بتعالج القلب وضغط الدم
• بعض الالتهابات زي التهاب المفاصل الروماتويدي والتهاب بطانة المفاصل
• الإصابة بعدوى فيروسية أو بكتيرية
• الإنهاك الحراري
• أمراض جرثومية زي السل
• التهاب الجيوب الأنفية
• فرط نشاط الغدة الدرقية
• التهاب الكبد
• حمى بسبب خدوش القطط

أعراض مصاحبة لارتفاع درجة الحرارة

• ضروري تستشير طبيب متخصص لو حسيت بشدة أعراض ارتفاع درجة الحرارة ومن ضمنها:
• آلام المفاصل
• احتقان الحلق
• صداع
• طفح جلدي
• سعال
• إحساس بالتعب العام
• جفاف الفم وقلة التبول
• تقلصات البطن
• القيء المستمر
• التشجات

أدوية علاج ارتفاع الحرارة 

• في  الحالات البسيطة بتقل الأعراض تدريجيًا بعد تحديد السبب، تناول بعض خوافض الحرارة زي:
• الباراسيتامول بكل الأدوية المشتقة منّه زي البارامول (Paramol)، وبنادول (Panadol)، وبيرال (pyral)، وسيتال (Cetal)
•  لبوس فيجاسكين – دي (Vegaskine-D)
• بروفين (Brufen)
• كيتوفان (Ketofan)
• نوفالجين (Novalgin)

نصايح لخفض درجة الحرارة 

• البس خفيف لأن ارتداء طبقات ملابس كتيرة بيزوّد درجة حرارة الجسم
• اشرب سوايل باردة لأن السوايل عمومًا بتقوّي المناعة وبتحافظ على كفاءة الجهاز الهضمي
• الاستحمام بمياه فاترة
• قلل تناولك للنشويات والسكريات وركّز على البروتينات والألياف
• الخبراء بيأكدوا على أهمية تناول شوربة الفراخ
• ريّح جسمك وبلاش تبذل مجهود كبير وحافظ على عدد ساعات نوم منتظمة
• الكمادات بتخفف ارتفاع الحرارة، والأحسن تبقى بمياه فاترة مش متلّجة، لأن المياه المتلجة بتزوّد الارتعاش اللي بيسبب ارتفاع درجة الحرارة

تقليل فرص تشنجات ارتفاع الحرارة عند الأطفال  

• خلي الطفل ينام على جنبه أو على معدته على الأرض
• شيل أي آلات حادة قريبة منّه
• امسكه كويس عشان تقلل فرص اصطدام رأسه بشيء حاد، بس بلاش تحط صباعك أو شيء في فمّه طالما التشنجات بسبب الحمى
• بتقف من تلقاء نفسها بعد فترة قصيرة بس لازم تستشير طبيب متخصص بعدها فورًا

الوقاية 

• عقّم إيدك أكتر من مرة في اليوم، سواء بالمطهرات أو عن طريق غسلها بالمياه والصابون
• بلاش تلمس الفم والعين والوجه عمومًا بإيدك لأن دي أكتر تصرفات بتزوّد فرص الإصابة بالفيروسات والميكروبات
• ابعد عن الآخرين وقت السعال والبس الكمامة باستمرار
• بلاش تستخدم معالق أو شوك أو كوبايات بدل حد تاني، واحتفظ بزجاجة شرب خاصة بيك وبلاش تشاركها مع حد تاني

الحمى وفيروس كورونا 

• منظمة الصحة العالمية بتقول إن الحمى من أشهر أعراض الإصابة بكورونا
• مهم تتبع البروتوكول العلاجي أو الوقائي بعد ما تعمل تحاليل كورونا اللي بتأكد أو تنفي إصابتك

انخفاض درجة الحرارة 

أسبابه

• التعرض للبرد لمدة طويلة
• قصور في الغدة الدرقية
• الإصابة بالسكر
• تسمم الدم
• التعرض لطقس شديد البرودة
• ارتداء ملابس مبلولة في الشتاء

أعراضه

• ضعف النبض
• فقدان الإتّزان
• سرعة التنفس
• النعاس والرغبة في النوم
• فقدان الذاكرة
• برودة الجلد

المضاعفات 

• تحلل وموت الأنسجة بسبب انقطاع تدفق الدم ممكن يوصل للوفاة
• تجمّد أنسجة الجسم
• أضرار على الجهاز العصبي المركزي
• تغيرات في ضربات القلب (بطئها الشديد)
• النسيان
• الفشل التنفسي
• تصلب العضلات
• تغيرات في مستوى السكر في الدم

الوقاية 

• غطي رأسك بقبّعة عشان تمنع تسريب درجة حرارة الجسم من الرأس والوجه والرقبة
• بلاش تبذل مجهود كبير ينتج عنّه عرق زيادة
• اخلع الملابس المبللة في أسرع وقت
• بلاش تشرب كحول لو هتقعد في مكان مفتوح بالليل أو قبل النوم مباشرة في الشتاء