المحتويات
مستندات جوجل بتوفرلك مساحة للكتابة والتعديل بدون برامج مخصصة لده، وممكن يستخدمها أو يعدلها أكتر من شخص في نفس الوقت مع حفظ التغييرات تلقائيا، وفيها حيل مختلفة هتسهل عليك استخدامها.
خطوات تحميل صورة من مستندات جوجل
- افتح المستند اللي فيه الصور واختار (File) من أعلى الشاشة
- اختار (Download) وبعدين (Web Page..)وبعد ثواني.. مستندات جوجل هتعمل (Export) للمستند في شكل (Zip File)
- ممكن تعملها (Extract) على الويندوز من خلال (File Explorer) أو (The Archive Utility) على ماك
- هيظهروا في شكل فايل (JPG) منفصل عن باقي المحتوى واسمه (Images)
- تقدر تعملهم (Download) وهتلاقيهم مترقمين حسب ترتيبهم في المستند
خطوات تحويل فايل (PDF) لمستند جوجل
تحويله هيسهل عليك عمل تعديلات مختلفة وده من خلال توافر مجموعة شروط هي:
- لازم الصور تكون حجمها 2 ميجا بايت أو أقل
- تستخدم خط أساسي زي (Times New Roman) أو (ِArial)
- ارتفاع النص يكون 10 بكسل على الأقل
- أي صورة أو وثيقة فيه تكون فيها إضاءة جيدة وسهلة الفهم بصريا
الخطوات
- افتح حسابك على جوجل درايف واسحب الملف الـ(PDF) لصفحة الدرايف لتحميله
- أو دوس على اختيار (New) وبعدين (File Upload)
- حدد فايل الـ(PDF) اللي عايزه
- لما يتحمل.. افتح الفايل واستنى دقايق عشان يفتح في ملف (Drive) الرئيسي
- دوس (Click) يمين على المستند اللي اتحمل واختار (Open with) وبعدين (Google Docs)
- افتح فايل مستند جوجل وبعدين دوس على (File) أعلى يسار الشاشة واختار (Download as) وبعدين (Microsoft Word) عشان تحمله
خطوات تعديل فايل (PDF) في مستندات جوجل
- افتح موقع مستندات جوجل من خلال (https://docs.google.com/)
- سجل دخول بحسابك واضغط على (Upload) أعلى يمين الشاشة
- اختار (Select a file from your computer) واختار فايل الـ(PDF)
- دوس (Open) وبعدين (Open with Google Docs) أعلى الشاشة
- اختار (Google Docs) من القائمة اللي هتظهرلك واعمل التعديلات اللي عايزها
- لما تخلص.. اختار (File) وبعدين (Download As)
- اختار (PDF) من القائمة اللي هتظهرلك
خطوات عمل (Chart) في مستندات جوجل
- افتح المستند واختار (Insert) ودوس على (Chart)
- اختار نوع الـ(Chart) اللي عايزه
- أي تعديلات أو بيانات عايز تدخلها فيها لازم تكون من جوجل شيت
- اعمل (Select) عليها واختار السهم أعلى الشيت
- اختار (Open Source) وهيظهرلك نافذة (Chart Editor) اللي تقدر تعدل منها الـ(Chart)
- أي تغيير في البيانات لازم تعملها من الـ(Cells) في الشيت
- ارجع للمستند لما تخلص التعديلات ودوس على اختيار (Update) اللي في نص المستند عشان التعديلات تظهر
- ممكن تحرك الـ(Chart) من خلال تحريك أطرافها أو تلفها من خلال الـ(Select) ولما يظهر إطار أزرق.. حرك الأطراف للداخل أو للخارج
- أو دوس على الزرار الدائري أسفلها
- التلت نقاط فوق بعض أسفل الشاشة فيها أوبشن تعديلات تانية زي الألوان/ السطوع/ الشفافية
