المحتويات
الحساب الموحد هو الخطوة الأساسية اللي بتتبناها وزارة التربية والتعليم المصرية لإنشاء فصول إلكترونية بسرعة فائقة بواسطة الإنترنت، عن طريق إنشاء حسابات لكل طلاب الجمهورية من الصف الرابع الابتدائي حتى الثانوية العامة بجانب حسابات للمدرسين للاستمتاع بخدمة برامج الأوفيس 365.
خطوات إنشاء الحساب الموحد للطلاب والمعلمين
- ادخل علي الرابط ده واكتب رقمك القومي والكود الخاص بيك (هو نفسه الرقم الموحد) وبتحصل عليه من المدرسة
- لو مش عارف رقمك الموحد اضغط على الرابط الخاص بالاستعلام عن الرقم التعريفي واكتب البيانات المطلوبة منّك
- وهي الرقم القومي وتاريخ الميلاد ومحافظة الميلاد
- بعد ظهور كود الطالب ارجع تاني للرابط الأساسي واملا أي بيانات تانية مطلوبة منّك (غالبًا بيطلب منّك إيميل للتسجيل)
- وبعدها بيظهرلك الإيميل وكلمة السر الخاصة بيك (لازم تحتفظ بيهم وتحفظهم كويس والأحسن تصورهم بالموبايل)
- ادخل على موقع الأوفيس واعمل تسجيل دخول/ Sign in بالإيميل وكلمة السر اللي ظهروا لك في الخطوة السابقة
- أما المعلم بيقوم بخطوات التسجيل على نفس الرابط ولكنه بيختار حساب المعلم وبيكتب الرقم القومي والكود السري الخاص به وإيميل احتياطي وبعدها بيظهر الإيميل الخاص به وكلمة السر
الفئات المستهدفة من خدمات الموقع
- طلاب المدارس الحكومية والخاصة من الصف الرابع الابتدائي وحتى الصف الثالث الثانوي وطلاب التعليم الفني والمعلمين
- غير المصريين هيستفيدوا من الخدمة في وقت لاحق بعد التنسيق مع الإدارات التعليمية التاعبين لها
الاستفادة من الدراسة أونلاين
- بتقدم الوزارة الخدمات الإلكترونية لتنمية التواصل بين المدرسين والطلاب للاستفادة من أي خدمات تعليمية ممكن تتم عن بعد في إطار منظومة إلكترونية موحدة بتشرف عليها الوزارة
- الأدوات المتاحة مجانًا من أوفيس بتوجه كل المحادثات والواجبات في مكان واحد من أي جهاز بيستخدمه الطالب
- ومن المتوقع إن استخدام الأدوات دي مع الوقت هيزوّد حماس الطلاب ومشاركتهم وتفاعلهم مع المدرسين بطرق مختلفة
- هيستمتع بأدوات مختلفة زي الإبلاغ أونلاين بوجود واجب وتسليمه أونلاين أو حتى إجراءات اختبارات دورية لتحديد المستوى
- بجانب الاستفادة من المصادر الخارجية لتثبيت المعلومات زي الفيديوهات والصور وغيرها من الأساليب التفاعلية
