دليل التليفونات هو خدمة بتقدمها شركة وي سواء صوتيًا أو إلكترونيًا عشان تقدر توصل لأي أرقام وعناوين عايزها سواء لشركات أو مستشفيات أو أي مؤسسات بتقدم خدمات عامة، سواء بالإتصال على رقم 140 من أي تليفون أرضي أو محمول أو بالدخول على الموقع الخاص بالدليل على الإنترنت.
مميزات دليل التليفونات
- بعض الأشخاص بيحتاجوا أرقام تليفونات خاصة بأقاربهم أو أصدقائهم أو بأرقام الخطوط الأرضية المسجلة من سنين كتير
- باستخدام اسم الشخص بالكامل والعنوان تقدر تعرف من خلال الخط الساخن لدليل التليفونات 140
- بس مهم تبقى عارف اسم الشخص اللي الخط مسجّل باسمه
- في أوقات كتير بيتسجل خط التليفون باسم شخص من أقارب أو أبناء الساكن الأصلي أو حتى المالك الأصلي للعقار لو كان إيجار
- بس أحيانًا بتبقى طريقة مفيدة للتواصل مع أشخاص خصوصًا بعد فترة انقطاع طويلة عنهم
- بتقدر تعرف من خلال دليل التليفونات أي رقم لمطعم أو شركة أو مؤسسة أو عيادة طبيب تخصّك
- ممكن تستفسر عن العنوان بالتفصيل وأحيانًا بتظهر على قاعدة البيانات مواعيد العمل الرسمية للمكان ده
رقم الدليل
- الخط الساخن 140
طريقة الإتصال بالدليل أونلاين
- ادخل على موقع الدليل على الإنترنت
- هيقدملك خدمة البحث عن اسم أي شركة أو صنف أو علامة تجارية
- بتوضح نتائج البحث العنوان بالتفصيل على خريطة ملونة فيها المكان اللي بتدور عليه بالتحديد وجميع الأرقام التليفونية المرتبطة بيه
- أي روابط تخص نتائج البحث سواء لمواقع تانية أو لصفحات على مواقع التواصل هتلاقيها في نتايج البحث
- لو عايز تضيف شركتك على الدليل اضغط علي علامة (أضف شركتك الموجودة أعلى الموقع) واملا البيانات المطلوبة
- من خلال الموقع تقدر تستعلم عن فاتورة التليفون الأرضي
