المحتويات
الفاونديشن من أولى خطوات وضع الميكاب لأن ليه دور كبير في إخفاء العيوب الوجه وتوحيد لون البشرة، ومعرفة حيله المختلفة وطرق تغيير درجته هيساعدك تستخدميه بشكل أسهل.
طرق تفتيح درجة الفاونديشن
الطريقة الأولى
- اخلطي معلقتين كبار من كريم الإيد مع الفاونديشن
- ضيفي نص معلقة صغيرة من آي شادو كريمي خالي من اللمعة درجته أفتح منه
- اخلطيهم كويس
- ضيفي نقطتين بودرة مضغوطة
الطريقة التانية
- اخلطي كمية منه مع مرطب الجسم أو الوجه
- اختاري نوع غير معطر
- خلي كمية الكريم أكتر من الفاونديشن
- اخلطيهم كويس وجربيه على إيدك من الداخل الأول للتأكد من الدرجة
الطريقة التالتة
- حطي الـ(Finishing Powder) بعد وضع الفاونديشن
- لأن لونها أفتح وبالتالي هتقلل درجته بسيط
الطريقة الرابعة
- حطي كمية منه على إيدك من الداخل
- ضيفي بعد نقاط البرايمر الفاتح
- اخلطيهم كويس وبعدين استخدميهم على بشرتك
الطريقة الخامسة
- اخلطي كمية بسيطة منه مع فاونديشن درجته فاتحة
- ضيفيه تدريجيا لحد ما توصلي للدرجة اللي عايزاها
طرق تغميق درجة الفاونديشن
في طرق متعددة لتغيير درجة الفاونديشن للأغمق زي:
- اخلطيه بكمية بسيطة من البرونزر السايل
- امزجيه مع درجة فاونديشن أغمق
- لو درجة بشرتك مايلة للبينك.. اخلطي كمية بسيطة منه مع الـ(Blush)
- اخلطيه مع درجة كونسيلر أغمق منه
- امزجي كمية بسيطة منه على إيدك مع كريم (BB) أو مرطب (Tinted)
- حطي طبقة من البودرة الغامقة أو البرونزر البودرة على وجهك بعد استخدامه خاصة على الرقبة/ الخدين/ الجبهة/ الأنف
- استخدميه في الشتاء لأن درجة البشرة بتفتح فيه
- وزعيه على وجهك ببيوتي بلندر مبللة لتقليل أثره
- استخدميه كهايلايتر على الخدين والأجزاء الداخلية من العين والأنف وأسفل الحواجب
حيل الفاونديشن المختلفة
- النوع السايل شكله طبيعي وأسهل في الاستخدام عن الأنواع التانية بس لازم يكون مناسب لنوع بشرتك
- دايما جهزي بشرتك بروتين قبل استخدامه.. الغسول/ التونر/ السيروم/ المرطب عشان تكون ناعمة أكتر
- أو ممكن تستبدلي المرطب ببرايمر الوجه والعين اللي بيساعد على ملمس الوجه الناعم وتثبيته مدة أطول
- لو درجة بشرتك صعب تلاقيها.. اشتري الدرجة الأفتح والأغمق واخلطيهم مع بعض
- عشان يتوزع بالتساوي.. استخدمي بيوتي بلندر مبللة
- لو عايزة تغطية أكبر.. وزعيه بحركة طبطبة دائرية خفيفة على الوجه
- في حالة إن الفاونديشن في شكل كريم وعايزاه أنعم.. سلطي عليه حرارة السشوار المتوسطة دقيقة
- لو عايزاه يكون شكله لامع.. ضيفي ليه نقطتين من الهايلايتر السايل
- عشان شكله يكون طبيعي.. دفي إيدك ووزعيه بيها بحركة خفيفة دائرية عشان يمتزج كويس مع بشرتك
- لو هتوزعيه بفرشة.. ابدأي في نص الوجه ووزعيه باتجاه الخارج ولازم تكون الفرشة مدورة
- لتثبيته مدة أطول.. استخدمي الـ(Setting Powder) بعدها على المناطق الدهنية زي الـ(T-Zone) أو البشرة كلها حسب نوعها
- لو عايزة تظبطيه كآخر خطوة.. تجنبي استخدام كمية زيادة منه واستخدمي المناديل للطبطبة على وجهك للتخلص من الزيوت
- وبعدين حطي كونسيلر على الأماكن اللي عايزة تزوديها ووزعيه بحركة طبطبة خفيفة وضيفي الـ(Setting Powder) كخطوة أخيرة
- اتبعي كل خطوات الوجه مع الرقبة والفك لتجنب اختلاف درجات البشرة ولو الفاونديشن بيكلكع على وجهك.. اخلطي معاه نقطتين من زيت الوجه المفضل ليكي
- استخدمي الكونسيلر بعد الفاونديشن عشان تتحكمي في الكمية الصحيحة وحطيه دايما في إضاءة طبيعية أو لمبات بيضاء كتير
- لو استخدمتي كمية كبيرة من الفاونديشن.. طبطبي على وجهك بمنديل وبعدين استخدمي (Sponge) مبللة في حركة دائرية
