حماية بلاي ستيشن 4 من الاختراق وتفعيل الإشعارات وقت انضمام صديق

بلاي ستيشن 4 تابع لشركة Sony Interactive Entertainment (SIE)‎ واللي بتعتبر رائدة في مجال صناعة الأجهزة الترفيهية وحذّرت الشركة على مدار فترات مختلفة من محاولات لاختراقات أجهزة المستخدمين خصوصًا بلاي ستيشن 4 من خلال حساباتهم، وبالتالي ضروري تعرف إزاي تحميه من الاختراق بخطوات بسيطة بجانب خاصية مميزة هتساعدك تعرف مين من صحابك أونلاين في الوقت اللي إنت بتلعب فيه.

خطوات حماية بلاي ستيشن 4 من الاختراق 

اقفل خاصية استقبال الرسايل من العامة على حسابك

•  افتح الصفحة الرئيسية وادخل على الإعدادات/Settings واختار إدارة الحساب/Account management
• ادخل على إعدادات الخصوصية/ Privacy settings  واختار منها تالت اختيار وهو Personal info
• افتح خامس اختيار في الصفحة اللي بعدها Messages وغيّرها من Anyone لـ Friends only أو no one
• وبعدها اضغظ على Confirm

 فعّل التوثيق الثنائي

•  من صفحة الإعدادات/Settings اضغط على إدارة الحساب/Account management ومنها على معلومات الحساب/Account Information
•  اختار منها Security وفي الصفحة اللي بعدها اختار Two Step Verification واختار Set up now وضيف رقم تليفونك

 صوّر الأكواد الاحتياطية

•  في نفس صفحة Two Step Verification  اختار Backup Codes
•  صوّر كل الأكواد اللي هتشوفها واحتفظ بيها على تليفونك عشان تساعدك في حالة سرقة حسابك أو عدم قدرتك على تسجيل الدخول
• ضروري تغيّر كلمة السر باستمرار وخليها مكوّنة من حروف ورموز وأرقام

تفعيل الإشعارات وقت انضمام صديق

• افتح Settings وبعدها Notifications وفعّل Notifications When Friends Go Online 
• ارجع للصفحة الرئيسية واختار Friends وبعدها اضغط على علامة المثلث وقتها هتظهر قائمة Select Friends فيها كل أصدقائك
• وقتها تقدر تختار منهم الشخص اللي يجيلك إشعارات إنه بقى أونلاين لما يفتح وفي النهاية اضغط على Confirm
• الخاصية دي ممكن تستمتع بيها لو معاك بلاي ستيشن 4 أو 5
•  بلاش تختارهم كلهم لأن الموضوع هيبقى مزعج لو دخلوا كلهم في أوقات متقاربة