حصى الكلى: أسبابها وأنواعها وطرق الوقاية منها

حصى الكلى هي أملاح ومعادن مصدرها البول، بتختلف كميتها سواء كانت زي حبوب الرمل وممكن توصل لحجم كرة متوسطة الحجم، وبتصيب أي جزء من المسالك البولية سواء كان الكليتين أو المثانة، وإهمال علاجها ممكن يسبب مضاعفات صحية خطيرة. 

تعريف حصى الكلى 

• بتتسمى بحصوات الكلى، أو الحصيات الكلوية، أو التحصي البولي، وهي ترسبات صلبة من الأملاح والمعادن اللي بتتكون داخل الكلى
• بيختلف حجمها سواء كانت في حجم حبيبات الرمل الصغيرة، أو حجم البازلاء، وممكن توصل أحيانًا لحجم كرة الجولف 
• بتتحرك في المسالك البولية، وده بيفسر سبب الإحساس بعدم الراحة، وتقطع البول، أو الحرقان أثنائه 
• بتوصل أحيانًا لانسداد المجرى البولي بسبب حجمها الكبير
• استقرارها في مجرى البول ممكن يؤدي لتدخل جراحي لكن الطبيعي إنها تنزل مع البول بشكل طبيعي بدون ألم

أسباب حصى الكلى 

• تغيرات المعادن، والأملاح، والمركبات اللي بيحتوي عليها البول
• زيادة كميات الكالسيوم، وحمض اليوريك، والأكسالات بشكل بيصعّب إذابتها في البول
• لو البول خالي من المواد اللي بتمنع التصاق المواد دي ببعضها، بيزيد خطر الإصابة بالحصوات لأن الجهاز البولي وقتها بيبقى بيئة خصبة لتكوينها 
• شرب المياه بكميات قليلة 
• سبب جيني بسبب عوامل وراثية ممكن تزوّد فرص تكوين الحصوات مع قلة شرب المياه والسوايل 

أنواع الحصوات

حصوات الكالسيوم

• أغلب حصوات الكلى حصوات الكالسيوم، وبتتشكل في هئية أوكسالات الكالسيوم
• الأوكسالات مادة بيصنعها الكبد يوميًا، وبيمتصها من الأكل اللي بيدخل الجسم من الأكل
• بتزيد في بعض أنواع المكسرات، والشوكولاتة، وبعض أنواع الخضروات والفواكه
• اضطرابات التمثيل الغذائي وزيادة جرعات فيتامين D بتزوّد تركيز الكالسيوم أو الأوكسالات في البول

حصوات ستروفايت

• بتظهر استجابة لعدوى المسالك البولية 
• بتنمو بسرعة وحجمها بيكبر جدًا، وأعراضها خفيفة جدًا في البداية وبتظهر فجأة بعد نموّها بشكل كبير

 حصوات الكالسيوم في شكل فوسفات الكالسيوم 

• النوع ده من الحصوات منتشر أكتر في حالات اضطرابات الأيض ( التمثيل الغذائي) 
• بتزيد فرص الإصابة بيه مع استخدام بعض الأدوية اللي بتخفف حالات الصداع النصفي والاضطرابات العصبية زي توباماكس (Topamax)، تروكيندي اكس ار  (Trokendi Xr) 

حصوات حمض اليوريك

•  بتظهر بسبب الإسهال المزمن وسوء الامتصاص أو مرض السكر، أحيانًا بتزيد مع العوامل الوراثية  

حصوات السيستين

•  بتتكون عند الأشخاص اللي عندهم اضطراب وراثي اسمه بيلة السيستين
• بيخلي الكلى تفرز كميات كبيرة من حمض أميني معين

الأعراض 

• مش بتسبب أعراض إلا بعد تحركها في الكلى، أو المرور في الحالبين (الأنابيب اللي بتربط الكلى بالمثانة) 
• استقرارها في الحالبين بيمنع تدفق البول، وبيزوّد فرص تورّم الكلى، وتشنج الحالب 
• ألم قوي في الضهر، والجنب، وتحت الأضلاع
• آلام قوية أسفل البطن
• بيتغير مكان الألم مع مرور الحصوة في المسالك البولية 
• حرقان شديد أثناء البول 
• بول لونه أحمر، أو وردي، أو بني
• التبول زيادة عن اللزوم وعدم القدرة على السيطرة عليه 
• أو  قلة التبول واحتباسه 
• بول ريحته كريهة 
• الغثيان والقيء المستمر 
• ارتفاع درجة الحرارة والقشعريرة 

تشخيص حصى الكلى 

• طرق كتير تقدر تعرف من خلالها إذا كان حصى الكلى ولا لأ 
• اختبار الدم عشان تعرف نسبة الكالسيوم وحمض البوليك فيه 
• اشعة مقطعية على المسالك البولية 
• فحص البول مرتين والفرق بين العينتين 24 ساعة لمعرفة نسبة الأملاح والكالسيوم فيه

عوامل الخطر

• بعض العوامل بتزوّد خطورة ظهور الحصى وبتزوّد مدة علاجها
• السمنة وتراكم الدهون على البطن 
• تناول كميات كبيرة من الأملاح والسكريات 
• إصابة المقربين في العيلة بالحصوات (الآباء والأجداد)  وبالتالي وجود عامل وراثي بيسبب الإصابة 
• قلة شرب المياه 
• الأمراض الهضمية اللي بتسبب إسهال مزمن بتقلل امتصاص الجسم للمياه وبتزوّد فرص تكوّن الحصوات 
• الإصابة بعدوى في المسالك البولية 
• الإفراط في مكملات فيتامين C ومضادات الحموضة اللي جزء كبير منها بيحتوي على الكالسيوم 
• تناول أدوية الصداع النصفي والاكتئاب 

العلاج 

الحصوات البسيطة 

• شرب المياه بكميات كافية (مش أقل من 3 لتر يوميًا) مع التأكد من جودتها ونظافة مصدرها
• تناول بعض المسكنات زي أيبوبروفين (Ibuprofen)، ونابروكسين (Naproxen) ومشتقاته
• أدوية كتير بتساعد على تفتيت الحصوات زي فلوموكس (Flumox)، ودوتاستيريد (Dutasteride)
• دواء ألوبيورينول (Allopurinol) ومشتقاته بيقلل حمض البوليك اللي بيساعد على تكوين الحصوات على الكلى

الحصوات الكبيرة 

• بتحتاج جراحة بتدخل فيها أدوات صغيرة لمكان الحصوة في جسمك عن طريق فتحة صغيرة في ضهرك
• أو بواسطة منظار فيه كاميرا صغيرة بتدخل عبر مجرى البول، والمثانة وبتوصل للحالب عشان تفتت الحصوة وتضمن خروجها مع البول
• اختيار طريقة من الاتنين بيتم عن طريق الطبيب المتخصص اللي بيقيم الحالة حسب حجم الحصوة، وموقعها في مجرى البول، والحالة الصحية العامة

علاج حصى الكلى بوصفات طبيعية 

•  اشرب كمية كبيرة من المياه على مدار اليوم (مش أقل من 12 كوباية) 
• ممكن تعصر ليمونة على كوباية مياه.. بتساعد على تفتيت الحصوات أسرع
•  اشرب عصير الريحان لأنه غني بمضادات الأكسدة.. أو ضيف أوراقه على كوباية الشاي 
•  خل التفاح بيفتت الحصوة وبيقلل الألم الناتج عنها.. كوباية ربعها خل تفاح والباقي مياه 
•  اشرب معلقتين زيت زيتون أول ما تصحى من النوم وقبل ما تنام 
•  حط عود كرفس واحد أو أكتر على كوباية مياه واشربها
• عصير الرمان بيطرد الحصاوي من الجسم وبيمنع تكوينها
•  الهندباء من النباتات البرية وفوايدها كتيرة.. منها منع تكون الحصوات وطردها من الجسم 
• اشرب يوميًا كوباية من عصير الهندباء لأنها بتمنع تكوين الحصوات بس  استشير طبيبك قبلها لأنها بتتفاعل مع بعض الأدوية
•  شوربة الفاصوليا البيضاء بتساعدك تتخلص من الحصوات في أسرع وقت

الوقاية من حصى الكلى 

•  اشرب كميات مياه كافية واتأكد إن لون البول يكون خالي أو أصفر باهت
•  الأنظمة الغذائية قليلة الكالسيوم بتعلي نسبة الإصابة بيها فمهم تاخد احتياجك اليومي منه سواء بالأكل أو أدوية
• قلل نسبة الصوديوم زي اللي في الملح/ الأغذية المصنعة والمعلبة/ الأكل اللي فيه على نترات الصوديوم
•  بعض حصوات الكلي بتتكون نتيجة اتحاد مادة الأكسالات مع الكالسيوم في البول
•  قلل الأكلات اللي فيها أكسالات بتركيز زي السبانخ، والشوكولاتة، والبطاطا، والقهوة، والبنجر، ومنتجات الصويا والسوداني، ونخالة القمح، والبرغل
•  قلل كمية بروتين اللحوم لأنه ممكن يزود حمض البوليك وبالتالي تكوين الحصوات
• استشير طبيب متخصص قبل تناول فيتامين C بجرعات كبيرة