حب الشباب: الأسباب والعلاج ووصفات طبيعية لتخفيفه

حب الشباب من الحالات الجلدية اللي بتنتشر فيها البثور سواء في الوجه أو على أي مكان في الجسم بكمية كبيرة، وبيصاب بيها الأشخاص من جميع الأعمار لكن بتزيد فرص الإصابة بيها عند الشباب، وبتظهر لأسباب كتير منها الهرمونات، ومهم إنك تعالجها بدري عشان تقلل فرص الإصابة بالمضاعفات.

تعريف حب الشباب 

• بيعتبر مصدر إزعاج يومي لأن الشفاء منّه بياخد وقت طويل 
• بيتسمى بالعُدّ أو البثور، وبيظهر وقت انسداد جريبات الشعر بالبثور، والخلايا الميتة 
• بيترتب على ده ظهور رؤوس بيضاء أو سوداء أو بثور 
• منتشر أكتر عند المراهقين لكن بيصاب بيها الأشخاص من كل الفئات العمرية 
• ممكن يسبب فرط التصبغ التالي للالتهاب الناتج عن احمرار البشرة، وبينتج عنه تباين في لون البشرة خصوصًا عند أصحاب البشرة السمراء 
• علاجه المبكر بيقلل فرص ظهور المضاعفات الخطيرة 
• ممكن يختفي مع علاج أعراضه لكن بيرجع تاني بعد فترة بصورة مختلفة 
• بيسبب ندبات على الجلد ممكن تسيب آثارها طول العمر على الوجه أو على أي مكان في الجسم 

أعراض حب الشباب 

• ظهور بثور/ حبوب بتحتوي على صديد في أطرافها
• الرؤوس السوداء أو البيضاء حسب الحالة 
• فقاعات حمراء صغيرة مؤلمة 
• كتل صلبة وبتسبب ألم تحت الجلد لو كبيرة اسمها عُقيدات، لكن لو مليانة صديد بيبقى اسمها آفات كيسية 

الأسباب 

• بتزيد فرص ظهور الحبوب على الوجه، والجبهة، وأعلى الضهر، والكتفين، والصدر لأنها أكتر أماكن بتحتوي على غدد زيتية (دهنية) 
• جريبات الشعر الموجودة في الأماكن دي متصلة بالغدد الدهنية بشكل مباشر
• بينتفخ جدار جريب الشعر سواء كان السبب بكتيريا سببت التهاب، أو تغيرات هرمونية
• انتفاح سطح الجريب بيسبب ظهور الرؤوس البيضاء وبيسد سطح الجلد
• بيخليها تكتسب لون داكن ومع الوقت بتتحول لرؤوس سوداء 
• بتظهر كأنها أوساخ على مسام الجلد، لكن في الحقيقة المسام مسدودة بزيوت، وبكتيريا، وبتزيد كثافة لونها الأسود مع الوقت 
• انسداد جريبات الشعر وإصابتها بالبكتيريا بينتج عنّه بقع حمراء ليها رأس بيضاء 
• عمومًا الانسداد ده بيسبب الإفراط في إفراز مادة دهنية من الغدد اسمها لزّهْم (sebum) 
• تراكمها مع خلايا الجلد الميتة بيزود فرص ظهور البثور 
• التغيرات الهرمونية خلال فترة البلوغ بتلعب دور أساسي في ظهورها 
• بيزيد إفراز هرمونات الأندروجينات وقت البلوغ وبيسبب زيادة نشاط الغدد الدهنية 
• بتحفّز نشاط دهون أكتر وبالتالي بتزيد فرص تكوين البثور
• دراسات بتقول إن الإفراط في تناول السكريات، والنشويات بيسبب تفاقم في أعراض حب الشباب 

 أدوية بتحفز نشاط حب الشباب

•  أدوية الستيرويدات (steroids) المضادة للاكتئاب
•  مكملات التستوستيرون (Testosterone) 
• أدوية الليثيوم (Lithium) لعلاج الاكتئاب وبعض الاضطرابات النفسية 
• تناول الكورتيزون (Cortizone) على مدار فترات طويلة

المضاعفات 

• ظهور ندوب على الجلد (حفر عميقة) وبتستمر لمدة طويلة حتى بعد الشفاء من حب الشباب 
• بيتغير لون الجلد سواء للون أغمق بسبب فرط التصبغ أو للون فاتح بسبب نقص التصبغ 
• بيستمر التغيير لمدة طويلة حتى بعد الشفاء من حب الشباب 

عوامل الخطر 

• العامل الوراثي في العيلة خصوصًا لو بيهاجم الآباء والأجداد على فترات متباعدة بشراسة 
• اضطراب الهرمونات عند السيدات، لأنه بيزيد خلال فترة التحولات الهرمونية سواء مع الحمل والولادة أو عند الوصول لسن انقطاع الدورة الشهرية
• المبالغة في تنضيف الجلد بالصابون بتسبب احمرار فيه وبتزوّد فرص الالتهابات 
• الاحتكاك المستمر مع الجلد سواء بنوع ملابس معين أو بحمل الحقائب، وارتداء الخوزة، والحديث في الموبايل بدون سمّاعة 

العلاج بماسكات طبيعية 

ماسك الكركم والعسل

•  العسل مضاد للجراثيم ومطهر طبيعي والكركم له خصائص مضادة للالتهابات 
• اخلط معلقة كبيرة كركم + معلقة كبيرة عسل + معلقة كبيرة لبن 
• افرد الخليط على البشرة وسيبه لمدة 10 دقايق واغسله بمياه فاترة 

ماسك بياض البيض والليمون

• اخفق بياض بيضة مع معلقة صغيرة عصير ليمون وافرده على البشرة لمدة 15 دقيقة واغسله بمياه دافية

ماسك الشاي الأخضر والعسل

•  اخلط معلقة صغيرة ورق الشاي الأخضر + معلقة صغيرة مياه ورد + معلقة صغيرة عسل
• افرد الخليط لمدة 15 دقيقة واغسل البشرة بمياه فاترة 
• كرر الماسك مرة أو مرتين في الأسبوع 

ماسك زيت شجرة الشاي مع جوز الهند

• اخلط 5 -7 نقط زيت شجرة الشاي مع معلقة صغيرة زيت جوز الهند 
• حط كمية على الحبوب وسيبها طول الليل واغسل البشرة بمياه فاترة 
• كرر الخطوات بشكل يومي لحد ما الحبوب تختفي 

ماسك الطماطم مع الشوفان والليمون

• اخلط نص كوباية دقيق شوفان + معلقة كبيرة عصير ليمون+ معلقة كبيرة عصير طماطم 
• افرد الخليط على البشرة لمدة  20 دقيقة
• افرك الماسك برفق واغسله بمياه فاترة 

علاج حب الشباب بالأدوية 

• أدوية علاج حب الشباب بتساعد على تقليل إفراز الدهون من خلايا الجلد، وبتكافح الالتهابات وبتقتل البكتيريا المسببة له، واستخدامها بيكون تحت إشراف طبيب، زي: 
• ريتين أ ( Retin A)
• ديفرين (Differin) 
• تازوراك (Tazorac) 
• أفاج (Avage) 
• أكزون (Aczone Gel) 
• كيوتان (Accutane)
• بعض المضادات الحيوية زي: 
• بنزاكلين (Benzaclin) 
• بنزامايسين (Benzamycin) 

طرق أخرى لعلاج حب الشباب 

• العلاج الضوئي 
• استخدام أدوات طبية لاستخراج الرؤوس البيضاء والسوداء بلطف 
• التقشير الكيميائي عن طريق تعريض البشرة لنوع معين من المحاليل الكيميائية زي حمض الساليسيليك أو حمض الجليكوليك 
• التعرض لطرق كَشط الدقيق (microdermabrasion)
• العلاج بالليزر 
• التدخل الجراحي 

الوقاية من المضاعفات 

• غسل المنطقة المعرضة للإصابة مرتين يوميًا
• الاستحمام بعد نزول حمام السباحة 
• تجفيف البشرة باستمرار 
• إزالة المكياج قبل النوم
• اختيار ملابس قطنية مريحة وتجنب الضغط عليها لتقليل الاحتكاك المباشر بينها وبين الحبوب 
• استشارة طبيب متخصص في أقرب وقت