المحتويات
حبة البركة بيتم إضافتها لأنواع المخبوزات وكمان بيتم تناولها كمشروب عشبي، سواء منفردة أو مع بعض الأعشاب التانية زي الشمر أو الينسون، وتم استخدامها لصنع الأدوية على يد قدماء المصريين، بسبب احتواءها على خصائص علاجية مهمة.
فوائد حبة البركة
- بتساعد في تقوية المناعة ومحاربة العدوى والالتهابات بسبب احتواءها على زيت ثيموكينون المضاد للأكسدة
- الأبحاث أثبتت دورها في خفض مستويات الكوليسترول السيء في الدم والمساعدة في السيطرة على ضغط الدم وخفض نسبته، وبالتالي بتساعد في الوقاية من مشاكل الدورة الدموية وتعزيز صحة القلب والشرايين
- بتساعد في التخفيف من أعراض الربو زي السعال والصفير وتحسين وظيفة الرئة
- الدراسات قالت إنها بتساعد في تحسين الذاكرة وتقويتها
- بتقوي وتحفز نمو الشعر ومنع تساقطه
- بسبب خصائصها المضادة للجراثيم.. بتحمي البشرة من حب الشباب
- بتحتوي على الأحماض الدهنية زي اللينوليك اللي بيساعد في علاج جفاف الجلد، ويحافظ على حيوية البشرة ومحاربة التجاعيد وعلامات الشيخوخة
- بتحتوى على نسبة عالية من المواد المضادة للأكسدة والفيتامينات بتقلل من خطر الإصابة بالأمراض السرطانية المختلفة زي سرطان الثدي وعنق الرحم والبروستاتا والمثانة والكلى وتناولها بيساعد على تخفيف ألم المعدة وعلاج مشاكل الجهاز الهضمي من التهابات وقرح، وعلاج الانتفاخ والغازات واضطرابات المعدة مع تناولها في وجبة الفطار
- بتساعد في علاج الصداع النصفي وتسكين الألم خاصة الناتج عن اضطرابات الدورة الشهرية
- بتعزز تدفق حليب ثدي الأم
- مستخلصها بيساعد في انخفاض أعراض التهاب المفاصل الروماتويدي
طرق لتناولها
- ضيفها مع تتبيلة السلطات
- امزجها مع العسل وتناول ملعقة مرة واحدة على الريق يوميًا
- ضيف زيت حبة البركة للأكل (ممكن تستخدمه لعمل ماسكات الشعر والبشرة)
- تناول مع كوباية مياه سخنة على الريق وممكن تضيف لها أعشاب زي الشمر
وصفات بحبة البركة
السموزي الأسود
المكونات
- كوباية لبن ساقع
- ثمرة موز مهروسة
- معلقتين صغيرين حبة البركة
- معلقة صغيرة كاكاو
- 2 حبة ثمر بلح من غير نوى
- نص معلقة صغيرة قرفة
- معلقة صغيرة فانيليا
- مكعبات ثلج
الطريقة
- في الخلاط الكهربائي.. اخلط كل المكونات مع بعضها كويس لحد ما تتجانس
فراخ بالطريقة المغربية
المكونات
- فرخة كاملة مقطعة (4 أو 6 قطع)
- ربع كوباية زيت زيتون
- بصلة متوسطة مقطعة حلقات + بصلة مفرومة ناعم
- معلقة كبيرة حبة البركة
- 4 فصوص توم مفروم
- معلقة كبيرة حبة البركة مطحونة
- ملح وفلفل أسود
- تلت أربع معلقة صغيرة جنزبيل
- عود قرفة
- معلقة صغيرة كركم
- تلت كوباية مياه
الطريقة
- في طاجن.. وزع زيت الزيتون وعليه حلقات البصل
- اخلط البصلة المفرومة مع التوم وباقي التوابل
- تبل قطع الفراخ بالتتبيلة كويس ورصها في الطاجن
- ضيف المياه لباقي التتبيلة ووزعها عل الفراخ
- غطي الطاجن بالفويل ودخله الفرن لمدة 30 دقيقة
- شيل الفويل ودخل الطاجن مرة تانية لمدة 10 -15 دقيقة
العيش بحبة البركة
المكونات
