المحتويات
جهاز قياس السكر ضروري لمريض السكر عشان يقدر يعرف نسبة الجلوكوز في دمّه سواء قبل الأكل أو بعده، وبالتالي يحمي نفسه من أي خطر سواء بتشديد الالتزام على نظام حياته خصوصًا الأكل، أو تعديل جرعات الأدوية باستشارة الطبيب المتخصص.
نسبة السكر الطبيعية
- بتختلف نسبة السكر في الدم سواء قبل الأكل في الصباح أو بعد الأكل من 60 لـ 90 دقيقة
- بيتقاس بعدة مقاييس مختلفة أهمها مليجرام/ ديسيلتر
- أقل من 200 مليجرام/ ديسيلتر يعتبر طبيعي أثناء الفحص العشوائي (في أي وقت خلال اليوم) تعتبر نسبة طبيعية
أثناء الصيام
- المقصود هنا الصيام عن الأكل لمدة مش أقل من 8 ساعات، وعادة بيتقاس سكر الصايم بعد الاستيقاظ مباشرة
- الطبيعي لازم يكون أقل من 100 مليجرام/ ديسيلتر
- النسبة من 100 لـ 125 مليجرام/ ديسيلتر قبل الأكل (أثناء الصيام) يبقى بيزيد عندك خطر الإصابة بالسكر
- القراءة فوق الـ 125 مليجرام/ ديسيلتر يبقى إنت مريض سكر ولازم تستشير طبيب متخصص فورًا
بعد الأكل بساعتين
- الطبيعي لازم يكون أقل من 140 مليجرام/ ديسيلتر
- لو النتيجة من 140 لـ 199 مليجرام/ ديسيلتر يبقى إنت عندك بوادر الإصابة، ولازم تلتزم بنظام صحي صارم عشان تقلل الخطر
- القراءة الأعلى من 200 مليجرام/ ديسيلتر يبقى إنت مريض سكر ولازم تستشير طبيب متخصص فورًا
طريقة استخدام جهاز قياس السكر
- اغسل إيدك كويس وجففها من المياه واتأكد إنها خالية من أي بقايا للطعام
- دخّل شريحة جديدة في الجهاز واتأكد إنه شغّال عن طريق ظهور أرقام عليه
- امسك إبرة الوخز عشان تشك نفسك بيها، والأحسن تختار مكان طري في عقلة الصباع العليا عشان تقلل الألم قدر المستطاع
- بلاش تشك نفسك في منتصف العقلة وخلي الجرح البسيط أقرب للأطراف
- خلي قطرات الدم تلمس الشريط اللي داخل الجهاز، ومهم تتأكد من نزول الدم بكمية كافية لقياس السكر بصورة دقيقة
- افتكر إن الشريحة بتتغير مع كل استعمال لكن إبرة الوخز ممكن تستعملها أكتر من مرة بعد تعقيمها
- الأحسن تغيّرها كل فترة بس افتكر إنها لازم تتغير لو شخص تاني هيستعمل الجهاز غيرك
طريقة الحفاظ على جهاز قياس السكر
- نضّفه باستمرار وخزّنه بعيد عن أشعة الشمس المباشرة
- تجنب استعمال شرايح منتهية الصلاحية
- راجع دليل المستخم لجهازك لأن طريقة تشغيل كل جهاز ممكن تختلف عن التانية
- ابعده عن متناول الأطفال والحيوانات الأليفة وخزّنه في الشنطة الخاصة بيه دايمًا
اختبارات دقة وجودة الجهاز
- استخدم محلول التحكم (موجود مع أغلب الأجهزة) بدل الدم لما تفتح علبة شرايط جديدة أو لو وقع الجهاز منّك وتعرّض لصدمة قوية أو لو حسيت إن القراءة مش دقيقة
- اعمل تحليل صايم وفاطر وطابق بين نتايجه والنتيجة المكتوبة على الجهاز
- الخبراء بيأكدوا إن النتيجة بتبقى دقيقة لو فيه فرق بين النتيجتين 15% أو أقل
عوامل مؤثرة على دقة الجهاز
- ارتفاع أو انخفاض درجة الحرارة بصورة كبيرة سواء على الجهاز أو على الأشرطة
- ضعف الشرايط أو اختلافها عن النوع المخصص لجهازك
- وجود كحول أو أوساخ أو بقايا طعام على الشريط أو مكان اليد اللي هتلمسه
- ضعف البطاريات
- اعرف إن الدم المأخوذ من الأصبع هو الأدق من أي مكان تاني في جسمك خصوصًا لو نسبة السكر عندك بترتفع وتنخفض بسرعة
- فقر الدم وقلة السوايل في جسمك بتنعكس على كمية خلايا الدم الحمراء وبتقلل دقة نتايج الاختبار
- قلة الدم على شريط القراءة
جهاز قياس السكر بدون وخز
- بيتسمى Freestyle Libre بيتكون من جزئين:
- الجزء الأول قرص استشعار حساس (في نفس حجم العملة المعدنية) بتلزقه بالجزء الخلفي العلوي من دراعك
- التاني هو جهاز القراءة اللي بيعمل مسح ضوئي لقرص الاستشعار، وبيظهر قراءات قياس الدم، وممكن تربطه بتطبيقات الموبايل عشان تظهر نتيجة القراءة عليه وتبعتها لحد تاني
- أجهزة تانية تقدر تقيس بيها السكر سواء عن طريق الأذن أو من خلال العين أو في شكل ساعة بتلبسها أو أجهزة بتقدر تزرعها تحت الجلد
