المحتويات
جفاف العين بيحصل لما بتقل كمية الدموع في العيون وبالتالي بتعتبر العيون خالية من الرطوبة الكافية اللازمة، وبيحصل نقص الدموع لأسباب كتير ومتنوعة ولكن مهم تعرف أسبابه عشان تحمّي نفسك منّه وتعرف كويس طرق علاجه ومضاعفات إهمال أعراضه لفترات طويلة.
تعريف جفاف العين
- هو عجز العيون عن توفير الترطيب الكافي اللي بيحميها، واللي بيحصل بشكل أساسي عن طريق الدموع
- غياب العيون أو وجودها مع قلة جودتها ممكن يسبب التهابات في سطح العين ومع الوقت ممكن تطور لتلف فيه
أعراض جفاف العين
- الإحساس بخشونة أو لسعة في العينين بتطور لحرقان شديد
- احمرار العين
- حساسية شديدة من الضوء مهما كان بسيط
- إرهاق العين ورؤية ضبابية
- عدم القدرة على القيادة في الليل
- صعوبة ارتداء عدسات لاصقة
- الإحساس بوجود شيء في العين مش بيروح مع فركها باستمرار
- ظهور صديد لزج القوام في العين أو حولها
- صعوبة استكمال القراءة أو مشاهدة التليفزيون لمدة طويلة
- العجز عن تركيز النظر عن نقطة واحدة لمدة طويلة وتشوش الرؤية بعدها
الأسباب
- اعرف إن الغشاء الدمعي الطبيعي الموجود في العين بيتكوّن من 3 طبقات وهما الطبقة الزيتية الخارجية والمائية الوسطى والمخاطية الداخلية
- حالة الطبقات التلاتة السليمة بتنعكس على مستوى الرطوبة في العين وعلى أساسها بيتحدد إذا كنت مصاب بجفاف العين ولا لأ
- تغيرات كتير بتحصل في الغشاء الدمعي سواء بسبب التهاب غدد الجفن أو بعض أمراض المناعة الذاتية أو بعض التغيرات الهرمونية
- المصطلح العلمي لجفاف العين وعدم قدرتها على إفراز الدموع هو التهاب القرنية
- بعض الأمراض اللي بتصيب الجسم ليها دور أساسي في الإصابة بالمرض ده ومنها:
- اضطراب الغدة الدرقية
- الرماتويد
- تصلب الجلد
- نقص فيتامين A
- بعض المواد الحافظة في قطرات العين
- التعرض المستمر للدخان والهواء الجاف
- مشاكل الجفن زي انقلاب الجفن للداخل أو للخارج
المضاعفات
- صعوبة القراءة والقيادة
- تآكل القرنية اللي بيتطور لتلف سطح العين تمامًا وده بينتج عنه فقدان البصر
- الإصابة بعدوى والتهابات العين
العلاج
- في أغلب الحالات الموضوع مش بيبقى خطير وبيحتاج فقط بعض القطرات اللي بتزوّد فرص وجود دموع صناعية زي:
- سيستان الترا (Systane Ultra)
- تيرز جارد (Tears Guard)
- بلينك (Blink)
- ارتيلاك (Artelac)
- سولو فريش (Solofresh)
- كورنيريجيل (Corneregel)
- نورمو تيرز (Normo Tears)
- أغلب الأطباء بيوصوا إنك لازم تستشير طبيب متخصص عشان تعرف سبب جفاف العين وتعرف تحلّه صح
- لو الحالة متطورة والجفاف شديد لازم يوصف الطبيب أدوية لعلاج التهاب القرنية والتهابات العين عمومًا ولكن لمدة محددة لتجنب أى آثار جانبية ليها
طرق مختلفة لعلاج جفاف العين
- قفل كل القنوات المسيلة للدموع عن طريق إغلاق جزئي أو كلي لمجاري العيون (حسب الحالة)
- الدراسات بتقول إن الكمادات الدافية على العين بتساعد على تنضيف الغدد الدهنية المسدودة
- بعض أنواع العدسات اللاصقة بتحمي سطح العين وبتزوّد الرطوبة وبتحبسها في العين
- لازم تستشير طبيب متخصص عشان يحدد أفضل طريقة للعلاج ويعرف سبب الحالة بالتفصيل
الوقاية
- بلاش توجّه عينك مباشرة ناحية تيار الهواء الشديد
- خلي شاشة الكومبيوتر أو التليفزيون أسفل مستوى نظرك بدرجة بسيطة
- بلاش تخلي عينك تركز في حاجة واحدة وركّز نظرك في إتجاه مختلف كل فترة والتانية
- اقفل عينك باستمرار وقت تواجدك في الأماكن المرتفعة أو الصحراوية عشان تمنّع تبخر العيون
- حافظ على مستويات السكر والضغط في دمك طبيعية واستشير طبيب متخصص يساعدك على الالتزام بنظام حياة صحي
