المحتويات
الجرثومة الحلزونية أو المعروفة باسم جرثومة المعدة من أشهر أسباب الإصابة بقرحة المعدة والمعاناة من أعراضها، وهي من أكتر أنواع البكتيريا المنتشرة في العالم لأن أكتر من نصف السكان مصابين بيها، وعشان كده هنقدملك أهم المعلومات عنها وطرق اكتشاف الإصابة بيها.
ما هي جرثومة المعدة؟
هي نوع من أنواع البكتيريا اللي ممكن تدخل الجسم وتعيش في الجهاز الهضمي، بتتكاثر فيه وتسبب قرح المعدة ومضاعفات تانية مع الوقت.
أعراض جرثومة المعدة
المصاب بيها بيحس بأعراض مختلفة وحدتها بتختلف من شخص للتاني، ولكن في أعراض عامة ممكن تكتشف من خلالها إصابتك ودرجة حدتها زي:
- التجشؤ المفرط
- حرقة المعدة خاصة بعد الأكل
- الغثيان
- الشعور بالانتفاخ
- الحمى
- قلة الشهية أو فقدانها
- صعوبة البلع
- فقدان الوزن غير المبرر
- فقر الدم
- مشاكل التنفس
- الشعور بالتعب الشديد
- ظهور دم في البراز
- لون البشرة الباهت
- ألم شديد في المعدة
- فقدان الوزن بدون سبب
- الشعور بالجوع بسرعة
- القيء
- ظهور دم في القيء
- تورم البطن
أعراض الإصابة عند الأطفال
- براز دموي أو أحمر غامق
- الدوخة أو الإغماء
- الشعور بالتعب الشديد
- لون البشرة الباهت
- القيء الغامق
- آلام شديدة وحادة في المعدة
أسباب الإصابة بيها
- مشاركة الأدوات أو أواني الأكل مع شخص تاني
- التعامل مع مياه أو أطعمة غير نظيفة
- استخدام أدوات شخص مصاب بيها زي المعلقة أو الفوطة
- الاتصال بلعاب شخص مصاب بيها
مضاعفات الإصابة بيها
- التهاب بطانة المعدة بسبب تهيج البكتيريا ليها
- قرحة المعدة.. بيصاب بيها حوالي 10% من المصابين بيها
- النزيف الداخلي
- سرطان المعدة
علاجها
يتم علاج البكتيريا الحلزونية على طريقتين، الطريقة الأولى تعتمد على الأدوية والطريقة التانية على تغيير النمط الغذائي، وفي حالة وجود البكتيريا في المعدة بدون ظهور أي أعراض الأدوية هتكون غير مؤثرة
الأدوية: لازم تستشير دكتور متخصص عشان يوصفلك:
- المضاد الحيوي المناسب ليها
- أدوية تقلل حموضة المعدة
- مثبطات مضخة البروتون
- مضاد للجراثيم
النمط الغذائي: لا يوجد دليل طبي بتأثير تغيير النمط الغذائي على درجة الإصابة بيها، لكن في خطوات معينة ممكن تعملها عشان تحسن صحة المعدة زي:
- تجنب التدخين والكحول
- تجنب البهارات الزايدة في الأكل والأطعمة الحارة
- الانتظام على الأطعمة الغنية بالبروبيوتيك زي الزبادي الطبيعي والكرنب المخلل الصحي والأطعمة المخمرة
- الانتظام على شرب الشاي الأخضر
- زيت الزيتون بيساعد على استقرار حمض المعدة
- استخدم البصل والتوم دايما في الطبخ لتحسين صحة المعدة
- أكل براعم البروكلي لأن فيها مادة السلفوروفان اللي بيساعد على قتلها
- العسل فيه خصائص مضادة للبكتيريا خاصة لو على الريق
طرق الوقاية من جرثومة المعدة
- التأكد دايما من نظافة الطعام وتجنب الأطعمة الجاهزة والسريعة
- طهي الأكل بشكل جيد ولمدة كافية لتجنب نمو البكتيريا فيه
- تجنب ترك الأطعمة خارج التلاجة قبل أو بعد التسوية أو فك الأطعمة المتلجة على الرخامة
- غسل اليدين بعد أي نشاط زي مسك إيد الباب أو الأسانسير أو استخدام الحمام لأنها ممكن تتنقل عن طريق الأسطح
- تجنب التعامل مع الأشخاص المصابة أو استخدام أدواتهم ولو الشخص ده شريكك تجنب العلاقة الجنسية أو التقرب منه
- تجنب استخدام أدوات شخص تاني مهما كانت بسيطة زي الروج
- غسل لوح تقطيع الأكل قبل وبعد استخدامه واستخدام ألواح منفصلة للخضار والفاكهة والأطعمة النية زي اللحمة
- الفصل بين الأكل المستوي والني في التخزين أو التسوية
طرق الكشف عنها
- كشف الطبيب.. عن طريق الضغط على البطن عشان يتأكد لو في علامات تورم أو ألم أو ترقق
- تحليل الدم
- تحليل البراز وهو الأكتر دقة
