المحتويات
تليف الكبد بيحصل نتيجة تفاقم مسببات أمراض الكبد زي ظهور الالتهابات وانتشارها في الجسم أو إدمان الكحول أو انتشار العدوى اللي بتسبب ظهور ندوب في الكبد صعب علاجها.
تعريف تليف الكبد
- هي حالة فساد وسوء حالة الكبد وظهور الندوب الدائمة عليه وعجز الكبد عن القيام بدوره في إنتاج البروتينات وتخزين المعادن والفيتامينات وتنقية الجسم من السموم
وظيفة الكبد
- بينتج الكبد العصارة اللي بتساعد على الهضم واسمها (bile) وبتتكون من كوليسترول وأملاح ومادة البيليروبين
- بتساعد على تحليل الطعام وامتصاص الدهون والكوليسترول وبتقوّي وظيفة الأمعاء الدقيقة على هضم الطعام والاستفادة منّه
- عصارة الكبد دورها أساسي في منع تجلط الدم والمساعدة على تخثره لأن العصارة بتمتص فيتامين (ك) اللازم لتخثر الدم
- بتحتوي العصارة على مادة البيليروبين وبتتكون نتيجة تحليل الهيموجلوبين وبينتج عنها تخزين الحديد في الكبد
- الحديد بيساعد على تجديد خلايا الدم الحمراء في الجسم اللي بتحمل الأكسجين لكل أعضائه
- بيخزن المعادن والفيتامينات المختلفة زي فيتامين أ/د/ي/ك/ب 12/ الحديد/النحاس بجانب إنه بيقوّي جهاز المناعة
أسباب تليف الكبد
- الإفراط في تناول المشروبات الكحولية
- تراكم معدن النحاس في الكبد بكميات كبيرة ولمدة طويلة أو تراكم الحديد في الكبد والجسم عمومًا
- اضطرابات الهضم والتمثيل الغذائي في الجسم وعدم القدرة على تحويل السكر لطاقة
- التهابات الكبد المناعية الذاتية
- تصلب القنوات الصفراوية
- تراكم الدهون في الكبد
- اضطرابات الهضم الجينية اللي بتحصل بسبب عوامل وراثية
- زيادة الوزن غير الطبيعية بسبب عادات غذائية خاطئة والإفراط في النشويات والدهون
- الإصابة بالتهاب الكبد المزمن ( B/C/D)
المضاعفات
- ارتفاع ضغط الدم الشديد في الأوردة والشرايين اللي بتوصل الدم للكبد
- تورْمات شديد في الساقين والبطن واحتباس السوائل بداخلهم
- تضخم الطحال وقلة الصفائح الدموية وكرات الدم البيضاء في الدم وبالتالي ضعف شديد في المناعة
- تراكم السموم في الدم والمخ اللي مع الوقت ممكن يسبب سكتة دماغية وممكن تؤدي للوفاة
- اليرقان واصفرار شديد في الجلد والبول مع استمرار حالة الضعف العام وفقدان القدرة على إتمام المهام الجسدية أو العقلية بنجاح
- زيادة فرص كسور العظام وهشاشتها ضد أي صدمات مهما كانت بسيطة وبتزيد فرص الإصابة بسرطان الكبد
الأعراض
- النزيف
- فقدان الشهية
- الغثيان
- تورّم الساقين
- يرقان وإصفرار لون الجلد
- ظهور أوعية دموية شبه العنكبوت على الجلد
- عدم انتظام الدورة الشهرية عند السيدات
- الرغبة المستمرة في النوم وزيادة الكسل وقلة الرغبة في بذل أي مجهود
العلاج
- ضروري تعرف إن العلاج مبني على السيطرة على مسببات التليف
- مثلًا ضروري تتوقف عن إدمان الكحول وتلتزم بنظام غذائي صحي خالي من الدهون والنشويات
- السيطرة على المضاعفات في حالة تليف الكبد هي الحل الأمثل لأن في أغلب الأحيان بيصعب رجوع الكبد لحالته الطبيعية
- بعض الأطباء بيستخدموا أدوية لتخفيف حدة أعراض تليف الكبد لكن ضروري بلاش تستخدمها إلا تحت إشراف متخصص ومنها:
- مضادات الفيروسات ومنها ريبافيرين (Ribavirin)
- بعض أدوية ارتفاع الكوليسترول زي استابرول (Estaprol) وكريستور (Crestor) وكويستران (Questran)
- أدوية القلب ومنها التوبريف (Altoprev) وايزيترول (Ezetrol)
الوقاية
- خلي نظامك الغذائي متوازن عشان تحمي نفسك منه
- قلل الدهون قدر المستطاع واستبدلها بالخضروات والأطعمة الغنية بالألياف
- افتكر إن الإفراط في شرب الكحوليات سبب أساسي في الإصابة بتليف الكبد
- احمي نفسك من التهابات الكبد اللي استمرارها ممكن يتسبب في ضرر عليها سواء من خلال الاهتمام باختيار أماكن مضمونة عشان تاكل منها لو هتاكل بره أو عدم مشاركة الأدوات الشخصية مع حد تاني
- ممارسة الرياضة لمدة 30 دقيقة يوميًا بتحميك من خطر التليف أو تطوره لمراحل أخطر
- التزامك بتعليمات الطبيب أساسية خصوصًا لو بتعاني من أمراض مزمنة
- استشير طبيبك قبل تناول التطعيمات اللي بتحميك من الفيروسات الكبدية خصوصًا إن الإصابة بيها بيزود الخطر وممكن يتسبب في حدوث التليف صعب علاجه
