تليجرام: عيوبه ومميزاته وطرق استخدام حيله المختلفة

تليجرام هو تطبيق مخصص للمحادثات الفورية بيتميز بسرعة وصول الرسايل عليه، ومتاح لأنظمة الأندرويد والـiOS والويندوز، ومتاح عليه كل الخدمات زي إرسال الصور ومقاطع الفيديو والرسايل الصوتية وإنشاء جروبات.

مميزات تليجرام

• مجاني ولا يضم إعلانات مزعجة متكررة
• فيه أكتر من خاصية لحماية البيانات والصور وتوفير أكبر قدر من الخصوصية والأمان ليها
• عليه ميزة حذف رسايل المحادثة كلها بضغطة واحدة سواء في المحاثة الخاصة بيك أو من محادثتك ومحادثة الطرف التاني
• المكالمات عليه دقيقة وجودتها عالية
• ميزة البحث عن رسايل محددة بينك وبين الطرف التاني من خلال خاصية البحث الفوري
• إمكانية إضافة اسم مستخدم عشان تسهل عملية البحث عنك في التطبيق
• بيدعم 12 لغة
• إمكانية إنشاء قناة خاصة بيك وتقدر تدعو كل الأطراف اللي موجودين عندك ليها
• توفير ميزة الرسايل السرية اللي تتيح فرصة الأمان والخصوصية للمستخدمين

عيوب تليجرام

• من أكتر التطبيقات اللي بتستنذف البطارية وبيانات الموبايل
• لا يتيح خاصية تحديث الحالة مع تخصيص ظهورها لأشخاص محددة أو إخفائها
• غير متاح إنك تبعت أكتر من ملف مع بعض
• الرسايل عليه غير مشفرة إلا لو استخدمت خاصية المحادثة السرية

طرق تحميل تليجرام

• لو بتستخدم موبايل أندرويد حمله من هنا
•  آيفون.. حمله من هنا
• لو عايز تحمله على الكمبيوتر حمله من هنا

خطوات عمل محادثة سرية على تليجرام

مميزاتها:

• الكلام والصور والفيديوهات اللي فيه بتفضل بين الشخصين وبتختفي تماما بعد مسحه
• فيه ميزة التشفير (end-to-end) وده معناه إن المرسل والمستقبل بس اللي يقدروا يشوفوا الرسايل
• مفيش حد يقدر يخترق المحادثة وعند حذفها من عند طرف.. تحذف تلقائيا من عند الطرف التاني
• لو بعت رسالة وتم حذفها.. هتتحذف من عند الطرف التاني بدون ما يعرف إنك بعت حاجة وممنوع تعملها (Forward) لمحادثة تانية 
• لو أخدت سكرين شوت.. بيظهر في المحادثة

 لو آيفون:

• دوس على اسم الشخص أعلى الشاشة وبعدين (More)
• اختار (Start Secret Chat) وبعدين (Start)

لو أندرويد:

• لو أندرويد.. دوس على اسم الشخص أعلى الشاشة
• اختار التلت نقاط فوق بعض
• اختار (Start Secret Chat) وبعدين (Start)
• هيظهرلك محادثة مختلفة عن القديمة وجنبها علامة قفل

خطوات تفعيل التدمير الذاتي للرسايل

هي خاصية بتسمح إن الرسايل تختفي بعد مدة معينة تحددها بعد إرسالها

لو آيفون:

• اضغط على علامة الـ(Stopwatch) أسفل الشاشة
• اختار الوقت اللي عايزه من ثانية لحد أسبوع وبعدين دوس (Done)

لو أندرويد:

• دوس على علامة الـ(Stopwatch) أعلى الشاشة جنب اسم الشخص
• حدد الوقت ودوس (Done)

لإلغائه:

اضغط على علامة الـ(Stopwatch) وبعدين اختار (Off) و(Done)

خطوات حذف المحادثة على تليجرام

لو آيفون:

 اعمل (Swipe Left) ليها واختار (Delete) وبعدين (Delete Chat)

لو أندرويد:

• افتح المحادثة ودوس على التلت نقاط فوق بعض 
• واختار (Delete Chat) وبعدين (Delete Chat) تاني

خطوات إلغاء الـ(Last Seen) على تليجرام

• افتح الإعدادات (Settings) أسفل الشاشة واختار الخصوصية والأمان (Privacy and Security)
• اختار (Last Seen Online)
• حدد الأشخاص اللي عايزهم يشوفوا آخر مرة كنت أونلاين فيها امتى
• أو اختار (Nobody) عشان تلغيها تماما
• هيظهرلك اختيار (Always Share With) وده لتحديد الأشخاص المقربين اللي ممكن يشوفوها 
• -لكن لو اختارت (Everybody) هيظهر واحد من الاختيارات دي للناس حسب استخدامك:
• (Recently): كنت أونلاين دلوقتي أو لحد 3 أيام فاتت
• (Within a week): من 3-7 أيام
• (Within a month): من 7-30 يوم
• (A long time ago): آخر مرة كنت أونلاين كان من أكتر من شهر
• لو ضيفت حد لقائمة البلوك هيشوف دايما رسالة (A long time ago) حتى لو كنت بتتكلم معاه قريب

خطوات إخفاء رقمك من تليجرام

• افتح الإعدادات أسفل يمين الشاشة
• اختار الحماية والخصوصية (Privacy and Security)
• اضغط على رقم الهاتف (Phone Number)
• اختار مين اللي يشوف رقمك سواء جهات اتصالي (My Contacts) أو لا أحد (No One)

خطوات تفعيل خاصية الحذف التلقائي على تليجرام

الخاصية بتمسح المحادثة بعد 24 ساعة أو 7 أيام من وقت إرسالها ولا تنطبق على الرسايل اللي تم إرسالها قبل تفعيل الخاصية

الأندرويد

• افتح المحادثة ودوس على التلت نقاط فوق بعض واختار (Clear History)
• حدد المدة من الـ(Slider) اللي هيظهرلك أسفل الشاشة اللي عايز الرسايل تتمسح فيه
• ممكن تعمل علامة صح جنب اختيار مسح الرسايل عند الطرف التاني
• دوس على (Enable Auto-Delete)

 الآيفون

• افتح المحادثة واضغط ضغطة مطولة على رسالة من الرسايل
• اختار (Select) وبعدين (Clear Chat)
• دوس٠ على (Enable Auto-Delete) وحدد المدة

خطوات تعديل رسالة بعتها على تليجرام

الأندرويد:

• اضغط على الرسالة ضغطة مطولة
• اختار زرار الـ(Edit) اللي على شكل قلم أعلى الشاشة
• اعمل التعديلات اللي عايزها وبعدين دوس على علامة الصح
• الرسالة هتتعدل لكن هيظهر جنبها كلمة (Edited)

الآيفون:

• اضغط على الرسالة ضغطة مطولة
• اختار (Edit) من القائمة اللي هتظهرلك
• اعمل التعديلات اللي عايزها وبعدين دوس على علامة الصح
• الرسالة هتتعدل لكن هيظهر جنبها كلمة (Edited)

لو من الكمبيوتر:

• اعمل (Click) يمين على الرسالة
• اختار (Edit) من القائمة اللي هتظهرلك
• اعمل التعديلات اللي عايزها ودوس على علامة الصح

 خطوات مسح حسابك على تليجرام

 الطريقة الأولى

• افتح الإعدادات setting واختار الخصوصية والحماية (Privacy and Security)
• اختار (Account Self Destruct) وهي خاصية الإلغاء التلقائي للحساب
• حدد المدة اللي هيتم إلغاء الحساب بعدها في حالة عدم استخدامك ليه

الطريقة التانية

• لازم تفتح الـ(Support Page) من خلال متصفح لأن مفيش خاصية الإلغاء في التطبيق
• دخل رقم تليفونك بالكود الدولي وبعدين (Next) وهيتم إرسال رسالة ليك فيها كود تفعيل
• دخل الكود في خيار الـ(Deactivation) في المتصفح
• اكتب سبب إلغاء الحساب وبعدين اختار (Delete My Account)
• اضغط على (Yes I am sure) وامسح التطبيق من الموبايل بعد ظهور رسالة تأكيد مسح الحساب
• لو الحساب عليه صور/ معلومات/ محادثة مهمة.. ادخل على التطبيق من الكمبيوتر
• افتح الإعدادات (Settings) وبعدين (Export Telegram Data)
• اختار (Export Chat History) وحدد نوع المحتوى اللي عايز تحفظه