المحتويات
تلميع الخشب من أهم خطوات التنظيف لأنه بيحافظ على مظهر الأثاث الخشبي سواء كان ترابيزات وقوايم الكنب والكراسي والسفرة، أو أثاث مكتبي، أو الأبواب، لكن بعض الأخطاء ممكن تأدي لخدشه وفقدان لونه، وهنقولك بعض النصايح قبل وأثناء تنظيفه وطرق مختلفة لتلميعه.
نصائح قبل تلميع الخشب
- ابعد أي أثاث خشبي عن مصادر المياه وأشعة الشمس
- تجنب استخدام المواد الكميائية في تنظيفه
- امسح الغبار والأتربة بفوطة ناعمة (ميكروفيبر) بشكل يومي
- استخدم فرشة أسنان لتنظيف الحفر والنقوش في الأسطح الخشبية من الأتربة
-
اتخلص من البقع باستخدام قكعة قطن أو قماش ناعم..واغمسها في مياه دافية ومحلول تنظيف الخشب
طرق مختلفة لتلميع الخشب بمواد طبيعية
بالزيت والليمون
- اخلط كوباية عصير ليمون مع كوباية زيت زيتون
- حط الخليط في زجاجة بخاخة ورش مقدار مناسب على الأثاث وامسحه كويس بقطعة قماش جافة
الخل والزيت
- الخليط ده بيساعد في التخلص من أي علامات على الخشب زي آثار الكوبايات أو تجريح الأشياء
- اخلط نص كوباية خل مع نص كوباية زيت زيتون
- حط الخليط في زجاجة بخاخة ورش مقدار مناسب على الأثاث وامسحه كويس بقطعة قماش جافة
تلميع الخشب بالفازلين
- استخدامه كملمع للخشب وخاصة عند إزالة بقع المياه وآثار الكوبايات
- استخدم كمية مناسبة على قطعة قطن أو قماش ناعم وامسح السطح الخشبي كويس
بالقهوة سريعة التحضير
- دوب معلقتين صغيرين من القهوة سريعة التحضير مع كوباية مياه
- اغمس قطعة قطن وامسح الأسطح
تلميع الخشب القشرة
- استخدم الزيوت الطبيعية زي زيت الخروع وزيت الزيتون عشان تحميه من التشقق
- ممكن تزود نقطتين خل عشان يعزز لمعانه
- استخدم الشاي الأحمر في تلميعه.. اغمس قطنة في كمية مناسبة من الشاي وامسح الأسطح
تلميع الأرضيات الباركيه
- استخدم مقشة ناعمة عشان تشيل أي تراب أول بأول لأن الغبار والرمل ممكن يسبب خدش للخشب
- استخدم منظف مخصص للباركيه مع قماشة صوف
- تجنب استخدام الكلور لأنه هيسبب تلفه وفقدان لمعانه
- اخلط معلقتين كبار خل مع مياه دافية واغمس القطن ولمع به الأرضيات
- ممكن تستبدل الخل بالشاي الأحمر
