المحتويات
Excel sheet أو شيت الإكسل بشكله الأساسي ممكن يبقى ممل لبعض الناس خصوصًا لو بيقدموا في عرض تقديمي أمام ناس كتيرة، أو بيجهزوا الشيت في أحسن شكل للعرض على مديرهم وبالتالي مهم تعرف طرق تقدر تغيّر بيها لون الشيت وتوسّع بيها خانة الإكسل وكمان تجمّد الصفوف والأعمدة لمنع أي تلاعب.
تغيير شكل ألوان شيت الـ Excel
تغيير لون خطوط الشبكة
- افتح ملف / File وبعدها اختيارات / Options
- عند خيارات متقدمة / Advanced ركز إن إظهار خطوط الشبكة/ Showing Gridline متفعّلة واللي موجودة عند خيارات عرض ورقة العمل هذه / Display options for this worksheet
- عندها هتلاقي ألوان كتير اختار منها اللون اللي محتاجه
تغيير لون الخلفية
- حدد الخلية اللي عايز تغيّر لونها أو اضغط على تحديد الكل / Select All
- افتح الصفحة الرئيسية / Home واضغط على السهم اللي جنب لون التعبئة/ Fill Color
- اختار اللون اللي عايزه سواء من ألوان النسق / Theme Color أو من الألوان القياسية / Standard Colors
توسيع خلايا الإكسل
- افتح الـ(Spreadsheet) واختار الـ(Column) من الأعلى
- لو أكتر من واحدة دوس على (Ctrl) ودوس عليهم في نفس الوقت
- اختار (Home) وبعدين (Format) واضغط على (Column Width)
- وحدد مقاس الوسع اللي عايزه وبعدين دوس (Ok)
- أو ممكن تحدد القائمة أو القوائم اللي عايز تغير مقاسها
- اضغط على الحد الأيمن للخانة واضغط على زرار الماوس الأيسر مع تحريك الحد الأيمن في اتجاه اليمين
تجميد الصفوف والأعمدة في الإكسل
تجميد العمود الأول
- اختار طريقة العرض/View ومنها تجميد الأجزاء/ Freeze Panes واختار تجميد العمود الأول/ Freeze first column
تجميد أول عمودين
- اعمل تحديد / Select على أول العمود التالت وبعدها اختار طريقة العرض/View ومنها تجميد الأجزاء/ Freeze Panes واختار منه تجميد الأجزاء/ Freeze Panes مرة تانية
تجميد الصفوف والأعمدة
- اختار أي خلية ودوس على تجميد الأجزاء/ Freeze Panes واختار منها تجميد الأجزاء/ Freeze Panes مرة تانية
لإلغاء تجميد الصفوف أو الأعمدة
- اختار عرض /View ومنها نافذة/ Window ودوس على إلغاء تجميد الأجزاء/ Unfreeze Panes
- افتكر إن تجميد الصفوف أو إلغاء تحميدها لازم تبقى قبلها فاتح الملف من داخل برنامج الإكسل
- لكن لو الشيت قدامك للعرض فقط مش هتقدر تعمل أي خطوة من الخطوات دي
