المحتويات
تشققات الكعوب هي ظهور جلد جاف وسميك ومشقق عند الكعب بسبب إهمال العناية بالقدمين، هنقولك على وصفات مختلفة لعلاجها والوقاية منها.
أسباب تشققات الكعوب
أسباب عادية
- الوقوف لمدة طويلة
- المشي حافي أو بصندل مفتوح معظم الوقت
- الاستحمام لمدة طويلة وبمياه ساخنة
- استخدام صابون أو غسول جسم قاسي مكوناته بتخلص الجسم من زيوته الطبيعية
- الأحذية مقاسها غير مناسب وغير مريحة عند الكعبين
- جفاف الجلد بسبب انخفاض درجة الحرارة أو الرطوبة المنخفضة
أسباب طبية
في حالات صحية كتير بتسبب تشقق الكعبين زي ارتفاع مستوى السكر في الدم وضعف نشاط الدورة الدموية، وأهم الحالات الصحية المسببة ليها هي:
- نقص الفيتامينات في الجسم
- الإصابة بالتهاب فطري
- خمول الغدة الدرقية
- الصدفية
- التهاب الجلد التأتبي
التخلص من تشققات الكعوب
طريقة الحجر الخفاف
- انقع رجلك في مياه دافية مع حجر خفاف لمدة 10 دقايق
- ادعك رجلك بالحجر بشكل دائري لإزالة الجلد الميت وبعدين رطبه بكريم جسم
- أو ممكن تحط بعدها جل صبار وتلبس شراب قطن طول الليل وتغسله الصبح بمياه فاترة
الشوفان
- اعمل معجون من كميات متساوية من الشوفان ومياه ورد أو حليب
- سيبه على رجلك نص ساعة وادعكها بفرشة القدم
- اغسلها بمياه باردة وحطي كريم ترطيب
ملح الإبسوم
- انقع رجلك في خليط من نص كوباية ملح الإبسوم ومياه لمدة 20 دقيقة
- ادعكها بالحجر أو فرشة القدم
- ممكن تستبدل ملح الإبسوم بنص الكمية من الملح العادي
الخل
- اخلط جزء من الخل الأبيض أو تفاح مع جزئين مياه وانقع رجلك فيهم 10 دقايق
- ادعكه بالحجر وحط بعدها فازلين أو زيت جوز هند لترطيب الجلد سريعا
الموز
- اهرس موزتين مستويين ووزعهم على قدمك كلها وسيبه 20 دقيقة وبعدين اغسلها بمياه
- ممكن تستخدم الطريقة دي بشكل دوري للوقاية من تشققات الكعوب
البيكنج صودا
- انقع القدمين في خليط من 3 معالق صغيرة بيكينج صودا مع مياه فاترة لمدة ربع ساعة
- وبعدين ادعكها بالحجر واغسلها ونشفها كويس
- كررها مرتين في الأسبوع
زيت جوز الهند
- انقع القدمين في خليط من المياه والصابون أو غسول الجسم 20 دقيقة
- نشفهم كويس وبعدين ادهنهم بزيت جوز الهند لأنه مضاد للبكتيريا والالتهاب
