المحتويات
تحليل PCR من أهم المقاييس اللي بتكشف عن الإصابة بفيروس كورونا واللي بيعتبر من أهم تحاليله وضروري إجرائه قبل الانتقال من دولة للتانية، بجانب إنه ضروري يتعمل لأي شخص ظهر عليه أعراض فيروس كورونا.
تعريف تحليل PCR
- هو تحليل بيختبر درجة المادة الوراثية للفيروس (polymerase chain reaction) عن طريقة تقنية اسمها تفاعل البوليميراز المتسلسل (polymerase chain reaction) واختصارها PCR
- بتساعد التقنية دي على استخراج نسخ كتير من عينة الحمض النووي بسرعة وبدقة
- بتستخرج عينة أو مسحة أنف بلعومية وبيتاخد السائل من مؤخرة الأنف وفي بعض الحالات بتستخرج العينة من الحلق (مسحة حلق بلعومية) أو حتى عن طريق البصق في أنبوب
- اكتشفها عالم الكيمياء الحيوية الأمريكي كاري موليس وفاز بجايزة نوبل سنة 1993
- في حوارات كتير أكد العالم (موليس) إن جزيء واحد من الحمض النووي ممكن من خلال إنتاج 100 مليار جزيء مماثل بنفس الطريقة
- بيشخص الـ PCR الأمراض الوراثية وبيتعمل من خلاله بصمات الحمض النووي وإثبات النسب
- العلماء بيستخدموه في دراسة المومياوات واستنساخ حمضهم النووي لدراسته
تحليل PCR وفيروس كورونا
- يستنسخ خبراء التحليل المواد الجينية في مسحة الأنف لملايين المرات عشان يقدروا يتعرّفوا على علامات فيروس كورونا
- الحمض النووي للفيروس صغير جدًا ومش سهل التعرّف عليه، وبالتالي استخلاص المواد الجينية واستنساخها لعدد كبير بيساعد على اكتشافه بسهولة
- علماء كتير بيصنفوه على إنه من أكتر الاختبارات دقة لكنه بيحتاج فريق مدرب على أعلى مستوى وبيحتاج وقت عشان يوصل لأدق نتيجة ممكنة
طريقة إجراء التحليل
- بيرفع الشخص اللي عايز يعمل اختبار PCR راسه وبيمسك الشخص التاني اللي هيعمل التحليل عود طويل في طرفه قطعة قطن صغيرة
- بيدخل الطرف في امتداد الجزء الخلفي من الحلق عشان يجمع عيّنة من المخاط
- بتختلف أنواعه سواء مسحة أنف طولية اللي بتزوّد فرص اكتشاف العدوى لأن عينة اللعاب أو البلغم بيبقى مصدرها الجهاز التنفسي السفلي واللي أوقات كتير مش بيكون وصل الفيروس له
- لكن عدوى كورونا في المراحل الأولى من العدوى بتتركز في الأنف والحلق خصوصًا مع أول 5 أيام
الوقت المثالي لإجراء التحليل
- دراسة في جامعة فاندربيلت الأمريكية بتقول إن أخطاء تحليل الـ PCR بترجع لأسباب كتير أهمها التوقيت
- أحيانًا بتبقى النتيجة سلبية رغم إصابة الشخص بالفيروس بسبب تفاعلات مناعية مع الفيروس بتختلف شدّتها على مدار اليوم
- بيصاب الشخص بالفيروس ولكن أحيانًا مش بيوصل لمكان استخراج العيّنة
- بيرجع الموضوع لمدى كثافة الحمل الفيروسي اللي بيزيد في آخر يومين قبل ظهور الأعراض
- بيختلف مستواه على مدار اليوم لكنه بيرتفع بعد الساعة 12 ظهرًا وبيقل في الفترة الصباحية وفي ساعات متأخرة من اليوم عند بعض الأشخاص
- بتنصح الدراسة بإجراء تحليل الـ PCR للحصول على أدق نتيجة
- الخبراء بيأكدوا إن الموضوع محتاج دراسات وأبحاث تانية عشان تأكد المعلومة أو تعممها على أغلب الحالات
تخفيف الألم قبل التحليل
- اعرف إن مدة الفحص مش أكتر من 30 ثانية
- علماء النفس بيأكدوا إن الاسترخاء أساسي قبل الفحص لتقليل الألم
- تمارين التنفس قبل الفحص هتساعدك تقلل التوتر وتحس بالراحة
- خد نفس عميق ببطء لمدة 5 ثواني وفرغه في نفس المدة وكرر التمرين 3 مرات
- افرد ضهرك على الكرسي وركز في أي صورة جميلة أو ذكرى حلوة في خيالك
- ريّح عضلات جسمك وابعد عن الأفكار السلبية أو أي ذكرى مؤلمة
- الأحسن تغمض عينك أثناء الفحص وبلاش تتفرج على صور أو فيديوهات للفحص قبل ما تعمله
- بلاش تستعين بأي مسكن أو نقط المعالجة لاحتقان الأنف قبل الفحص إلا بعد استشارة الطبيب
تحليل PCR والسفر
- تاريخ صلاحية التحليل لمدة 3 أيام فقط وبالتالي مهم تراعي المدة دي وقت السفر عشان تعمل التحليل قبلها بوقت معقول وفي نفس الوقت تلحق تستلمه في وقت مناسب وتعمل حساب أي تأخير في ظهور النتيجة
- وزارة الصحة المصرية أعلنت عن رابط معين على موقعها الإلكتروني تقدر من خلاله تحجز تحليل PCR عشان تعمله في إحدى المعامل المركزية التابعة للوزارة
- بتستلم النتيجة بعدها بـ 24 ساعة مختومة ومعتمدة بس لازم المسافر يروح بالباسبور أثناء إجراء التحليل
- عناوين المعامل المركزية موجودة كلها على الرابط اللي خصصته وزارة الصحة للحجز
أسعار تحليل PCR في مصر
- معامل كتير بتقدم خدمة تحليل PCR بأسعار متقاربة ومنها:
- البرج 2000 جنيه
- كايرو سكان 1900 جنيه
- رويال لاب 2000 جنيه
- كايرو لاب 1700 جنيه
- المعامل المركزية بتقدمها بسعر 1250 للمصريين و1680 للأجانب
تحاليل كورونا
- الـ PCR مش هو التحليل الوحيد اللي بيأكد الإصابة بفيروس كورونا لأن فيه تحاليل تانية زي الـ D-Dimer والفيريتين والـ CRP والـ CBC
