الحشيش تأثيره على الجسم لحظي وأضراره بتأثر على الصحة من أول مرة بيدخنه الإنسان، مش زي ما ناس كتير بتعتقد إن الخطورة في إدمانه فقط مش في تناوله ولو لمرة واحدة.
تعريف الحشيش
- الحشيش أو القنب الهندي هو نبات له مفعول مخدر وبيأثر بشكل كبير على الجسم وبيعتبر حسب تقارير كتير من أكتر أنواع المخدرات المستعملة في العالم
- بيستخلص من صمغ معين بينتجه نبات القنب (Resin) اللي بتحتوي علي بعض المواد المخدرة
- بيحتوي القنب على مواد كتير ولكن أشهرها رباعي هيدرو كانابينول (Delta-9-Tetrahydro-Cannabinol) أو THC
تأثير الحشيش على الجسم
- وقت تدخين الحشيش بتمر مادة الـ THC من الرئتين للدم وبتوصل للمخ وبتنتشر في كل أعضاء وخلايا الجسم
- بتشتغل المادة دي على بعض المستقبلات في المخ اللي بتتحفز بمواد كيميائية طبيعية بيفرزها الجسم مشابهة لمادة الـ THC
- بتنشط المادة دي أكبر قدر ممكن من المستقبلات الموجودة في المخ وبتزيد مشاعر النشوة عند الأشخاص
- وبيحتاجها الجسم طول الوقت خصوصًا لما بيستقبلها مركّزة وبكميات عالية بتزوّد إحساس المتعة والإنسجام وبتتحول للإدمان
- بتظهر بعض الأعراض زي:
- تغيرات في الحواس
- تقلبات مزاجية حادة
- عدم الإحساس بالوقت
- الهلوسة (سواء رؤية أو سماع أشياء غير حقيقية) وضعف شديد في الذاكرة
- مشاكل في التنفس وزيادة ضربات القلب
- الإحساس بالغثيان والقيء وتفاقم الأعراض النفسية زي اضطراب الفصام
- بتزوّد فرص القلق والاكتئاب والأفكار الانتحارية
- بيقلل أداء الشخص الأكاديمي لو بيدرس وبيفقد تركيزه في شغله وبالتالي بيقل الرضا عن الحياة عمومًا
- بيضعف أداء الشخص الجنسي لأنه بيعطل عمل الغدد اللي بتفرز الهرمونات الجنسية وبالتالي أحيانًا بيسبب ضعف في الشهوة الجنسية
- بيأثر على كفاءة عمل المخ وبيضعف الروابط العصبية اللي بتربط بين خلاياه
أعراض إدمان الحشيش
- لمدة قصيرة:
- الإرهاق الشديد والنوم لساعات طويلة
- زيادة الوزن وانفتاح الشهية مع زيادة اضطرابات المعدة
- الميل للكسل ونمط الحياة الخامل مع ارتفاع فرص ممارسة السلوك العدواني
- ولكن أعراض إدمانه لمدة طويلة بتظهر في بعض الأعراض زي:
- ضعف المناعة وكثرة الإصابة بالفيروسات زيادة فرص الإصابة بالالتهاب الرئوي
- بطء الإدراك وعدم تقدير الزمن بشكل صحيح
- الدخول في نوبات غضب واكتئاب مستمرة على مدار فترات طويلة
- بجانب إنه بيظهر في تحليل المخدرات إذا كان الشخص بيتعاطى الحشيش ولا لأ
علاج إدمان الحشيش
- الخبراء بيأكدوا إن المفاهيم المغلوطة إن الحشيش مادة طبيعية أو إن تأثيره مش نفس تأثير المخدرات هي الأساس في تفاقم الأعراض والتعرض لإدمان أنواع المخدرات الأخرى
- مدة الانسحاب في حدود 14 يوم، وأغلب الدراسات بتقول إن تأثير المادة الكيميائية THC بتفضل موجودة 40 يوم في المخ
- عوامل كتير بتأثر في سرعة العلاج زي المدة الفاصلة بين مرات التعاطي وعدد الشهور اللي تناول فيها الشخص الحشيش وطريقة التعاطي والوضع الصحي للمدمن اللي بيحاول يتخطى إدمانه
- الموضوع بيعتمد على طرق مختلفة في علاجه ولكنه في الأساس معتمد على اختيار طاقم طبي متخصص وواعي لطريقة التعامل الصحيحة مع الشخص
- بجانب إنه قرار رئيسي لازم يكون نابع من الشخص نفسه من من عائلته
- بيتدخل الأطباء في مرحلة التدخل والمتابعة من خلال جلسات مع المدمن وعائلته لفهم الدوافع النفسية اللي شجعته على الإدمان
- بعدها بيدخل المدمن المتعافي على مرحلة العلاج اللي بيتم فيها محاولة تقليل أعراض الانسحاب اللي بتظهر زي:
- الاكتئاب
- الكسل والخمول
- الرغبة في النوم
- العصبية
- فقدان الشهية
- البرد
- الغثيان
- بجانب العلاج السلوكي المعرفي اللي بيعتمد على محاولة تأهيل المتعافي للحياة مرة تانية بدون تناول الحشيش
- ومنعه من الانتكاس مرة تانية والعودة لحياته الطبيعية لتعويض أي خسارة واجهها في حياته
