المحتويات
بيبون بلس هو مكمل غذائي بيساعد على تخفيف التهابات البروستاتا وبيقلل تضخم البروستاتا الحميد، وبيعالج بعض أمراض الغدد وبيشتغل كمسكن لآلام الأسنان والرأس، وليه وظايف تانية كتير منها تقوية المناعة، وبيستخلص من زيت بذرة القرع اللي ليها فوايد كتير بسبب مركبات فيتوسترولس اللي فيها.
مكونات الدواء
- زيت بذرة القرع (300 مجم)
- معايرة إلى ( 35 %- 68 % حمض لينوليك)
- الخلاصة الدهنية الاستيروليكية ساو بالميتو 88 مجم
- معايرة إلى ما لا يقل عن 23 % من حمض لوريك
- سلفات الزنك الأحادية (14، 41 مجم)
- ما يكافيء 15 مجم زنك
الشكل الدوائي
- كبسولات جيلاتينية رخوة
دواعي الاستعمال
- تخفيف تضخم البروستاتا الحميد والتهابات البروستاتا
- تحسين حالة البروستاتا وبيقوي الانتصاب وبيآخر سرعة القذف
- تطهير المثانة البولية وبيعتبر مدر للبول
- علاج بعض حالات سلس البول عند النساء
- مقاومة احتقان البروستاتا
- تقوية المناعة وتجديد الخلايا في الجسم
- حماية الجسم من اضطرابات المعدة زي الإمساك
- تخفيف نسبة الكوليسترول الضار في الجسم
- بيساعد على تفتيت حصوات الكلى
- بيخفف آلام الأسنان والرأس وبيطول الشعر
- بيقلل أعراض الرشح والسعال والربو
- بيحمي من الأزمات القلبية وبيقوي العظام
الجرعة
- كبسولة مرة واحدة يوميًا
- الأحسن تستشير طبيب متخصص قبلها عشان تاخد الجرعة المناسبة حسب نوعك وسنّك وظروفك الصحية
الأعراض الجانبية
- بعض مشاكل الجهاز الهضمي زي الغثيان والإسهال
- الإحساس بالدوار
- الحكة
- ضبابية الرؤية
- طعم مر في الفم
- جفاف الحلق
الحمل والرضاعة
ممنوع استخدامه للحوامل والمرضعات لأن تأثيره ضار عليهم وممكن يسبب تشوهات للجنين عند الحوامل أو يسبب مشاكل صحية للطفل الرضيع لو وصله جزء من الدواء عن طريق لبن الأم
التداخلات الدوائية بيبون بلس
- لازم يتم مراعاة أدوية الهرمونات والمستحضرات الأدرينالية وقت الاستخدام المزمن مع بيبون بلس، لأن مادة ساوبالميتو ليها تأثير مضاد لهرمونات الأندروجين والأستروجين وللمستحضرات الأدرينالية
- الدراسات بتأكد إنه بيتفاعل مع أدوية منع الحمل وبيقلل فاعليتها
- بيسبب ضرر على الصحة لو بتاخد معاه مكملات زنك لأنه بيحتوي على نسبة كافية للزنك مفيدة للجسم، لكن الإفراط في الزنك ممكن يسبب قيء وغثيان ومشاكل في الجهاز الهضمي، وضعف حاسة التذوق
- مكملات الزنك زي يتازنك (vitazinc)، وسولفازنك (Solvazinc )، واكتوزنك ( Octozinc)، وسولفازنك (Solvazinc)
تحذيرات بيبون بلس
- في حالة احتباس البول وظهور دم فيه لازم تستشير طبيب متخصص فورًا
- بيستخدم بيبون بلس كعلاج مكمل لحالات التهاب البروستاتا مش علاج رئيسي ليها
- ممنوع استخدامه للسيدات المصابات بتورّم في الثدي
- بلاش تستخدمه لمدة أكتر من 3 شهور متّصلين
- لازم تتناوله بعد استشارة طبيب متخصص
سعر دواء بيبون بلس
العلبة بتحتوي على شريطين فيهم 30 كبسولة سعرها 67 جنيه
بدايل بيبون بلس
بروست ايد (Prost Ade)
روستـاك (Rostac)
تامسولين (Tamsulosin)
