بذر الكتان: فوائده للصحة والشعر وطرق استخدامه

بذر الكتان ليه فوائد صحية متعددة لأنه غني بالعناصر الغذائية والأحماض الدهنية، وغني بالبروتين وبيساعد على التحكم في مستوى السكر في الدم، ومفيد للشعر خاصة الشعر الكيرلي.

العناصر الغذائية لبذر الكتان

كل معلقة كبيرة من النوع المطحون (7 جم) فيها:

• 37 سعر حراري
• 1.3 جم بروتين
• 2 جم كربوهيدرات
• 1.9 جم ألياف
• 3 جم دهون
• 0.3 جم دهون مشبعة
• 1579 مجم من أوميجا 3
• 8% من احتياجك اليومي من فيتامين ب1
• 2% من احتياجك اليومي من فيتامين ب6 وحمض الفوليك والكالسيوم والحديد
• 7% من احتياجك اليومي من الماغنيسيوم
• 4% من احتياجك اليومي من الفوسفور
• 2% من احتياجك اليومي من البوتاسيوم

بذر الكتان كمصدر لأوميجا 3

• غني بنوع من الأحماض الدهنية اسمه (Alpa Linolenic Acid) اللي الجسم لا ينتجه وبالتالي مهم تاخده من الأكل
• التجارب على الحيوانات أثبتت دوره في الوقاية من تراكم الكوليسترول في الأوعية الدموية وقلل الالتهاب في الشرايين وساعد على إبطاء نمو الأورام
• دراسة أثبتت إن الانتظام عليه بيقلل خطر الإصابة بالأزمة القلبية وأمراض القلب

بذر الكتان عنصر غني بالـ(Lignans)

• هي مركبات نباتية ليها خصائص الاستروجين ومضادة للأكسدة، وبالتالي بتساعد على الوقاية من السرطان وبتحسن الصحة العامة
• بذر الكتان فيه (Lignans) 800 مرة أكتر من أي طعام تاني
• دراسة كندية أثبتت إن السيدات اللي انتظمت على أكله عندهم فرص أقل للإصابة بسرطان الثدي

مصدر غني بالألياف

• كل معلقة كبيرة منه فيها 3 جم من الألياف وهو 8-12% من احتياجك اليومي منها للسيدات والرجال
• غنية بنوعين من الألياف: القابلة للذوبان (20-40%) وغير القابلة للذوبان (60-80%)
• الألياف مفيدة لأنها بتسهل دخول الحمام وبتحسن حركة الأمعاء، ده غير إنها بتبطأ عملية الهضم وبتطول فترة الشبع وده بيساعد على التحكم في مستوى السكر في الدم وتقليل الكوليسترول

بذر الكتان لتقليل الكوليسترول

• تجربة على الأشخاص أثبتت إن تناول 3 معالق كبار (30 جم) منه لمدة 3 شهور قللت الكوليسترول بحوالي 17% والكوليسترول الضار بحوالي 20%
• تجربة تانية على أشخاص مصابة بداء السكري إن تناول معلقة كبيرة منه (10 جم) لمدة شهر زودت الكوليسترول الجيد بحوالي 12%

بذر الكتان لخفض ضغط الدم

دراسات كتير أثبتت إن الانتظام عليه- مع تناول الأدوية المخصصة لخفض ضغط الدم- ساعد على خفضه والتحكم فيه بنسبة أكبر وبالتالي الوقاية من أمراض خطيرة زي السكتة الدماغية وأمراض القلب

مصدر غني بالبروتين

• البروتين اللي فيه نباتي، ده غير إنه غني بالأحماض الأمينية وحمض الأسبارتيك وحمض الجلوتاميك
• الأحماض دي ليها دور في تنشيط الذاكرة وتحسين الأداء العقلي وزيادة القدرة على التعلم والإدراك

بذر الكتان للتحكم في مستوى السكر في الدم

• بعض الدراسات أثبتت إن الأشخاص المصابة بداء السكري 2 اللي بيضيفوا من 10-20 جم من بذر الكتان المطحون لنظامهم الغذائي اليومي لمدة شهر قل عندهم مستوى السكر في الدم بحوالي 8-20%
• لأنه غني بالألياف غير القابلة للذوبان اللي بتبطأ إفراز السكر في الدم وبتقلل مستوى السكر فيه
• بيساعد على الشبع لفترات طويلة
• بما إنه غني بالألياف والبروتين فهو بيساعد على سد الشهية وتطويل فترة الشبع وبالتالي إنقاص الوزن

طرق استخدم بذر الكتان

ممكن تضيفه سليم أو مطحون لأكلات مختلفة زي:

• أول كوب مياه في المياه
• استخدم زيت بذر الكتان كمكون من دريسنج السلطة
• ضيفه للفطار زي البيض أو الشوفان أو الزبادي
• ممكن تضيف للمخبوزات زي الخبز الصحي أو الكيك أو المافن
• إضافته للعصاير أو السموذي هيمدك بالطاقة
• ممكن تضيفه لكرات اللحم أو البرجر

نصائح تناوله

• النوع المطحون أسهل في الهضم عن الحبوب السليمة.. اطحنه في البيت
• زيت بذر الكتان سهل يتأثر بالعوامل الخارجية وبالتالي الأفضل يكون في زجاجة محكمة وغامقة واحتفظ بيه في مكان مظلم وجاف وبارد
• ممكن تستخدم الزيت مع السلطات أو مع تشويح الأكل الخفيف على نار هادية ولمدة بسيطة للحفاظ على عناصره الغذائية
• الكمية اليومية المناسبة منه هي من 1-2 معلقة كبيرة (10-20 جم) وتجنب تخطيها لـ5 معالق كبار (50 جم) يوميا
• أفضل مكان لتخزينه هو الفريزر عشان تحافظ على عناصره الغذائية وخزنه سليم غير مطحون عشان القشرة البني الخارجية بتحافظ عليه

فوائد بذر الكتان للبشرة والشعر

• بيحافظ على قوة ولمعان الشعر وبيساعد في علاج تساقطه
• غني بالأحماض الدهنية الضرورية لصحة الشعر وبالتالي بيساعد على مقاومة التلف
• بيحافظ على شكل خصل الشعر وبيثبتها خاصة لو الشعر كيرلي أو مموج
• بيساعد في الحفاظ على شكر البشرة النضر وبيقلل جفافها
• زبت بذر الكتان مناسب لماسك الشعر أو لاستخدامه على البشرة لأن فيه تركيز عالي من العناصر الغذائية
• بيساعد في توازن درجة حموضة فروة الرأس وبيمنع القشرة وبيقلل إفراز الزيوت بكميات كبيرة في الشعر الدهني
• لو شعرك جاف.. امزج مستخلص بذور الكتان مع زيوت طبيعية زي الخروع/ الزيتون/ جوزالهند/اللوز لأنه هيساعد في ترطيبه ولمعانه

طريقة عمل جل بذر الكتان للشعر الكيرلي

• اغلي ½ كوباية بذور الكتان في كوبايتين مياه على نار متوسطة لحد ما تلاحظ لزوجة المياه
• صفي الجل بشاشة واحفظه في برطمان محكم الغلق واحتفظ به لمدة اسبوعين في التلاجة