المحتويات
اعراض دلتا بلس مشابهة لأعراض متحور دلتا والاتنين من متحورات فيروس كورونا المستجد وبعض الخبراء بيأكدوا إنهم أسرع انتشارًا من فيروس كورونا المستجد في شكله الأول وبيزيد خطر انتشارهم في المجتمعات اللي مش متداول فيها التطعيم بشكل أساسي
بداية ظهور سلالة دلتا
- الاسم العلمي لسلالة دلتا هو (B.1.167.2)
- بداية الانتشار كانت في الهند ومن بعدها وصلت دلتا لـ 90 دولة اكتشفت حالات إصابة على أراضيها خلال فترة قصيرة قبل انتشاره في أغلب دول العالم
- ارتفعت حالات الإصابة بيها في روسيا وإنجلترا والولايات المتحدة والدول الإسكندنافية وأغلب الدول الأفريقية
- بعض الإحصائيات بتقول إن جزء مش قليل من المصابين تلقوا في وقت سابق جرعتين التطعيم ضد كورونا
- صحيفة وول ستريت الأمريكية بتقول إن نصف المصابين اللي توفوا بسبب سلالة دلتا المتحورة في إنجلترا تلقوا جرعتين التطعيم ضد كورونا في وقت سابق
- رغم كده خبراء في جامعة كاليفورنيا سان فرانسيسكو بيقولوا إن أغلب لقاحات كورونا ليها فاعلية ضد سلالة دلتا
- (أسترازينيكا-أكسفورد) بيوفر حماية بنسبة 92%
- (فايزر-بيونتك) فعّال بنسبة 34% فقط بعد الجرعة الأولى وبنسبة 84% بعد الجرعة التانية
- (جونسون آند جونسون) بيقاوم المتحور دلتا بنسبة 60%
- الخبراء بيقولوا إنه أخطر وأسرع انتشارًا من فيروس كورونا المستجد الأصلي بنسبة 60%
- شدة المرض وتفاقم الأعراض بتوصل لأكتر من 50% عن فيروس كورونا الأصلي أحيانًا
السبب العلمي لمتحور دلتا
- طفرة دلتا موجودة في البروتين الشائك (Spike) لفيروس كورونا اللي بيقدر يدخل جسم الإنسان بسرعة ويصيب الخلية البشرية بالفيروس اللي بيسبب خلل فيها
- الفرق الرئيسي بين دلتا ودلتا بلس هو تغير بسيط في التركيبة الجينية لأن دلتا بلس هو اللي بيجمع كل الصفات الوراثية لمتغيرات دلتا المنتشرة في العالم كله
- الخبراء بيأكدوا إن أعراض دلتا ودلتا بلس متشابهة بشكل كبير
اعراض دلتا بلس ودلتا
دلتا بلس
- ألم شديد في البطن
- ضيق التنفس
- الإجهاد والتعب الشديد
- الحمى وارتفاع درجة الحرارة
- السعال الجاف
متحور دلتا
- سيلان الأنف
- العطس
- التهاب الحلق
- الصداع
- العطس
- فقدان حاسة الشم والتذوق
- ألم البطن
- الإسهال
- الغثيان
- الحمى وارتفاع درجة الحرارة
طرق الوقاية
- تلقي التطعيم في أسرع وقت ممكن
- الالتزام بالتباعد الاجتماعي وارتداء الكمامات في الأماكن العامة
- تناول أطعمة ومشروبات بتقوي المناعة
