خدمات
بدائل تسجيل رقم الموبايل على موقع دعم مصر لتفعيل بطاقة التموين
إزاي تعرف بدائل موقع دعم مصر لتفعيل بطاقة التموين؟
المحتويات
تسجيل رقم الموبايل على موقع دعم مصر الآن خطوة أساسية لإعادة تفعيل بطاقة التموين بخطوات سهلة وبسيطة من البيت أو من أي مكان بدون الحاجة لزيارة مكتب التموين، ولكن في ظل تعطّل موقع دعم مصر بعض البدائل هتسهْل عليك تسجيل رقم الموبايل حتى عودة موقع دعم مصر للعمل مرة تانية.
تفعيل بطاقة التموين عن طريق الموبايل
- ابعت رسالة فيها 12 رقم مكتوبين على بطاقة التموين على رقم 9136
- بترد عليك وزارة التموين برسالة فيها الرقم السري كخطوة أولى لتفعيل البيانات
- بعد الضغط على الرابط اللي هيوصلّك هتظهر شاشة جديدة بتطلب منّك إدخال الرقم القومي للشخص صاحب البطاقة
- اضغط بعدها على التالي عشان تظهر رسالة تأكيد بإرسال كود التفعيل اللي وصلّك في البداية على الموبايل خلال مدة زمنية محددة
- بعدها هيتخصم جنيه مقابل الدعم المقدم مع أول صرف للبطاقة
تفعيل البطاقة التموينية عن طريق موقع دعم مصر
- هتعطل خدمة تسجيل رقم الموبايل على موقع دعم مصر الآن لأن وزارة التموين بتقول إن الموقع بتتم فيه بعض الإصلاحات
- ادخل على رابط الموقع بعد عودته مرة تانية واختار موافق على أول رسالة هتظهرلك
- اضغط على خدمات المواطنين التموينية واختار منها تفعيل البطاقة واستلام الرقم السري
- سجل البيانات المطلوبة ورقم البطاقة التموينية المكوّن من 12 رقم
- بعدها هتظهر شاشة جديدة بتطلب منّك كتابة الرقم القومي لأحد المستفيدين من البطاقة (مش شرط صاحب البطاقة نفسه)
- وبعدها اكتب في رقم موبايلك في نافذة جديدة هتظهرلك وبعدها اكتب الكود اللي استلمته واحرص على عدم تجاوز الوقت الزمني المحدد
- بيقدم الموقع خدمات تانية زي إصدار بدل فاقد أو تالف لبطاقة التموين وإصدار بطاقة فصل اجتماعي والنقل من محافظة للتانية
- بيقدم الموقع خدمات تانية زي إعادة إرسال الرقم السري أكتر من مرة والاستعلام عن أقرب مكتب تموين بجانب تلقي شكاوى المواطنين
التأكد من تفعيل بطاقة التموين
- افتح الرابط واختار تفعيل بطاقة التموين وبعدها ابدأ الخدمة (وبعدها اختار موافقة على الشروط والأحكام)
- بعدها هتظهر رسالة بإتمام تفعيل البطاقة ولو فيه مشكلة هتظهرلك في نافذة جديدة
