المحتويات
الباتون ساليه من المعجنات الفرنسية اللي بتتقدم كسناك أو وجبة خفيفة، وهي عبارة عن أصابع طويلة مالحة، شبه البقسماط في المطبخ المصري، ممكن تاكلها مع الشاي أو مع الجبن الكريمي، وله نكهات مختلفة من خلال إضافة الجبنة المبشورة أو الكمون أو الزعتر أو السمسم
طريقة عمل الباتون ساليه
المكونات
- 3 كوبايات دقيق
- تلت أربع كوباية مياه دافية
- معلقة كبيرة سكر
- تلت أربع كوباية زبدة
- معلقة كبيرة خميرة فورية
- ربع كوباية لبن
- نص معلقة صغيرة فانيليا
- بيضة
- معلقة كبيرة كمون حب
الطريقة
- اخلط الدقيق والخميرة والسكر والملح والكمون والزبدة
- ضيف المياه بالتدريج مع التقليب
- كمل تقليب لحد ما المكونات تتماسك وتبقى عجينة
- غطي العجينة وسيبها تتخمر لمدة ساعة
- شكل العجينة لكرات صغيرة وبعد كدة لأصابع
- اخفق البيض مع الفانيليا واللبن وادهن العجينة
- رش كمية إضافية من السمسم على الوجه ودخله الفرن لمدة 20 دقيقة لحد ما يحمر
طريقة عمل الباتون ساليه بالزعتر
المكونات
- كوباية دقيق
- نص معلقة كبيرة خميرة فورية
- ربع معلقة صغيرة ملح
- نص كوباية مياه دافية
- معلقة كبيرة زعتر
- نص معلقة كبيرة سكر
- معلقة كبيرة زبدة
- بيض
- معلقتين كبار لبن
الطريقة
- اخلط الخميرة مع السكر والمياه وسيبه يتفاعل لمدة 5 دقايق
- امزج الدقيق مع الملح والزعتر وضيف خليط الخميرة للدقيق واعجن في العجان الكهربائي على سرعة متوسطة
- ضيف الزبدة كمل عجن لحد ما تبقى عجينة متماسكة
- غطي العجينة وسيبها تتخمر لمدة ساعة
- شكل العجينة لكرات صغيرة وبعد كدة لأصابع
- اخفق البيض مع واللبن ورشة فلفل أسود وادهن به الباتون ساليه
- دخله الفرن لمدة 15 دقيقة لحد ما يحمر
طريقة عمل الباتون ساليه بالشيدر
المكونات
- 3 كوبايات دقيق
- نص كوباية زبدة
- بيضتين
- معلقة كبيرة زيت
- معلقة كبيرة لبن دافي
- نص كوباية جبنة شيدر مبشورة
- معلقة صغيرة سكر
- ربع كوباية جبنة بارميزان
- معلقة كبيرة خميرة فورية
الطريقة
- اخلط الخميرة مع اللبن والسكر وسيبها تتكاثف لمدة 5 دقايق
- اخلط الدقيق مع الملح والزبدة وافركها بإيدك لحد ما تتداخل المكونات
- ضيف الجبنة الشيدر وخليط الخميرة
- اخفق البيض مع الزيت وضيفهم على باقي المكونات
- قلب كويس لحد ما يبقى عندك عجينة متماسكة
- سيب العجينة تتخمر لمدة ساعة
- شكل العجينة لكرات صغيرة وبعد كدة لأصابع
- اخفق البيض مع اللبن ورشة فلفل أسود وادهن العجينة
- رش الجبنة البارميزان على الوجه ودخله الفرن لمدة 15 دقيقة لحد ما يحمر
