امتحان الـ ielts: أسعاره وأماكن الاختبار وكيفية الاستعداد له

ielts هي كلمة اختصار لجملة (International English Language Testing System) وبيعتبر من الامتحانات المطلوبة في جامعات مختلفة خصوصًا الجامعات البريطانية والأوروبية عمومًا، وبالتالي مهم تعرف أسعار الاختبار وأماكن إجرائه في مصر بجانب خطوات الاستعداد له.

أهمية امتحان الـ ielts

• هو امتحان معتمد لتقييم اللغة الإنجلزية لغير الناطقين بها
• شرط أساسي للراغبين في الدراسة في معظم الجامعات في بريطانيا وأستراليا وكندا وبعض جامعات الولايات المتحدة
• من أهم شروط الهجرة والعمل في البلاد دي

أماكن اختبار الـ ielts التابعة للمركز الثقافي البريطاني في مصر 

• تقدر تحجز لإجراء الاختبار من خلال الرابط ده 

القاهرة

• المركز الثقافي البريطاني، 192 شارع النيل، العجوزة
• فندق بيراميزا، أبراج وكازينو فندق شيراتون القاهرة وفندق السفير في شارع المساحة بالدقي وفندق سونستا في شارع الطيران، متفرع من صلاح سالم
• الكلية الكندية الدولية بالتجمع الخامس – القاهرة الجديدة

الإسكندرية 

• فندق هيلتون جرين بلازا، طريق 14 مايو في سموحة وفندق فور سيزنز في 399 طريق الجيش

طنطا

• جامعة طنطا، شارع عثمان محمد، المبنى القديم لكلية الآداب، مركز اللغات

الأقصر

• فندق ايبر أوتيل، شارع خالد بن الوليد

المنصورة

• مدرسة المنصورة الدولية، طريق دمياط

بورسعيد (منطقة القناة)

• مدرسة بورسعيد الدولية، شارع محمد علي، منطقة الجولف

الأماكن التابعة لـ idp  لاختبار الـ ielts 

• idp هي مؤسسة تعليمية معتمدة لإجراء اختبار الـ ielts في مصر
• ممكن تلاقي تفاصيل أكتر عن المؤسسة في الرابط ده 

القاهرة 

• مركز ريتش أوت أكاديمي في الدقي في 17 شارع بولس حنا بالدقي
• جامعة إسلكسا مصر في الكيلو 22 طريق القاهرة الإسكندرية الصحراوي
• الجامعة الأمريكية بالقاهرة – التجمع الخامس- داخل كلية التعليم المستمر البوابة رقم 1
• مركز idb ielts في الشيخ زايد plaza 34 الدور التاني قسم الماكتب
• جامعة المستقبل بالقاهرة الجديدة نهاية شارع التسعين الشمالي
• مركز ريال أكاديمي في القاهرة الجديدة في تريفيوم بزنس كومبلكس في شارع التسعين الشمالي
• الجامعة الأمريكية بالقاهرة – التحرير- في 24 شارع الفلكي من شارع محمد محمود داخل كلية التعليم المستمر

المنيا 

• مركز اختبار جامعة دراية في قطعة رقم 3 أرض الجامعات في المنيا الجديدة

بني سويف

• مركز اختبار جامعة النهضة في كورنيش النيل في مدينة بني سويف الجديدة

الإسكندرية 

• الأكاديمية العربية للعلوم والتكنولوجيا والنقل البحري في شارع جمال عبد الناصر
• مركز اختبار فندق هيلتون الإسكندرية
• مقر idb في الإسكندرية في 20 شارع محمود الديب برج الخليج – مبنى الصباح-  زيزينيا الدور الـ 11

طنطا 

• مركز اختبار جامعة طنطا في مركز الحساب العلمي داخل كلية التجارة جامعة طنطا

أسعار الامتحان

• رسوم الامتحان التابع للمركز الثقافي البريطاني قيمتها 2600 جنيه بجانب بعض المصاريف الإضافية زي:
• نموذج إضافي لتقرير نتائج الامتحان 100 جنيه
• إعادة التصحيح 1200 جنيه
• تغيير معاد الامتحان بعد حجزه 100 جنيه
• أما في مركز idp فسعر الاختبار 3680 جنيه أما لو لظروف الهجرة بسعر الاختبار 4060 جنيه

نصائح لمذاكرة الامتحان

• اتعامل مع استعدادك كأنه وظيفة جانبية جنب دراستك أو وظيفتك الأساسية  
•  افهم شكل الأسئلة عشان تستعد صح لكل جزء من الاختبار 
• لأنه بيحتوي على 4 أنواع من الأسئلة وهي (الاستماع والقراءة والكتابة والمحادثة) سواء كان أكاديمي أو عام
• خصص ساعتين يوميًا للمذاكرة على مدار 4 شهور
• اعرف إن الموضوع أساسه تنمية مهاراتك في اللغة والخبرة في حل الأسئلة
• استشير شخص تعرفه امتحن قبلك عشان تفهم منه طريقة المذاكرة وطبيعة الامتحان
• ركّز كل مجهودك في الشهر الأول على تنمية مهاراتك اللغوية مهما كانت قوية
• اقرأ كتب في مجالات مختلفة واتفرج يوميًا على أفلام ناطقة بالإنجليزية
• قسّم وقتك على تنمية المهارات الأربعة الأساسية
• في الشهر التاني خصص أسبوع كامل لكل مهارة منهم  وقسّم الوقت بين تطوير المهارة وبين حل أسئلة تأكد بيها فهمك
• كرر الموضوع في الشهر التالت واجمع في يوم أو اتنين كل أسبوع بين أكتر من مهارة
• ركز أكتر على حل الامتحانات الكاملة في آخر شهرين وحل امتحان واحد على الأقل في الأسبوع
• تطبيقات كتير هتساعدك تحل أسئلة مشابهة عشان تدرب نفسك على الحل سواء على الآيفون أو الأندرويد