صحة نفسية
الوسواس القهري (OCD): أعراضه وأسبابه ومضاعفاته وطرق العلاج
إزاي تعرف إنك مصاب بالوسواس القهري؟
المحتويات
الوسواس القهري (OCD) هو اضطراب بيسبب نمط من الأفكار والمخاوف غير المرغوب فيها، بتدفعك لعمل سلوكيات تكرارية بشكل إجباري، وتعيق الوسواس دي الأنشطة اليومية وبتسبب الشعور بالضيق والإحباط لعدم القدرة على مقاومتها.
هو نوع من أنواع الاضطرابات المرتبطة بالقلق (Anxiety)، والشخص المصاب بيكون واعي إن تصرفاته أو مخاوفه غير منطقية ومحاولة تجاهلها أو تغييرها بتسبب إحباطه.
التصرفات دي ممكن تاخد طابع الطقوس أو العادات اللي الشخص بيلجأ ليها بشكل متكرر عشان يحس بالأمان زي لبس شراب معين اعتقادا إنه بيجلب الحظ السعيد.
أنواع الوسواس القهري
تتضمن أعراضه شكلين من الأفكار وهم:
- الأفكار الوسواسية: أفكار ووساوس غير منطقية بتأثر سلبا على حياتك وبتصعب تركيزك معظم الوقت
- الأعراض القهرية: تصرفات متكررة بتحس إنك مجبر تعملها بشكل معين نتيجة لدوافع داخلية للتخفيف من مشاعر القلق اللي بتحس بيها
الاضطراب بيظهر في شكل أعراض مختلفة، ولا يوجد تصنيف محدد لأنواعه ولكن الباحثين رجحوا الأشخاص المصابة بيمروا بـ4 أنواع أساسية من الأعراض وهي:
- التنضيف والتعقيم
- الترتيب وتماثل الأشياء
- أفكار ممنوعة أو محظورة
- الاحتفاظ بالأشياء والخوف من التخلص منها مهما كانت بسيطة استجابة للأفكار الوسواسية داخل الشخص
أعراض الوسواس القهري (OCD)
هي أفكار قهرية ومهما حاولت تتجاهلها بترجع لك تاني، وبتختلف من شخص للتاني وبتستمر لساعة متواصلة أو أكتر
التنضيف والتعقيم
النوع ده من الأعراض يتضمن:
- القلق المزمن من الجراثيم والأتربة والمرض
- الأفكار عن الشعور بالاتساخ جسديا ونفسيا
- الخوف المستمر من التعرض للفيروسات أو المواد السامة أو الدم أو أي مسبب للعدوى
- تجنب مصادر محتملة للعدوى زي الحمامات العامة
- الأفكار القهرية للتخلص من الأشياء اللي معتقد إنها متسخة حتى لو كانت نضيفة
- الرغبة في تنضيف أو تعقيم الأشياء النضيفة
- طقوس تنضيف أو غسل محددة زي غسل الإيد أو الوجه عدد مرات معين
- الامتناع عن أوضاع مقلقة زي التصافح بالإيد أو القبلة
- ظهور التهابات في الجلد نتيجة لغسل الإيد أو الاستحمام المتكرر
الترتيب وتماثل الأشياء
النوع ده من الأعراض يتضمن:
- الرغبة الملحة لترتيب الأشياء بشكل معين
- الاحتياج الشديد لترتيب الأشياء بشكل مماثل
- التماثل في التصرفات، فمثلا لو حركت إيدك اليمنى لازم تحرك إيدك اليسرى
- الأفكار القهرية للاستمرار في ترتيب شيء أو مكان معين لحد ما تحس بالارتياح
- الشعور بالانزعاج لو الأشياء غير متماثلة
- الرغبة في التأكد الدائم زي العودة للتأكد من قفل الباب بالشكل الصحيح عدة مرات
- طقوس متعلقة بالعد، فمثلا بتعد لرقم معين أو عدد مرات معينة أثناء عمل شيء زي صعود السلم
- التفكير الخيالي، زي إنك تفكر إن شيء هيحصل في حالة عدم ترتيبك للأشياء بالشكل المثالي
- طقوس ترتيب معينة لا تقبل غيرها
الأفكار الممنوعة
النوع ده بيتضمن:
- الأفكار المتكررة اللي عادة بتكون جنسية أو عنيفة
- شعور الندم والخجل تجاه أفكارك
- التساؤل المستمر عن ميولك ورغباتك الجنسية
- القلق المستمر عن طريقة تصرفك تجاه أفكارك أو لو التفكير فيها معناه إنك شخص سيء
- الخوف المستمر من إنك ممكن تأذي نفسك أو شخص تاني بدون قصد
- وساوس عن معتقدات دينية والشعور بالخجل منها
- الحاجة لتعزيزات إنك مش هتتصرف تصرفات معينة أو إنك شخص غير سيء
- المراجعة اليومية لتصرفات للتأكد من عدم إيذاء أو إهانة أي شخص أو التتبع العقلي أو الجسدي لخطواتك على مدار اليوم
الاحتفاظ بالأشياء
النوع ده بيتضمن:
- القلق المزمن من إن رمي شيء معين ممكن يأذيك أو يأذي شخص تاني
- الشعور بالحاجة لتجميع رقم معين من الأشياء لحماية نفسك والآخرين
- الخوف الشديد من التخلص من الأشياء زي الورق
- الرغبة في شراء عدد كبير من نفس القطعة حتى لو مش محتاجها
- الشعور بالقلق أو عدم الاكتمال في حالة عدم إيجاد شيء معين أو ضياعها بالصدفة
- الرغبة المستمرة في تفقد أشيائك للتأكد من عدم ضياعها
في نوع تاني من اضطراب الوسواس القهري وبيتضمن أفعال زي:
- الرمش المتكرر
- الرعشة المستمرة
- هز الكتفين
أسباب الوسواس القهري
لا يوجد سبب واضح للإصابة بيه لكن الباحثين توصولوا لنظريات معينة وأسباب محتملة زي:
- التاريخ العائلي: فوجود شخص من العيلة مصاب بيه بيرجح احتمالية الإصابة، وممكن يكون مرتبط بعوامل جينية وراثية لكن لم يتحد تحديد نوع الجينات لحد دلوقتي
- عوامل بيولوجية: بعض الدراسات بترجح ان اضطراب الوسواس القهري ممكن يكون نتيجة تغير كيميائي بيحصل في المخ أو في طريقة انتقالها زي السيروتونين
- عوامل بيئية: من المحتمل إن التعرض للصدمة أو الاعتداء أو مواقف موترة ليها دور في الإصابة بيه
- الجراثيم العقدية (Streptococcus): بعض الأبحاث بتقول إن اضطراب الوسواس القهري ظهر أو تطورت أعراضه عند الأطفال بعد الإصابة بالتهاب الحنجرة الناتج عن الجراثيم العقدية في الحنجرة
- لكن الدراسات في النقطة دي قليلة
عوامل الخطر
- الجينات ممكن يبقى ليها دور في إصابة شخص بيه في حالة وجود شخص من العيلة مصاب بيه
- الأعراض بتسوء في حالة التعرض لمواقف موترة
- أعراض الوسواس القهري غالبا بتظهر مع حالات زي:
- اضطرب فرط الحركة وتشتت الانتباه
- الاكتئاب
- اضطراب القلق المزمن
- اضطرابات الأكل
- التعرض للصدمة أو الإيذاء الجنسي أو البدني في الطفولة
الوسواس القهري عند الأطفال
- أعراضه بتظهر بين 8-12 سنة أو ما بين سن 18-25 سنة
- بيظهر عند البنات في سن أكبر من الولاد
- نسبة إصابة الولاد أعلى من البنات بالرغم إن نسبة الإصابة بيه متماثلة بين الجنسين في سن البلوغ
مضاعفات الإصابة بيه
ممكن يسبب مشاكل صحية زي:
- تكرار الطقوس بشكل مفرط
- ظهور التهابات جلدية نتيجة لغسل الإيد المتكرر
- صعوبة النزول للعمل أو المدرسة أو المشاركة في الأنشطة الاجتماعية
- تدني جودة الحياة
- اضطراب وتأثر العلاقات الاجتماعية
- الأفكار والسلوكيات الانتحارية
- اضطرابات الأكل
- الاكتئاب
- الميل للإدمان
علاج الوسواس القهري (OCD)
مراحل العلاج بتضمن:
- العلاج النفسي هيساعدك في تغيير أنماط التفكير من خلال العلاج المعرفي السلوكي
- الاسترخاء من خلال تمارين اليوجا والتنفس العميق والمساج
- أنواع معينة من الأدوية بتساعد في السيطرة على أعراضه وتعمل على زيادة معدل السيروتونين في الجسم
- في بعض الحالات الدكتور بيضطر يلجأ لطرق علاج تانية لأن العلاج النفسي والأدوية بيكونوا غير كافيين زي:
- التحفيز العميق الدماغ
- التحفيز المغناطيسي داخل الجمجمة
- المعالجة بالتخليج الكهربي
