اختراق الواي فاي: إزاي تعرف إنه مخترق وإزاي تحميه

اختراق الواي فاي ممكن يسبب بطء الإنترنت وضعف الخدم بسبب وجود مستخدمين إضافيين على الشبكة بتاعتك، عشان كده هنقولك خطوات تعرف منها إن شبكة الواي فاي الخاصة بيكم مخترقة وخطوات تانية هتخليك تحميله من الاختراق

علامات اختراق الواي فاي

• بطء الإنترنت وسرعته بتنخفض بشكل ملحوظ بسبب وجود مستخدمين إضافيين على الشبكة
• تلقي رسالة مزيفة من برنامج مقاوم للفيروسات
• ظهور رسايل مفاجئة عشوائية أثناء التصفح
• وجود عنوان IP غير معروف 
• لو بتتنقل من موقع للتاني أثناء التصفح غير اللي عملت عليه سيرش بشكل مفاجيء وسريع

طرق معرفة الاستهلاك

متابعة استهلاك الواي فاي ومعرفة الأشخاص اللي بيستخدموه هيساعدك تحدد إذا كان مخترق ولا لأ، وهتخليك تتحكم فيه بطريقة أسهل وده من خلال مجموعة من التطبيقات اللي ممكن تحملها على الموبايل زي

 1- Fing  

• متاح على أبل ستور وعلى جوجل بلاي
•  بتقدر من خلاله تعرف مين بيستهلك الواي فاي بتاعك عن طريق الـIP الخاص بالأجهزة
• بتستخدمه في معرفة تفاصيل سرعة الإنترنت والتحميل 
•  بتتحكم في وقت وصول الإنترنت أو انقطاعه حتى عن بعض الأجهزة

2- Who is Using My WiFi 

•  بتعرف منه مين بيستخدم شبكتك من خلال اسم المستخدم والـIP الخاص بالجهاز

 Who Use My WiFi? 📱 Network Tool -3  

•  سهل استخدامه لمعرفة المستخدمين اللي على شبكتك في أسرع وقت 

4- WiFi Guard

• بيعرّفك مين بيستخدم شبكة الواي فاي بتاعتك وبيبعتلك إشعار (Notification) في حالة اتصال جهاز جديد بشبكتك 

 Wifi thief detector -5 

• بتعرف بالتفصيل مين بيستغل شبكة الواي فاي بتاعك بدون علمك وتفاصيل الأجهزة ونشاطها سواء تصفح أو تحميل 

طرق منع اختراق الواي فاي

في تطبيقات كتير مخصصة لمتابعة استهلاك الإنترنت وحمايتها من الاختراق وده من خلال عمل نسخ بأسماء أجهزة المستخدمين ومنعها منه وتوفير خطوات الحماية المناسبة اللي محتاجها زي

 1- Who is on my WIFI

• متاح للأندرويد
• بيعمل (Scan) للأشخاص اللي بيستخدموا الواي فاي
• تقدر تعملهم بلوك وتغير الباسوورد من خلاله 

 2- Fing

• متاح للأندرويد والآيفون
• بيساعدك تعمل خطوات حماية الواي فاي
• تقدر من خلاله تتبع سعة الاستهلاك/ الأشخاص اللي بيستخدموه/ إشعارات للخدمات المختلفة المتاحة 

3- Wifi Blocker

• متاح للأندرويد والآيفون
• تقدر من خلاله تحدد الأشخاص اللي يقدروا يستخدموه
• بيساعدك تعمل باسوورد صعبة
• تقدر تتحكم من خلاله في استخدام الأطفال للإنترنت 

4- Comsat

• متاح للأندرويد وآيفون
• بيساعدك تحدد الأشخاص اللي بيستخدموا الواي فاي
• تقدر من خلاله تمنعهم/ تمنع المواقع أو المحتوى اللي فيه خطورة/ تفعل خاصية الموافقة قبل استخدام الواي فاي

5- Pixel Wifi Blocker

• متاح للأندرويد
• بيعمل فحص عميق لمستخدمي الواي فاي وتفاصيل أجهزتهم
• تقدر تدوس على اسم الشخص عشان تمنع استخدامه ليه

6- Wifi Thief Detector

• متاح للأندرويد
• بيظهر تفاصيل الشخص المستخدم زي عنوان الـ(IP)/ المسافة بينك وبينه/ اسم الجهاز

خطوات تغيير باسوورد الواي فاي

• ادخل على متصفح الإنترنت واكتب العنوان ده 192.168.1.1 أو 192.168.0.1 وحدد نوع الراوتر اللي بتستخدمه 
• دخل اسم الراوتر والباسوورد اللي عادة بتكون في الجزء الخلفي للراوتر وبعدين دوس على Login
• دوس على كلمة Basic في القائمة يسار الشاشة وبعدين اختار WLAN من الاختيارات اللي هتظهرلك
• دور على المربع جنب اختيار WPA pre-shared key واكتب باسوورد جديدة وصعبة
• ممكن تغير اسم الشبكة بكتابة الاسم داخل المربع جنب اختصار SSID وبعدين دوس Submit
• ممكن تخفي اسم شبكة الواي فاي من خلال الدخول على إعدادات اسم الشبكة والضغط على العلامة أمام اختيار Hide ssit وبعدين اضغط على ٍSubmit
•  للدخول عليها.. اضغط على علامة الشبكات في الموبايل أو اللابتوب واختار الشبكات المخفية
• اكتسب اسم الشبكة والباسوورد عشان يتم الإتصال بيها

نصائح اختيار باسوورد الواي فاي

• تجنب اختيار كلمات أو مناسبات أو أسماء أشخاص معروفة في حياتك لأن سهل الأشخاص اللي حواليك يخمنوها
• يفضل عدم استخدام معلومات شخصية زي تاريخ الميلاد أو مكان العمل
• لازم يكون طويل ومكون من أرقام وحروف ورموز وتكون مرتبطة ببعضها عشان تفتنكرها أسهل
• تجنب عمل باسوورد بنفس النمط فممكن تنوع بين الحروف الكبيرة والصغيرة والأشكال المختلفة
• اكتبها في مكان آمن واحتفظ بيها فيه 

خطوات تحويل باسوورد الواي فاي لكود الاستجابة السريع أو الـ QR Code

هو رمز ثنائي الأبعاد ممكن تقراه من خلال كاميرا الموبايل وهيسهل عليك الدخول على الواي فاي بدلا من الاضطرار لكتابتها وده من خلال الخطوات دي

• اكتب معلومات الواي فاي في ورقة زي اسمه/ الباسوورد/ نوع الـ(Encryption) وممكن تلاقيها على الراوتر
• ادخل على موقع (https://qifi.org/) المخصص لعمل الـ(QR Code) لباسوورد الواي فاي
• أو ممكن تدخل على (http://www.qrstuff.com/) أو (http://www.zxing.appspot.com/generator)
• اختار نوع الـ(Encryption) من القائمة
• اكتب اسم الشبكة في خانة (SSID)
• اكتب الباسوورد في خانة (Key) ودوس على (Generate)
• اختار (Print) عشان تطبع الصفحة اللي هتظهرلك أو اعمل (Export) عشان تحتفظ بيها
• علقها في مكان آمن في البيت
• اللي عايز يستخدم الواي فاي.. هيفتح الكاميرا ويوجهها على الورقة عشان تظهر رسالة الإنضمام للواي فاي