المحتويات
الم اسفل الظهر من أعراض بعض الأمراض وبيزيد مع التقدم في العمر، وبتختلف أنواعه وشدته من حالة مرضية للتانية وبتتنوع أسبابه ومن أبرزها مشاكل العمود الفقري اللي لازم تعالجها في أسرع وقت.
الأسباب
- إجهاد العضلات اللي بينتج عنه تشنجات وصعوبة الوقوف
- الإفراط في استخدام العضلات وحمل الأشياء الثقيلة
- ممارسة الرياضة اللي بتطلب احتكاك جسدي
- الانحناء والالتواء والسقوط المتكرر
- الصدمات نتيجة حوادث السيارات أو رفع الأثقال بدون توجيه من المدرب المتخصص
- هشاشة العظام نتيجة التقدم في العمر
- التهاب المفصل التنكسي اللي بيزيد مع تآكل المفاصل
- الانزلاق الغضروفي
- الآلام الليفية العضلية
- التهاب الفقار اللاصق وهو من أمراض المناعة اللي بتسبب التهابات في فقرات الظهر
- من أعراض سرطان النخاع
- بعض تشوهات العمود الفقري
التشخيص
- ضروري تستشير طبيب متخصص فورًا عشان تحدد سبب الألم وتعرف طريقة علاجه
- الأشعة السينية والرنين المغناطيسي دورهم أساسي في تحديد حالة فقرات الظهر وتفسير السبب الحقيقي للألم
- اوصف الأعراض بدقة لطبيبك عشان يساعدك على اكتشاف السبب الدقيق وبالتالي تتعالج صح من البداية
- الدراسات بتقول إن نسبة كبيرة (ما يقرب من 80%) من حالات الألم أسفل الظهر مش بيتحدد وبيختفي في خلال مدة قصيرة
أنواع الم اسفل الظهر
- الألم الموضعي نتيجة التواء وإجهاد العضلات وبيزيد وبيقل علي مدار فترات متقطعة ولكنه بينتهي بعد مدة بسيطة
- النوع التاني هو الألم المتشعع وهو ألم موجع اللي بينتشر من أسفل الظهر للساق والقدم والركبة
- بيزيد مع الألم المتشعع الضغط الشديد على الأعصاب وبتظهر أعراض زي الصداع والغثيان
- الألم الرجيع هو ألم بيظهر في مكان مختلف عن مصدر الألم الحقيقي
- بعض المصابين بالأزمات القلبية بيحسوا بألم شديد في جانب الذراع الأيسر وبعض الألم القوي والعميق في أسفل الظهر
علاج ألم اسفل الظهر بطرق طبيعية
- استريح في السرير لمدة 48 ساعة وارجع مارس نشاطك بعد ما الآلام تهدى
- استخدم الكمادات السخنة لأنها بتساعد على توسيع الأوعية الدموية وتوصيل الأكسجين للعضلات والكمادات الساقعة لأنها بتقلل الألم والالتهاب
- الدراسات بتقول إن التمارين الرياضية بتزود تدفق الدم لمنطقة أسفل الضهر وبتقلل تيبس العضلات وبتقوي عضلات الساق والذراع والبطن
تمارين رياضية لمنطقة أسفل الظهر
- ضروري تستشير طبيبك المتخصص عشان يحدد إذا كانت حالة الظهر تتحمل إجراء التمارين ولا لأ
تمرين الركبة للصدر
- استلق على ضهرك واتني ركبتك
- شد ركبتك على بطنك باستخدام إيديك وخلي رجلك التانية مفرودة وبدل بينهم
- ثبت رجلك على بطنك لمدة 30-60 ثانية وكرر كل رجل 3 مرات
تمرين دوران الجذع
- استلقي على ضهرك وارفع ركبتك في اتجاه صدرك بحيث يكون جسمك في وضع كأنك قاعد على كرسي
- افرد ذراعك الاتنين على الجنبين
- لف بركبتك الاتنين للجنب اليمين واثبت لمدة 15-20 ثانية
- ارجع لوضع البداية ولف ركبتك الاتنين للجنب الشمال واثبت 15 -20 ثانية وكرر التمرين 5-10 مرات على كل جانب
تمرين الكوبري
- استلقي على الأرض واتني الركبتين وافرد دراعاتك على الأرض
- اضغط بقدمك على الأرض وارفع الأرداف عن الأرض وخلي كتفك ودراعك ثابتين على الأرض
- اثبت 15 ثانية وارجع لوضع البداية بالراحة وكرر الحركة 15 مرة واستريح لمدة دقيقة واعمل 3 مجموعات للتمرين
تمرين الانحناء
- اقعد على الأرض وخلي رجلك الاتنين مفرودين
- انحنى برفق لقدام عند الفخدين (خلي بطنك على الفخدين) وحافظ على استقامة ضهرك
- اربط فوطة عند كعبك تساعدك تقريب بطنك لما تمسكها وشد عضلاتك لحد ما تحس بألم خفيف في آخر رجلك وأسفل ضهرك واستمر لمدة 30 ثانية واستريح لمدة 30 ثانية
- كرر التمرين 3 مرات
الأدوية المناسبة لعلاج أسفل الظهر
- بعض الأطباء بيوصفوا أدوية لتخفيف حدة آلام أسفل الظهر زي:
- أيبوبروفين (Ibuprofen)
- النابروكسين (Naproxen)
- الكودين (Codeine)
- ومراهم زي:
- ترولامين (Trolamine)
- كابسيسين (Capsaicin)
- ليدوكايين (Lidocaine)
