المشروبات الغازية: أضرارها وبدايلها وفوائد التوقف عنها

المشروبات الغازية ليها أضرار كتير لأن فيها اسوأ أنواع السكر المضاف وغنية بالسعرات الحرارية، وبتأثر على صحة العظام والكبد، هنقولك بدايل صحية ليها.

أضرار المشروبات الغازية

زيادة الوزن

• الفركتوز -نوع السكر في المشروبات الغازية- لا يسبب الشعور بالشبع ولا بيقلل هرمون الجوع
• دراسة أثبتت إن الأشخاص اللي بيشربوا المشروبات الغازية مع نظامهم الغذائي المعتاد بياكلوا 17% سعرات حرارية أكتر عن غيرهم وده بيسبب زيادة الوزن
• دراسة على الأطفال أثبتت إن الأطفال اللي بيشربوا مشروبات غازية أو مشروبات محلاة في العموم بتعلى بينهم نسبة السمنة بحوالي 60%

السكر بيتحول لدهون على الكبد

• الفركتوز بيتم استقلابه بالكامل في الكبد وعند شرب كميات كبيرة من المشروبات المحلاة، الكبد بيكون محمل بكمية كبيرة من الفركتوز
• وبيضطر يحولها لدهون اللي البعض منها بيتحول لدهون ثلاثية في الدم والباقي بيكون في الكبد
• المشكلة دي بتسبب الإصابة بالكبد الدهني مع الوقت

السكر بيسبب سمنة البطن

• الفركتوز بالأخص مرتبط بالزيادة الملحوظة للدهون حوالين البطن وباقي الأعضاء
• سمنة البطن بتسبب زيادة خطر الإصابة بداء السكري 2 وأمراض القلب

بتسبب مقاومة الإنسولين

• الإنسولين هرمون مسؤول عن نقل الجلوكوز من الدم لخلايا الجسم ومع شرب المشروبات الغازية، الخلايا بتكون أقل حساسية واستجابة ليه وبتقاومه
• ده بيسبب إنتاج البنكرياس لكمية أكبر من الإنسولين استجابة لارتفاع معدل السكر في مجرى الدم وبالتالي زيادة معدل الإنسولين في الجسم
• الحالة دي اسمها مقاومة الإنسولين وهي سبب رئيسي للإصابة بمتلازمة الإيض اللي بتعلي خطر الإصابة بأمراض القلب وداء السكري 2 مع الوقت
• المشروبات الغازية بتسبب الإصابة بداء السكري 2
• دخول كمية كبيرة من الفركتوز اللي في المشروبات الغازية للجسم بيسبب مقاومة الإنسولين، واللي دراسات كتير ربطت بينه وبين الإصابة بداء السكري 2
• دراسات تانية أثبتت إن حتى شربها بكميات قليلة يوميا بيعلي خطر الإصابة بيه، فأمام كل 150 سعر من السكر يوميا (عبوة من المشروب الغازي) بيزيد خطر الإصابة بداء السكري 2 حوالي 1.1%

خالية من أي عناصر مفيدة 

هي واحدة من الأطعمة اللي سعراتها تعد فاضية أو خالية من أي عناصر مفيدة لأنها لا تضيف أي شيء لنظامك الغذائي إلا كمية كبيرة من السكر

بتسبب مقاومة اللبتين

• اللبتين هو هرمون بتنتجه الخلايا الدهنية في الجسم ومسؤول عن تنظيم عدد السعرات اللي بتاكلها أو بتحرقها ومستوياته في الجسم بتتغير استجابة للجوع والسمنة
• مقاومة الجسم للهرمون ده سبب أساسي للإصابة بالسمنة
• تجارب على الحيوانات أثبتت إن تناول كمية كبيرة من الفركتوز بتسبب الإصابة بمقاومة اللبتين

إدمان المشروبات الغازية

•  احتمالية إدمانها واردة لأن السكر اللي فيها بيعلي نسبة الدوبامين في الجسم واللي بيسبب الشعور بالمتعة
• دراسات كتير أثبتت إن السكر والوجبات السريعة ليها تأثير على المخ مشابه لتأثير المخدرات
• شربها باستمرار ممكن يوصل لمرحلة الإدمان

المشروبات الغازية وأمراض القلب 

• تناول كمية كبيرة من السكر بيعلي خطر الإصابة بأمراض القلب لأنها بتسبب الإصابة بارتفاع ضغط الدم والدهون الثلاثية والكوليسترول الضار
• دراسة أثبتت إن الرجال اللي بتتناول على الأقل مشروب محلى يوميا بتزيد عندهم خطر الإصابة أو الوفاة من أزمة قلبية بحوالي 20% عن غيرهم

المشروبات الغازية والسرطان

• السرطان مرتبط بأمراض مزمنة كتير زي داء السكري 2 وأمراض القلب والسمنة
• وبالتالي المشروبات المحلاة ليها دور كبير في زيادة خطر الإصابة بيه
• دراسة أثبتت إن الأشخاص اللي بيشربوا 2 أو أكتر من المشروبات الغازية بيزيد عندهم خطر الإصابة بسرطان البنكرياس بحوالي 87% عن غيرهم
• دراسة تانية على السيدات بعد سن اليأس أثبتت إن الأشخاص اللي بيشربوها بيعلى عندهم خطر الإصابة بسرطان بطانة الرحم
• شربها أثناء الإصابة بسرطان القولون بيعلي خطر الوفاة

بتأثر على الأسنان

• الصودا والأحماض اللي فيها بتحول بيئة الفم لبيئة حمضية وده بيأثر سلبا على الأسنان
• الأحماض بتسبب تآكل الأسنان والخليط بينها وبين السكر بيزود أثرها
• السكر بيوفر مادة سهلة الهضم للبكتيريا الضارة في الفم

المشروبات الغازية والنقرس

• النقرس هو التهاب بيسبب آلام شديدة ويصيب مفاصل الجسم خاصة مفصل الإصبع الكبير في القدم، وده نتيجة لتراكم حمض اليوريك بكميات كبيرة في الجسم
• الفركتوز هو نوع الكربوهيدرات الأساسي اللي بيعلي حمض اليوريك في الجسم وبيزود خطر الإصابة بالنقرس بنسبة 75% عند سيدات و50% عند الرجال

المشروبات الغازية والخرف

• الخرف هو متلازمة تضم عدد كبيرة من الأمراض العقلية اللي بتأثر على خلايا المخ وأشهرهم الزهايمر
• الدراسات ربطت بين ارتفاع مستوى السكر في الدم المفاجيء وبين زيادة خطر الإصابة بيه، والتأثير على الذاكرة وقدرات اتخاذ القرار مع الاستمرار على شربها

بدائل صحية للمشروبات الغازية

مياه الريحان

• اخلط معلقتين صغيرين عسل أبيض
• ليمونة
• ورقتين ريحان طازة
• مياه فوارة ومكعبات تلج
• قلبهم كويس في وعاء زجاجي

 مياه الـ(Maple Syrup)

• اخلط معلقتين صغيرين (Maple Syrup)
• ربع معلقة صغيرة فانيليا سايلة
• مياه فوارة وقلبهم كويس وضيف مكعبات التلج قبل التقديم

 الكوكتيل

• اخلط 30 مللي عصير رمان
• معلقة صغيرة عسل
• شريحة ليمونة وشريحة برتقال
• كريز (اختياري)
• مياه فوارة
• مكعبات تلج عند التقديم

 مياه الخل والجنزبيل

• اخلط معلقتين كبار خل التفاح
• 4 معالق صغيرة من التحلية المناسبة ليك زي السكر/ الـ(Maple Syrup)/ العسل/ الستيفيا
• معلقة صغيرة جنزبيل طازة أو ربع معلقة صغيرة جنزبيل بودرة
• 6 أكواب مياه
• مكعبات تلج عند التقديم

 مياه الفاكهة

• اخلط 3 أكواب من فاكهتك المفضلة زي البطيخ/ الكنتالوب/ الفراولة
• 3 معالق صغيرة عصير ليمون
• 3 أكواب مياه
• معلقة كبيرة سكر

مياه الليمون

• اخلط شرايح الليمون
• شرايح البرتقال
• مياه فوارة
• تلج عند التقديم

 مياه النعناع

• اخلط 3 ورقات نعناع
• شرايح أناناس
• مياه فوارة
• معلقة سكر صغيرة
• تلج عند التقديم

المياه المهضمة

• اخلط شرايح الفراولة/ الليمون/ التفاح/ ورقتين نعناع/ رشة قرفة بسيطة
• ضيف مياه فوارة
• مكعبات التلج عند التقديم

فوائد التوقف عن شرب المشروبات الغازية

•  هيقل إحساسك بالعطش اللي بيسبب توتر وقلق
• وزنك هينزل تدريجيًا لأنها مصدر رئيسي لزيادة السعرات الحرارية 
• جسمك هيتخلص من السموم وهترفع كفاءة الكليتين 
• عظامك هتبقى أقوى وهتقل آلام المفاصل وفرص الإصابة بالكسور 
• هتزيد البكتيريا النافعة في جسمك اللي بتقوّي المناعة 
• دراسة بتأكد إن التوقف عنها بيرجّع كيمياء المخ لحالتها الطبيعية وبيزيد تركيزك 
• بتقل فرص إصابتك بارتفاع مفاجيء في الضغط والسكر 
• بتحسّن امتصاص المعادن والفيتامينات في الجسم 
• دراسة بتقول إن الامتناع عن المياه الغازية بيقلل فرص إصابتك بالنوبات القلبية