تكنولوجيا
المريخ: مواصفاته والفروق بينه وبين الأرض واحتمالية الحياة عليه
إزاي الإنسان يقدر يعيش على المريخ؟
المحتويات
المريخ أو الكوكب الأحمر هو رابع كوكب في المجموعة الشمسية وبيعتبر تاني أقرب كوكب للأرض بعد كوكب الزهرة، وبيعتبر رمز للحرب أحيانًا في الحضارات القديمة بسبب لونه الأحمر اللي تأكسد الحديد الموجود في صخوره سبب رئيسي في تكوّنه، وبيجمعه بالأرض تشابهات كتير جذبت فضول العلماء لدراسة الكوكب والتفكير في مدى قدرة الإنسان على تحمّل الحياة فيه.
مواصفات كوكب المريخ
- ترتيبه الرابع في المسافة بينه وبين الشمس بعد كواكب المجموعة الشمسية
- تحديدًا وجوده بيجي بعد عطارد والزهرة والأرض وهو تاني أقرب كوكوب للأرض بعد الزهرة
- قطره 6779 كم وده نص قطر كوكب الأرض تقريبًا (حوالي 12742 كم)
- بعض الخبراء بيقولوا إن جاذبية كوكب المشترى جذبت مواد كتير له وبالتالي منعتها من الوصول ليه وقللت فرص نموه
- بيمتلك نواة كثيفة في مركزه على عمق من 1500 إلى 2100 كيلومتر
- غلاف صخري يُحيط بالنواة يتراوح سمكه 1800 كيلومتر وبتغطي كل ده قشرة مكونة من الحديد والمغنيسيوم والألمونيوم والكالسيوم والبوتاسيوم
سبب تسميته بالكوكب الأحمر
- سطح الكوكب بيحتوي على ألوان كتير زي البني والأسود ولكن المريخ بيظهر باللون الأحمر في أغلب الصور نتيجة لتأكسد الحديد المنتشر بكثافة في الصخور
- بتتكون جزيئات صدأ وبسبب الرياح بترتفع الجزيئات دي لفوق وبتنتشر في الغلاف الجوي عشان كده بيظهرلنا باللون الأحمر المميز
أهم الفروق بينه وبين الأرض
- الجاذبية على المريخ أقل من الأرض بنسبة مرتين ونص تقريبًا (تحديدًا 2.6)
- لأن سرعة سقوط أي جسم على الأرض حوالي 9.8 متر في الثانية المربعة مقابل 3.7 متر في الثانية المربعة على كوكب المريخ
- درجة حرارة المريخ أقل من الأرض لأنه أبعد من الشمس
- بتوصل درجة الحرارة في غلافه الجوي لـ 63 درجة تحت الصفر لكن درجة حرارة الغلاف الجوي في الأرض حوالي 15 درجة
- كوكب الأرض 71% منه مياه بكافة أنواعها وحوالي 3% جليد لكن في المريخ نسبة الجليد 1% فقط ومفيش أي مياه سايلة
- بيحتوي المريخ على قمرين اسمهم ديموس وفوبوس ووزنهم مع بعض بيعتبر 1 على مليون من وزن كتلة المريخ
- القمرين اكتسبوا أسمائهم على اسم الخيول اللي بتجر عربة آريس إله الحرب عند اليونانيين القدماء
- كلمة فوبوس بتعني الخوف وديموس يعني الرعب
- لكن الأرض ليها قمر واحد بس كتلته وزنها 1% من كتلة الأرض
- درجة محور دوران الأرض 23.5 درجة مقابل المريخ اللي درجة محور دورانه 24.9 لكن محوره بيضاوي أكتر
- المدار البيضاوي بيعمل فرق كبير في البعد الأقصى والأدنى عن الشمس
- وبالتالي بتختلف درجة الحرارة في الجزء الجنوبي عن الشمالي في المريخ
- درجة حرارة الجزء الجنوبي في المريخ خلال الصيف أعلى بكتير عن الجزء الشمالي
- ولكن مقارنة بالمريخ ففصول السنة بتمر على أغلب مناطق الأرض بشكل متوازن نسبيًا
إمكانية وجود حياة على المريخ
- دراسات كتير بتبحث في إمكانية الحياة على سطح كوكب المريخ
- منهم دراسة في جامعة ويسترن الكندية بتقول إنه كان صالح للحياة قبل 4.4 مليار سنة لأن وقتها كان الكوكب خالي من النيازك اللي بتهدد الحياة على سطحه
- بيحتوي سطح الكوكب على جليد بيعتبر مؤشر على وجود مياه عليه بالإضافة إن بعض الأحجار فيه عليها ترسبات ممكن تبقى مؤشر على وجود مياه فيه
- مشروع مشترك بين وكالة الفضاء الأوروبية والروسية اسمه (ExoMars) بيتبنى فكرة استكشاف المريخ ومدى قدرة الكائنات الحية على العيش فيه
- العلماء المسؤولين عن المشروع ده مقتنعين بنظرية إن الأشعة اللي بتخترق غلافه ممكن تستخدم في توليد الطاقة اللازمة للتفاعلات الكيميائية لبعض الكائنات الحية
- نفس العلماء رصدوا بيئات كيميائية وإشعاعية على الأرض مشابهة للمريخ وممكن الحياة عليها
- خبراء تانيين بيقولوا إن المحاولة للوصول لمياه على الكوكب الأحمر مش مستحيلة لأنه في الأصل كان كوكب رطب
- لكن تفاعلات معيّنة نتج عنها الهيدروجن اللي بيختفي خارج الغلاف الجوي وبيوصل للفضاء
- فريق علمي من جامعة أريزونا لاحظ وجود إتجاه لوجود مياه بشكل موسمي في الصيف الجنوبي تحديدًا
- بتزيد فرص ظهوره فوق الجبال وتحديدًا على مسافة 150 متر فوق السطح
- العواصف الترابية اللي بتحصل في الصيف في الجزء الجنوبي بتوفر كميات مياه موسمية أكتر من العادي بـ 20 ضعف
- وبالتالي بعض العلماء بيحاولوا يدرسوا إذا كان فيه تقنية معينة للاحتفاظ بالمياه دي وهل كمّيتها مناسبة لوجود كائنات حية على الكوكب ولا لأ
مشروع لنقل الكائنات الحية للمريخ
- بيفكر الملياردير إيلون ماسك في نقل كائنات حية للمريخ وتجربة العيش على الكوكب
- وأكد إنه بيحاول يطور طريقة إنشاء قباب زجاجية ضرورية لوجود الإنسان على المريخ لفترات طويلة وبيعبر دايمًا عن أمنياته لوجود حياة على المريخ سنة 2050
- فكرة معينة بيتبناها إيلون ماسك اسمها الأرضنة وبالإنجليزية اسمها (terraforming)
- بتعبر الأرضنة عن تهيئة نفس ظروف الحياة على الأرض في كوكب تاني للعيش فيه
- تفكير ماسك وصل إلى إنه بيقترح قصف القطبين الشمالي والجنوبي على الكوكب بقنابل نووية ينتج عنها ذوبانهم وبالتالي ارتفاع درجة حرارة الكوكب خصوصًا في قطبه الشمالي
- بيفكر كمان في وضع مرايات عملاقة على أقطاب الكوكب عشان تعكس أشعة الشمس عليه وتوصل درجة حرارته لمعدلات مناسبة
- شركة SpaceX اللي بيملكها إيلون ماسك بتطور سفينة ستارشيب ( Starship) اللي هتنقل حوالي 100 شخص
- رغم إن الشركة مخططة لجدول زمني لحدوث الانتقال الأولي (قبل 2030) ولكن إيلون ماسك مؤمن إن الأرضنة مش هيعاصرها الجيل الحالي
- توفير سبل الحياة الكاملة بطرق صناعية داخل المريخ هيحتاج سنين طويلة
- البحث والمجهود هياخد وقت طويل عشان يحقق نتيجة مرضية مش هيستمتع بيها الجيل الحالي حسب وجهة نظره
- علماء كتير بيوصفوا إن كلام إيلون ماسك مجرد طموح وإن تهيئة حياة كاملة على الكوكب مستحيل باستخدام التكنولوجيا الحالية
