المحتويات
الكيس الدهني هو نتوء بيظهر تحت الجلد في أي منطقة من الجسم، بطيء النمو وبيتحرك بسهولة تحت الجلد، غالبا بيصيب البالغين أكتر من الأطفال، ويعتبر حالة غير خطيرة، بيكون ممتليء بمادة بيضاء سميكة تشبه الجبن، اسمها (الكيراتين)
ما هو الكيس الدهني؟
- عادة بيظهر النتوء في شكل دائري أسفل الجلد في أي منطقة من الجسم خاصة الوجه والرقبة والرأس والفخدين، نموه بطيء وعادة مش بيسبب أي ألم
- ممكن يتم استئصاله لو منظره مزعج أو بيسبب الألم أو أصيب بالالتهاب
- تجنب اللعب ومحاولة إخراج محتوى الكيس الدهني من المادة البيضاء السميكة لأن ده ممكن يأدي لتلوثه والإصابة بالتهاب
أعراض الكيس الدهني
بتصاحب ظهوره بعض الأعراض زي:
- ظهور رأس أسود في منتصف الكيس أو النتوء
- إفرازات صفراء لها ريحة كريهة
- احمرار الجلد في منطقة كيس الدهن بسبب التهابه
مهم تستشير دكتور لو ظهرت الأعراض دي:
- نمو كيس الدهن بشكل سريع
- تمزقه
- آلأم وتهيج في منطقة الكيس
- ظهوره بيسبب إزعاج خاصة لو ظهر في جفن العين
- ظهوره في منطقة غريبة
أسباب ظهور الكيس الدهني
- الطبقة العليا من الجلد (الأدمة) بتتكون من طبقة خلايا رفيعة ورقيقة، وبيقوم الجسم باستبدالها بانتظام، وعادة بيظهر الكيس مع انتقال الطبقة دي لطبقة داخلية من الجلد لأنها بتحتوي على غدد دهنية، وبتتكاثر بشكل غير طبيعي
- وبعد كدة بيتم إفراز بروتين الكيراتين جوه الكيس، وهو مادة بيضاء أو صفراء وسميكة
- في عوامل بتزود فرص ظهوره زي مرحلة البلوغ/ الإصابة باضطراب جيني/ إصابات الجلد
مضاعفات ظهوره
- تمزق الكيس وإصابته بالالتهاب
- في حالات نادرة جداً بيزيد خطر الإصابة بسرطان الجلد
علاج الكيس الدهني
في معظم الحالات بيترك لحد ما بيختفي لكن في بعض الحالات بيتم علاجه من خلال:
- حقنه بدواء يقلل التورم والالتهاب
- الكي
- شقه والضغط عليه لتفريغ محتواه
- التخلص من كيس الدهن كلياً من خلال الجراحة
الفرق بين الكيس الدهني والأورام؟
الكيس الدهني
- بيظهر تحت الجلد في أي منطقة بالجسم خاصة في الرأس والرقبة والفخدين والدراع وتحت الإبط
- سببه بيرجع لنمو الخلايا الدهنية بشكل سريع عن الحد الطبيعي
- ممكن يفرز إفرازات صفراء لها ريحة كريهة وبيتحول للون الأحمر لو اتعرض للالتهاب
- في بعض الحالات بيستدعي تدخل جراحي للتخلص منه
- في الحالات البسيطة ممكن تستخدم طرق طبيعية زي جل الألوفيرا أو الكركم أو خل التفاح للتخلص منه
- ضروري استشارة الدكتور خاصة لو كان يصاحبها ألم ووخذ وتورم
كتل الأورام الحميدة
- عبارة عن تجمع لخلايا تنمو وتتكاثر دون وظيفة محددة
- بتنمو في مكانها ومش بتنتشر لباقي أجزاء الجسم
- تصاب 9 من كل 10 نساء بأورام حميدة في الثدي
- الدراسات ربطت بين ظهورها بين أسباب زي: الوراثة/ النظام الغذائي غير الصحي/ الضغوطات النفسية/ الالتهابات والعدوى
- أنواعها هي:
- أدينوما (Adenomas) بتكون في الغشاء الرقيق حول الغدد والأعضاء الداخلية وغالباً بيصيب الكبد والقولون
- ميوماس (Myomas) بتنمو في العضلات أو في داخل جدران الأوعية الدموية زي الثدي أو المعدة
- (الشامة) وبتظهر على سطح الجلد بيكون لها لون غامق أو بلون الجلد
- فيبرويدز أو فيبروماس (الليفي) بتنمو في الأنسجة عضو داخل الجسم وأكثر الأماكن اللي بتظهر فيه هو الرحم
كتل الأورام الخبيثة
- بتظهر نتيجة لنمو غير طبيعي للأنسجة وممكن تكون صلبة أو فيها سوايل
- سريعة النمو والتكاثر وبتنتقل في الدم و بواسطة الدم أو اللمف للأعضاء زي الكبد والمخ والرئتين والعظام
- بتحتل الأورام الخبيثة المرتبة التالتة للأمراض المنتشرة وبتسبب الوفاة
- بتظهر أعراض للأورام الحميدة والخبيثة لكنها بتختلف على حسب مكانها في الجسم زي: ألم ووخز/ الصداع وألم في الرأس/ مشاكل في الرؤية/ خلل في الذاكرة/ القشعريرة والارتجاف/شعور بعدم الراحة/ حمى/ فقدان للشهية/ تعرق ليلي/فقدان الوزن
