المحتويات
الكلور هيبو كلوريت الصوديوم وصيغته الكيميائية NaClO وبيستخدم في أشكال كتير أهمها تنقية المياه (بنسبب محددة جدًا لمعالجة المياه من الملوثات والمعادن الختلفة) وبيستخدم كمبيض للملابس والأقمشة لإزالة البقع من عليها، وعلى الرغم من فوائده إلا أن أضراره ممكن تسبب مشاكل خطيرة على الصحة.
تعريف الكلور
- هو غاز بيتميز بلونه الأصفر المائل للأخضر وهو من العناصر اللافلزية النشطة وبيتوفر في الطبيعة على شكل مركبات مختلفة متعددة الاستخدامات وبيعتبر من الغازات السامة لأن كثافته أعلى من الهواء واستنشاقه ممكن يسبب مشاكل خطيرة للصحة
- لأنه مادة مؤكسدة فعّالة بيستخدم لتبييض الملابس وإزالة البقع من عليها في بعض صوره
- اسمه العلمي كلوريت الصوديوم وصيغته الكيميائية NaClO وبيتكون من أيون بشحنة موجبة +NA وأيون تاني بشحنة سالبة -ClO
- بيتصنف من أملاح الصوديوم لحمض الهيبوكلوريك وبيستخدم في أغلب الأوقات كمبيض لمعالجة البقع بعد إذابته في الماء
- بيعتبر خيار رخيص لمعالجة المياة لقتل الكائنات الدقيقة والميكروبات والفيروسات وبيشيل الكلور بعض المعادن من المياه زي المنجنيز والحديد وكبريتيد الهيدروجين اللي ممكن تضيف طعم سيء للمياه
- بيتخزن الكلور كسائل في حاويات كبيرة مضغوطة وبيتحقن كغاز مباشر في المياه ولكن العملية بتتم وفقًا لخطوات دقيقة بنسب محسوبة كويس لأن أي زيادة في الكلور ممكن تسبب كارثة خصوصًا إنه مادة سامة
أضرار الإفراط في استخدام الكلور
- ابعده عن غسل المواعين لأنه مش بيخرج منها بسهولة وممكن يسبب فشل كبدي
- استخدمه في التنضيف بكميات قليلة مع مياه كتير لأن استنشاقه بيأذي الرئة
- بلاش تخلطه مع مواد تنضيف تانية زي الخل والأمونيا لأنه بيتفاعل معاها وبيسبب دخان سام
- تجنب استخدامه في تنضيف الرخامة أو الأسطح اللي بياكل عليها الأطفال لأنه ممكن يسببلهم اضطراب في التنفس
- البس جوانتي أثناء استخدامه في التنضيف لأنه بيسبب أحيانًا تآكل الأغشية المخاطية نتيجة استنشاقه
- الكمية الكبيرة منه مؤذية لحيوانك الأليف لأنه بيثبت على جسمهم وممكن يسببلهم تسمم
- ملامسة الكلور للجلد بتزوّد فرص الإصابة بالتهابات شديدة وتسرّبه للدم ممكن يسبب تسمم
- استنشاق الكلور بكميات كبيرة خلال فترة محدودة ممكن يسبب أعراض صحية خطيرة ممكن توصل لتوقف القلب ومنها:
- الإحساس بالاختناق
- ضيق التنفس والإحساس بثقل كبير على الصدر
- سيلان إفرازات الأنف
- زيادة فرص الغثيان والقيء
- الالتهاب الرئوي
- الصداع المستمر الممتد للرقبة والعظام
- نقص الأكسجين في الدم
- تهيج وحرقان العينين وحروق القرنية
إسعاف طفل شرب كلور
- اطلب الإسعاف في أسرع وقت أو روح لأقرب مستشفى فورًا
- بلاش تجبره على التقيؤ إلا لو طلب الطبيب المتخصص ده
- خليه يشرب لبن أو مياه باردة لو فايق ومفيش أي أعراض ظهرت عليه
- بلاش تخليه يشرب أي حاجة عشان تقلل فرص الاختناق لو غاب عن الوعي أو بيعاني من قيء وتشنجات
- اغسل جلده وفمه لو عليهم آثار الكلور لمدة 10 دقايق على الأقل وابعده عن مكان الكلور وغيّر ملابسه لو وقع عليها أي سائل وعرّضه للهواء قدر المستطاع
التصرف وقت ملامسة الكلور للجلد
- شيل أي قطعة قماش أو ذهب ملامسة للمنطقة اللي اصابها الكلور
- امسح بقايا الكلور عن طريق قطعة إسفنج أو قماش مبللة
- بلاش تلمس جبهتك أو راسك أو وجهك أثناء إزالة الكلور من الجلد والأحسن تلبس جوانتي أثناء إزالته
- شيل أي مكياج في العين أو عدسات لاصقة لو فيه أي رذاذ من الكلور وصل للعين واغسل عينك بالمياه فقط وتجنب غسلها بالصابون لأن الكلور بيتفاعل مع المنظفات التانية وممكن يزوّد الضرر
- ضروري تستشير طبيب متخصص فورًا خصوصًا لو لمس الكلور عينك
بدائل الكلور لإزالة البقع
بيروكسيد الهيدروجين والبيكنج صودا
- اخلط كماية متساوية من المادتين وعليهم كمية مياه بسيطة
- قلّبهم كويس عشان تشوف عجينة متماسكة
- غطّي البقع الصعبة بالعجينة وسيبها من نص ساعة لساعة كاملة
- افرك العجينة بفرشة الأسنان واشطفها بالمياه واتأكد إن مفيش بقايا معجون عليها قبل تنضيفها في الغسالة
محلول المياه وعصير الليمون
- اخلط كوباية بيروكسيد الهيدروجين مع نص كوباية بيكنج صودا وربع كوباية عصير ليمون
- قلّبهم كويس وبعدها ضيف على الخليط 6 كوبايات مياه
- اغمس قطعة الملابس اللي عايز تشيل البقع منها في المحلول وعرّضها لأشعة الشمس لمدة بسيطة
- سيبها في المحلول متوسط ساعتين وبعدها اشطفها بالمياه قبل تنضيفها في الغسالة
الليمون
- املا وعاء كبير بالمياه الدافية وقطّع فيها شرائح ليمون بكمية كبيرة
- سيب قطع الملابس اللي عايز تنضفها من ساعتين لـ 3 ساعات قبل شطفها وتنضيفها في الغسالة
- الطريقة دي مناسبة للبقع السطحية والبسيطة
البيكنج صودا
- ضيف نص كوباية بيكنج صودا داخل درج إضافة المسحوق قبل تشغيل الغسالة
- الخبراء بيأكدوا إنها بتساعد على إزالة أصعب أنواع البقع
الخل
- ضيف ربع كوباية خل على درج موزع المسحوق في الغسالة
- بينعّم الأقشمة وبيساعدك تتخلص من أصعب البقع فيها
- لو البقع قوية املا وعاء كبير بالمياه عليه كوباية خل كبيرة وانقع فيه الملابس لمدة ساعة قبل تنضيفها في الغسالة
تقليل تركيز الكلور في المياه
- اغلي المياه لمدة 20 دقيقة
- لو الوعاء كبير حط فيه قرص واحد فوار فيتامين ج عشان يقلل تركيز الكلور
- بلاش تشرب المياه على طول والأحسن تستني ساعتين على الأقل
- حط المياه في زجاجات وجمّدها في الفريزر ولما تسقع أكتر
- الخبراء بيأكدوا إن تعريض المياه لدرجات حرارة مختلفة بيقلل تركيز الكلور فيها
- اشرب مياه من الفلتر ونضّف شمعة الفلتر مرة كل شهر
