الكبد: وظيفته والأمراض اللي بتصيبه وطرق الوقاية منها

الكبد بيقع في الجزء العلوي الأيمن من البطن ومكانه بالتحديد أعلى البطن وأسفل الحجاب الحاجز، بيعتبر من أكبر الأعضاء الداخلية داخل جسم الإنسان، ووظائفه حيوية وأساسية داخل الجسم لكن الأمراض اللي بتصيبه ممكن تأثر على وظائف الجسم الحيوية وتشكّل خطورة على صحة الإنسان.

وظائفه

• بينتج الكبد العصارة اللي بتساعد على الهضم واسمها (bile) وبتتكون من كوليسترول وأملاح ومادة البيليروبين
• بتساعد على تحليل الطعام وامتصاص الدهون والكوليسترول وبتقوّي وظيفة الأمعاء الدقيقة على هضم الطعام والاستفادة منّه
• عصارة الكبد دورها أساسي في منع تجلط الدم والمساعدة على تخثره لأن العصارة بتمتص فيتامين (ك) اللازم لتخثر الدم
• بتحتوي العصارة على مادة البيليروبين وبتتكون نتيجة تحليل الهيموجلوبين وبينتج عنها تخزين الحديد في الكبد
• الحديد بيساعد على تجديد خلايا الدم الحمراء في الجسم اللي بتحمل الأكسجين لكل أعضائه
• بيخزن المعادن والفيتامينات المختلفة زي فيتامين أ/د/ي/ك/ب 12/ الحديد/النحاس
• بينقي الكبد وبيقوّي جهاز المناعة

أعراض مشكلاته

• اصفرار الجلد
• آلام في البطن
• تورّم الساقين
• لون بول داكن
• براز لونه شاحب ولونه أسود داكن
• فقدان الشهية
• الميل للكدمات وقت التعرض لأقل إصابة
• عروق العنكبوت وهي عبارة عن شرايين صغيرة بتظهر في أماكن محددة بالتحديد عند الصدر والجذع أو على الجلد
• بتدل عروق العنكبوت في أغلب الأحيان على وجود تليف شديد في الكبد
• نتؤات بيضاء فوق جفن المريض وبتظهر بسبب ارتفاع الكوليسترول الضار وانخفاض نسب الكوليسترول الجيد
• ظهور قشرة شعر كثيفة بسبب نقص الفيتامينات
• ريحة الفم الكريهة في بعض الأوقات بتدل على الفشل الكبدي
• قلة التركيز والإحساس بالإرهاق المستمر
• اسمرار مفاصل الجلد وظهور نتؤات بني على بصيلات شعر الجسم

أسباب أمراض الكبد

• الإصابة بفيروس معيّن نتيجة عدوى انتقلت عن طريق الطعام أو الشراب الملوث أو نتيجة الإتصال المباشر مع شخص مُصاب
• بعض الأمراض المناعية اللي بتصيب الكبد زي التهاب الكبد المناعي والتهاب الأقنية الصفراوية
• العوامل الوراثية نتيجة إصابة الآباء أو الأجداد بأمراض الكبد وممكن مع إهمالها توصل لتلفه
• إدمان الكحول
• تناول الأدوية المسكنة بكميات كبيرة دون استشارة طبيب متخصص
• زيادة الوزن وتراكم الدهون عليه
• بعض أنواع المركبات العشبية اللي هدفها علاج بعض الأمراض لكنها في الواقع ممكن تضر المريض

الأمراض اللي بتصيب الكبد

• تليف الكبد وظهور الندبات عليه اللي بتقلل قدرته على العمل بكفاءة
• السرطان
• الكبد الدهني
• الفشل الكبدي
• التهابات الكبد بأنواعها

الوقاية من أمراضه

• اشرب قهوة باستمرار وحافظ على شرب كميات مياه مناسبة يوميًا
• حافظ على وزنك وقلل الدهون قدر المستطاع وقلل وزنك لو بتعاني من زيادة والعب رياضة يوميًا مهما كانت بسيطة زي المشي
• دراسات كتير بتقول إن أكل خضروات بألوان مختلفة بيقوّي المناعة  
• اغسل إيدك بانتظام وحافظ على تعقيم إيدك بالكحول خارج البيت
• تجنب المواد الكيميائية سواء بالاقتراب منها بدون إجراءات احترازية أو تناول أي أطعمة فيها مواد حافظة 
•  أطعمة كتير هتساعدك تقلل فرص الإصابة بأمراضه زي الشوفان والبروكلي والشاي الأخضر واللوز وعين الجمل والسبانخ
• الخبراء بيأكدوا إن فيه أطعمة تانية كتير بتقلل الخطر زي التوت الأزرق والبهارات زي الكمون والكركم والأسماك والأفوكادو وزيت الزيتون واللب السوري والتوم
• تجنب الإفراط في شرب الكحول لأن دراسات كتير أكدت إن الإفراط في شربه بيزوّد خطر الإصابة بأمراض كتير

 الأطعمة الضارة للكبد

الأطعمة الدسمة 

•  زي البطاطس المقلية والبرجر واللحوم المصنعة زي البيبروني
• لأنها غنية بالدهون المشبعة وبالتالي تعيق الكبد في عملية تكسير الدهون وتحويلها لطاقة

 السكريات

• الكميات الكبيرة من السكر والحلويات بيسبب تراكم الدهون عليه وده بيعلي خطر الإصابة بالالتهابات الكبدية أو الكبد الدهني

  الأطعمة الجاهزة

• زي المخبوزات والبطاطس الجاهزة والشوربة المعبأة والخضار المعبأ والصوصات لأنها غنية بالسكر والملح والدهون والصوديوم وده بيعلي خطر الإصابة بالتليف الكبدي مع الوقت

 الكريمة المخفوقة

• غنية بالسعرات الحرارية والدهون والدهون المشبعة والسكر ومهم تتجنبها في الحلويات ومع القهوة

 الكحول

• الكبد مسؤول عن تنقية الجسم من السموم وبعض الدراسات الأمريكية أثبتت إن بعض خلايا الكبد بتتلف أثناء تنقيته من الكحول
• الانتظام على شربه بيسبب الفشل الكبدي مع الوقت

الزبدة

• غنية بالدهون المشبعة والانتظام على أكلها بيسبب تراكم الدهون في خلايا الكبد وبيسبب الإصابة بمقاومة الإنسولين وده بيعلي خطر الإصابة بداء السكري 2

 الأجبان الدسمة

• زي الريكوتا والشيدر والبارميزان والجبنة الكريمي لأنها غنية بالدهون المشبعة مع اختلاف الكمية بين الأنواع وده بيعلي خطر تراكم الدهون في الجسم وبيزوّد خطر الإصابة بأمراض القلب

الدقيق الأبيض

• زي الخبز والمكرونة والأرز لأنه مصنع وبيعلي معدل السكر في الدم وبيسبب تراكم الدهون في الخلايا وخالي من العناصر الغذائية والألياف والفيتامينات

احتياطات ضرورية قبل تناول الأدوية 

 خليك حريص وقت تناول الباراسيتامول

• موجود في أكتر من 600 نوع دواء زي أدوية البرد بس مهم تلتزم بالجرعة المناسبة منه وتجنب الإفراط فيه

 اقرأ مكونات الأدوية

• بعض الأعشاب زي لسان الثور والسنفيتون وحشيشة السعال بتتراكم في جدران الأوعية الدموية مع الوقت
• مهم تتأكد من أنواع الأعشاب المضافة للأدوية والمكملات الغذائية